Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Bota
FOTOLAJM/ Ndarja nga jeta e Papa Françeskut, besimtarët zhvillojnë lutje në sheshin e Shën Pjetrit
Qindra njerëz janë mbledhur në shesh për shërbimin, i cili po drejtohet nga kardinali Mauro Gambetti.
21 Prill 2025, 20:31Nga E. D
pamje nga vendngjarja
VATIKAN- Vatikani ka nisur lutjet në sheshin e Shën Pjetrit në përkujtimin e parë publik pas vdekjes së Papa Françeskut. Qindra njerëz janë mbledhur në shesh për shërbimin, i cili po drejtohet nga kardinali Mauro Gambetti. Katedralja Metropolitane në Buenos Aires ishte e mbushur me njerëz që donin t'i bënin nderimet e tyre Papës së ndjerë.
Papa Françesku shërbeu si Kryepeshkop i Buenos Aires nga viti 1998 derisa u zgjodh Papë në vitin 2013 dhe kjo katedrale ishte vendi ku ai adhuroi dhe kremtoi shumë meshë. Shumë u gjunjëzuan gjatë meshës.
Vatikani ka njoftuar se Papa Françesku vdiq nga një goditje në tru dhe si pasojë e dështimit të pakthyeshëm të zemrës. Goditja cerebrale çoi në koma dhe dështim të pakthyeshëm të zemrës, thuhet në certifikatën e vdekjes, e publikuar nga Vatikani. Raporti vjen rreth 12 orë pasi u njoftua vdekja e Papës, i cili vuante nga një sëmundje kronike e mushkërive.
Kohët e fundit shëndeti i tij u përkeqësua shumë si pasojë e pneumonisë, sëmundje që shënjoi jetën e tij që në moshën 21-vjeçare, ku si pasojë e së cilës ai iu nënshtrua një ndërhyrjeje kirurgjikale, ku ju hoq pjesa e sipërme e mushkërisë së djathtë.