Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Që në fillim të këtij muaji Shtetet e Bashkuara dhe aleatët e saj kanë nisur një operacion ushtarak për të dobësuar fuqinë e rebelëve Houthi në Jemen duke frenuar kësisoj edhe ambiciet e tyre në rajon.
Nga Jason M. Brodsky “The Spectator”
Deri një muaj përpara vrasjes së komandantit të Gardës Revolucionare Islamike (IRGC) Qassem Soleimani në janarin e vitit 2020, pak njerëz mund ta kishin pritur që qeveria amerikane ta eliminonte atë me një sulm specifik me dron.
Që në fillim të këtij muaji Shtetet e Bashkuara dhe aleatët e saj kanë nisur një operacion ushtarak për të dobësuar fuqinë e rebelëve Houthi në Jemen duke frenuar kësisoj edhe ambiciet e tyre në rajon. Mbrëmjen e së enjtes ata ndërmorën sulme kundër dhjetëra objektivash në Jemen. Kështu shpërthime u raportuan në kryeqytetin Sanaa, në portin Hudaydah në Detin e Kuq, në Dhamar si dhe bastionin veriperëndimor të Houthi-ve, Saada.
Kjo milici është e mirë-armatosur dhe financohet nga IRGC-ja iraniane. Ajo ka shënjestruar ditët e fundit anijet tregtare në ngushticën Bab al-Mandeb, një pikë nevralgjike globale. Por operacionit ushtarak të SHBA-së i mungoi shpejtësia, fshehtësia dhe befasia që solli vdekjen e Soleimanit 4 vite më parë.
Dhe kjo gjë rrezikon të minojë vetë frenimin që Uashingtoni dhe Londra shpresojnë të arrijnë me sulmet e tyre. Strategët ushtarakë dhe vendimmarrësit në Iran, kanë synuar prej kohësh ta rrethojnë Izraelin në një ‘unazë zjarri’. Operacioni “Al-Aksa Flood” i Hamasit më 7 tetor dhe reagimi që pasoi nga boshti i rezistencës i IRGC-së, i përbërë nga milici si Hamasi, Hezbollahu dhe Houthi, përfaqësonte zbatimin e parë në shkallë të gjerë të kësaj doktrine. Teherani i ka tërhequr fijet nga pas. Pra gjithçka që është parë muajt e fundit ka qenë si një orkestër, me milicitë si lojtare dhe Gardën Revolucionare si dirigjent.
Por përgjigja nga Shtetet e Bashkuara dhe aleatët e saj ka qenë e dobët. Por përgjigjet “proporcionale”, siç u përshkrua edhe fushata e sulmeve të së enjtes, nuk i kanë ndalur dot sulmet. Qeveria amerikane ka synuar të parandalojë përshkallëzimin e situatës. Por sinjalizimi i administratës Biden se nuk është e interesuar të zgjerohet konflikti në Gaza, nuk është përputhur me mënyrën e veprimit të IRGC-së, që zakonisht lufton në disa zona njëherazi nëpërmjet palëve të treta.
Përpjekjet e Uashingtonit për të ulur tensionet përmes mos-reagimit ndaj një sërë provokimesh - të cilat kanë variuar nga sulmet ndaj forcave amerikane në Irak dhe Siri, deri tek sulmet ndaj anijeve ndërkombëtare deri të enjten - kanë nxitur një përshkallëzim më të madh nga boshti i rezistencës.
Udhëheqësi suprem i Iranit, Ayatollah Ali Khamenei, është në pushtet që nga viti 1989, duke kaluar gati 6 presidentë amerikanë. Presidenti Joe Biden e ka treguar veten si një kundërshtar i parashikueshëm. Ndërsa ai udhëroi vendosjen e mjeteve të avancuara detare në Lindjen e Mesme dhe paralajmëruar kundërshtarët, udhëheqja iraniane nuk është impresionuar dhe as ka dyshuar në vullnetin e Biden, për t'i përdorur ato kundër objektivave strategjikë me rëndësi për vendin.
Kjo gjë e ka inkurajuar Khamenein të zgjerojë konturet e fushës së betejës rajonale, megjithëse është ende nën pragun e asaj që do të shkaktonte një luftë të drejtpërdrejtë midis Uashingtonit dhe Teheranit. Kjo gjë po ndodh sepse Shtetet e Bashkuara shpesh shfaqen më shumë të frikësuara nga Republika Islamike e Iranit sesa kjo e fundit nga Shtetet e Bashkuara.
Irani dhe rrjeti i tij më i gjerë i milicive mbështetëse në rajon e kanë ndjerë prej kohësh ngurrimin e Amerikës për të përdorur forcën në mbrojtje të interesave të saj. Diskutimet e ngadalta nëse Shtetet e Bashkuara duhet të ndërmarrin sulme kundër Houthi-t, pasuan vendimi aktual për disa sulme të izoluara. Dekonspirimi i sulmeve - veçanërisht nga mediat britanike ditët e fundit - e ka inkurajuar gjithashtu Houthi-t dhe IRGC që të zhvendosin arsenalin e tyre të armëve dhe personelin më të rëndësishëm në zona që janë jashtë rrezikut.
Këtu përfshihen Forcat Quds të IRGC-së, stacionet e personelit në Jemen, dhe kryesisht Abdul Reza Shahlai, një komandant i lartë me bazë në Sanaa. IRGC, duke parashikuar veprimet perëndimore, lëvizi gjithashtu anijen e saj spiune Behshad, e cila ka transferuar inteligjencë tek Houthis për të drejtuar shënjestrimin e tyre të anijeve në ujërat ndërkombëtare. Kjo e minoi sigurinë operacionale.
Dhe kjo ngre pikëpyetje në lidhje me efektivitetin e fushatës ushtarake amerikane të nisur të enjten. Problemi nuk qëndron vetëm tek numri i sulmeve, por tek cilësia e objektivave, përkatësisht rëndësia e tyre për Houthi-t dhe udhëheqjen iraniane. Strategjia mbrojtëse e Iranit, bazohet në përdorimin e milicive mbështetëse të saj dhe partnerëve të tjerë për të penguar një sulm në territorin iraniane nga Shtetet e Bashkuara dhe Izraeli. Khamenei do të luftojë deri në luftëtarin e fundit të Houthi-t.
Por ai nuk ka gjasa të rrezikohej me përdorimin e hapur të forcave të tij, sepse ai e di se një konflikt i tillë me ushtrinë amerikane dhe aleate do të rrezikonte destabilizimin e regjimit të tij. Khamenei ka qenë këto kohë i vetëkënaqur për shkak të mosinteresimit të Biden për t’u përballur me forcë me Teheranin. Kjo mund të shihet edhe në deklaratën e fundit të presidentit amerikan që njoftoi sulmet ndaj Houthi-t. Në këtë deklaratë nuk përmendet askund Iranin apo IRGC-në. Por Houthi-t nuk do të kishin këtë famë sa i përket fuqisë së tyre pa ndihmën e Iranit. Ndaj ky ngurrim ka të ngjarë të bëjë shumë përshtypje në korridoret e pushtetit në Iran.
Realiteti është se për të frenuar në mënyrë efektive udhëheqjen iraniane, Shtetet e Bashkuara dhe aleatët e tyre do të duhet të godasin objektiva që kanë shumë rendësi për teokracinë. Dhe këtu përfshihen bazat e IRGC-së në Iran dhe komandantët e IRGC-së në rajon.
Liderët në Uashington mund të nxjerrin mësime nga përvoja e Izraelit (dhe në raste të kufizuara edhe nga historia e tyre) në eliminimin e objektivave me peshë gjatë viteve, pa shkaktuar një luftë rajonale. Tre shembuj të tillë janë zyrtarët e lartë të IRGC-së Mohsen Fakhrizadeh, Hassan Sayyad Khodaei dhe Razi Mousavi.
Nuk pati asnjë luftë rajonale edhe pasi u vra gjenerali Qassem Soleimani, një figurë me rëndësi të madhe për regjimin, pavarësisht parashikimeve apokaliptike që u bënë në atë kohë. Nëse vazhdon dhuna, presidenti Biden duhet të konsiderojë të bëjë diçka jashtë karakterit të tij për ta tronditur sistemin iranian nga gjendja e vetëkënaqësisë ku ndodhet. Tek e fundit, nuk do të jetë vetëm Khamenei, por edhe presidenti kinez Xi Jinping dhe ai rus Vladimir Putin ata që do të mbajnë shënime mbi sjelljen aktuale të SHBA-së.
Shënim:Jason M.Brodsky, drejtor i Politikave të Përbashkëta kundër Iranit Bërthamor (UANI) dhe bashkëpunëtor në Programin e Iranit në Institutin e Lindjes së Mesme.
Foto ilustruese GJERMANI- Fermerët gjermanë protestojnë kundër politikës së kursimeve të qeverisë. Masat ...
Demonstruesit që mbajnë flamuj protestojnë kundër qeverisë përpara Parlamentit në Varshavë POLONIA- Pas javësh...
Foto Ilustruese KINË- Së paku 10 njerëz kanë vdekur dhe gjashtë të tjerë janë zhdukur si pasojë e një ak...
Aleksandër Vuçiç SERBIA- Presidenti i Serbisë, Aleksandar Vuçiç, pas takimit me ambasadorin e Shteteve të Bashku...
Papa Françesku VATIKAN- Papa Françesku duket se nuk është në gjendje shumë të mirë shëndetësore dhe k...
Tajvani TAJVANI- Qytetarët e Tajvanit votuan të shtunën në zgjedhjet e tyre presidenciale dhe parlamentare, të cilat janë cil...
UKRAINË- Kur forcat ruse goditën Harkivin në mars të vitit 2022, një muaj pas fillimit të pushtimit, Nadin Geisler mori një...
Parlamenti shqiptar Nga Alberto Gentili “Huffington Post” Giorgia Meloni nuk është tipi që ndalet me pengesën e parë ...
Payton Gendron SHBA- Sipas dokumenteve të paraqitura në gjykatë të premten prokurorët federalë do të kërkojnë ...
Foto Ilustruese SHBA- Kompanitë ajrore në Shtetet e Bashkuara anuluan më shumë se 2 mijë fluturime të premten pasi një s...
