Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Militantët e Hamasit e kanë liruar Yarden Bibasin dhe izraelito-francezin Ofer Kalderon te zyrtarët e Kryqit të Kuq në qytetin e Han Junisit, ndërsa izraelito-amerikani Keith Siegel, në dukje i zbehtë dhe i dobët, i është dorëzuar Kryqit të Kuq në qytetin e Gazës, në pjesën veriore.
LINDJE E MESME- Militantët e Hamasit i kanë liruar tre burra të marrë peng, të cilët i kanë mbajtur në Rripin e Gazës, ndërsa Izraeli ka nisur t’i lirojë 183 palestinezë të burgosur nga burgjet izraelite, në kuadër të marrëveshjes që i ka ndalur luftimet intensive 15-mujore. Hamasi është grup palestinez që udhëheq Gazën, i shpallur organizatë terroriste nga Shtetet e Bashkuara dhe Bashkimi Evropian. Militantët e Hamasit e kanë liruar Yarden Bibasin dhe izraelito-francezin Ofer Kalderon te zyrtarët e Kryqit të Kuq në qytetin e Han Junisit, ndërsa izraelito-amerikani Keith Siegel, në dukje i zbehtë dhe i dobët, i është dorëzuar Kryqit të Kuq në qytetin e Gazës, në pjesën veriore.
Të tre janë marrë peng në sulmin e Hamasit në tokën izraelite, më 7 tetor të vitit 2023, që e ka nxitur luftën. Lirimi i tyre e çon në 18 numrin e pengjeve të liruara prej nisjes së armëpushimit më 19 janar. Të dyja zhvillimet kanë ndodhur shpejt, për dallim prej skenave kaotike që janë parë të enjten kur militantët e armatosur kanë pasur vështirësi që të kontrollojnë turmën gjatë lirimit të pengjeve. Në Sheshin e Pengjeve në Tel Aviv, mijëra persona janë mbledhur për të parë lirimin e pengjeve, që është transmetuar drejtpërdrejt të një ekran të madh.
Pak pasi Siegel ka arritur në Izrael, një autobus është nisur me 32 të burgosur për në Bregun Perëndimor. Rreth 150 të burgosur do të dërgohen në Gazë, apo do të dëbohen. Sipas autoriteteve palestineze, 183 të burgosur palestinezë do të lirohen të shtunën, duke përfshirë dhjetëra që janë përballur me dënime të gjata apo me burgim të përjetshëm. Armëpushimi ka synim të ndalë luftën më vdekjeprurëse dhe shkatërruese që ka ndodhur ndonjëherë mes Izraelit dhe Hamasit. Marrëveshja e nisur dy javë më parë, ka mundësuar edhe hyrjen e ndihmave në Gazë, si dhe kthimin e palestinezëve në vendbanimet e tyre në veri të Gazës.
Në fazën e parë të armëpushimit gjashtëjavor, parashihet të lirohen 33 pengje izraelite, në këmbim të rreth 2.000 të burgosurve palestinezë. Izraeli ka thënë se ka pranuar informacion nga Hamasi se tetë prej këtyre pengjeve janë vrarë nga Hamasi në sulmin e 7 tetorit, ose kanë vdekur sa ka qenë nën robëri. Izraeli dhe Hamasi do të nisin bisedime javën tjetër për fazën e dytë të armëpushimit, duke përfshirë diskutimet për lirimin e pengjeve të mbetura dhe zgjatjen e armëpushimit pa afat kohor. Lufta mund të rinisë në mars, në rast se nuk arrihet ndonjë marrëveshje. Izraeli deklaron se është i vendosur ta shkatërrojë Hamasin, edhe pse grupi militant e ka rikthyer kontrollin në Gazë pas nisjes së armëpushimit.
Partneri i të djathtës ekstreme në koalicionin qeveritar të Netanyahut është duke bërë thirrje për rinisje të luftës, pas përfundimit të fazës së parë të armëpushimit. Hamasi ka thënë se nuk do t’i lirojë pengjet e mbetura pa përfunduar lufta, dhe pa tërheqje të plotë të Izraelit nga Gaza. Më shumë se 100 prej pengjeve të kapura më 7 tetor 2023, janë liruar në nëntor të po atij viti. Rreth 80 pengje tjera vazhdojnë të jenë në Gazë, ndonëse disa besojnë se një e treta e tyre mund të jenë të vdekur. Në sulmin e 7 tetorit, militantët e Hamasit kanë vrarë rreth 1.200 njerëz në Izrael. Izraeli, më pas, ka nisur luftën, si pasojë e së cilës janë vrarë mbi 47 mijë palestinezë, sipas autoriteteve shëndetësore në Gazë./ REL
Foto ilustruese MALI I ZI- Qytetarët në Mal të Zinë shenjë proteste për shkak të çmimeve githnjë e...
Donald Trump dhe Vladimir Putin SHBA- Presidenti amerikan, Donald Trump, ka thënë më 31 janar se ai dhe presidenti rus, Vladimir Putin mund ...
Vladimir Putin dhe Xi Jinping RUSIA- Që kur Rusia nisi pushtimin në shkallë të plotë të Ukrainës pothuajse tre vjet m&eu...
Foto ilustruese EUROPA- Fjalët “komuniteti i pensionistëve” të sjellin ndër mend imazhe të njerëzve të ulur ...
Foto nga vendi i ngjarjes SHBA- Një avion mjekësor me 6 persona në bord, mes tyre edhe pacientja 12-vjeçare, është rr&...
Ky kombinim i fotografive i krijuar më 31 janar 2025 tregon pengjet izraelite Yarden Bibas, majtas, Ofer Kalderon dhe Keith Siegel, djathtas, të cil...
Richard Grenell dhe Nicolas Maduro VENEZUELA- I dërguari i Presidentit Donald Trump, Richard Grenell dhe Presidenti i Venezuelës Nicolas Maduro p...
Foto nga vendi i ngjarjes SHBA- Një avion transporti u rrëzua në Filadelfia të premten rreth 30 sekonda pasi u ngrit, duke dëmtuar...
Foto ilustruese EUROPA- Në “Carl’s Villa” në Kopenhagën, klientët e restorantit në katin e par&e...
Suni Williams SHBA- Astronautja e NASA-s, Suni Williams, ka vendosur një rekord si gruaja me më shumë orë qëndrimi jashtë...
