Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Administrata Biden duhet t’i marrë seriozisht këto fjalë. Amerikanët mbahen ende peng nga Hamasi, dhe ushtarakët tanë gjenden në kërcënimin e përditshëm nga grupet e mbështetura nga Irani në Lindjen e Mesme. Pas sulmit të 7 tetorit ndaj Izraelit, ka pasur të paktën 56 sulme ndaj trupave amerikane nga milicitë e përkrahura nga Irani, duke plagosur afro 60 amerikanë.
Nga Joni Ernst “Fox News”
Bota është në flakë dhe Shtëpia e Bardhë e drejtuar nga Joe Biden është duke i nxitur ato. Udhëheqësi suprem i Iranit, Ayatollah Ali Khamenei, ka vazhduar të deklarojë se “Vdekje Amerikës, nuk është vetëm një slogan, por një politikë e jona”.
Administrata Biden duhet t’i marrë seriozisht këto fjalë. Amerikanët mbahen ende peng nga Hamasi, dhe ushtarakët tanë gjenden në kërcënimin e përditshëm nga grupet e mbështetura nga Irani në Lindjen e Mesme. Pas sulmit të 7 tetorit ndaj Izraelit, ka pasur të paktën 56 sulme ndaj trupave amerikane nga milicitë e përkrahura nga Irani, duke plagosur afro 60 amerikanë.
Në vend të strategjisë së uljes së tensioneve që po ndjek deri më tani presidenti Joe Biden, Shtetet e Bashkuara duhet të ndjekin një strategji që e tregon forcën tonë. Gjatë një fjalimi të mbajtur në fundmi në Senat, unë kam përshkruar aspektet kryesore se si duhet të veprojmë për ta penguar dhe mposhtur Iranin.
Së pari, duhet të refuzojmë një marrëveshje të re mbi programin bërthamor iranian. Ndërsa po bombardohen anëtarët tanë të shërbimit ushtarak, partnerët dhe aleatët, është e rëndësishme të kujtojmë se ripërtëritja e marrëveshjes bërthamore Obama-Biden, nuk do të bënte asgjë për t’i ndaluar këto sulme. Përkundrazi, ajo do të shpërblente më tej mbështetjen e regjimit iranian për terrorizmin.
Së dyti, ne duhet ta kërkojmë llogari nga Irani për fushatën e tij terroriste kundër Shteteve të Bashkuara dhe partnerëve tanë. Që kur Biden ka marrë detyrën e presidentit, refuzimi i tij për të zbatuar sanksionet ekzistuese ndaj Iranit, i ka mbushur me mbi 80 miliardë dollarë xhepat e Korpusit të Gardës Revolucionare Iraniane (IRGC).
Kjo bashkë me një shtesë prej 6 miliardë dollarësh për “marrëveshjen e pengjeve” që arriti Biden pak muaj më parë, vetëm sa e ka trimëruar Iranin duke nxitur më shumë akte terroriste. Në prill të këtij viti, unë i kërkova administratës Biden të zbatonte sanksionet e nevojshme ndaj eksporteve iraniane të naftës dhe gazit.
Theksova me këtë rast se ndonëse ka fonde të disponueshme nga Departamenti i Thesarit, Zyra e Hetimeve të Sigurisë Kombëtare nuk ka qenë e autorizuar të sekuestrojë eksportet e naftës dhe gazit iranian.
Projektligji im i ri, që ka marrë mbështetjen e përfaqësuesve nga të dyja partitë, Akti i Zbatimit të Sanksioneve, do ta pajisë Zyrën e Hetimeve të Sigurisë Kombëtare për të ndalur eksportet energjetike iraniane dhe do të sigurojë zbatimin e plotë të sanksioneve të ndaj naftës iraniane.
Për të mos lejuar që kjo të zhbëhet nga president i ardhshëm i vendit pas zgjedhjeve të vitit 2024, unë po synoj që ta kodifikoj në ligj atë autoritet. Në përgjigje të eliminimit të gjeneralit terrorist Qasem Soleimani, IRGC ka vendosur shpërblime për ata që vrasin ish-zyrtarët e administratës amerikane, përfshirë ish-Sekretarin e Shtetit, Mike Pompeo.
Ende sot, ish-zyrtarët po përballen me kërcënime të vazhdueshme për jetën e tyre nga terroristët iranianë të prirur për hakmarrje. Po ashtu, Teherani e ka zgjeruar gamën e tij për të shënjestruar edhe disidentët iranianë që jetojnë në SHBA.
Për këtë arsye, po punoj gjithashtu edhe për të rinisur fushatën e presionit maksimal ndaj zyrtarëve të qeverisë iraniane dhe në sektorin energjetik dhe atë financiar të regjimit përmes PUNISH ACT. Përpjekja ime do të pengonte administratën e Biden që të heqë sanksionet, derisa Departamenti i Shtetit të vërtetojë se IRGC nuk ka mbështetur asnjë përpjekje apo aktivitet në 5 vitet e fundit për të vrarë ndonjë shtetas amerikan, ish-zyrtar apo zyrtar aktual apo ndonjë disident iranian që jeton brenda Shtetet e Bashkuara.
Së fundi, ne duhet të mbështesim zgjerimin e Marrëveshjeve të Abrahamit. Irani i frikësohet paqes më shumë se çdo gjë tjetër, dhe i sheh Marrëveshjet e Abrahamit si një kërcënim po aq të fuqishëm sa armët e fuqishme të Amerikës.
Si bashkëkryetar i grupit parlamentar në senat mbi këto marrëveshje, unë vazhdoj t’u tregoj partnerëve tanë arabë se Izraeli jo vetëm që ia vlen të mbrohet, por që duhet një bashkëpunim më i madh në fushatën kundër Iranit dhe milicive të mbështetura prej tij.
Por edhe pasi pa shkatërrimin që Irani i ka shkaktuar Izraelit, amerikanëve dhe botës, Biden sapo e dyfishoi këtë zbutje dhe zhbllokoi 10 miliardë dollarë më shumë për regjimin e pamëshirshëm.
Kjo është arsyeja pse unë kam udhëhequr përpjekjet dypartiake për të zgjeruar partneritetet e mbrojtjes rajonale të Izraelit kundër Iranit, duke përfshirë projektligjin tim, DEFEND Act, që tashmë është shndërruar në ligj, për të zhvilluar një infrastrukturë të integruar të mbrojtjes ajrore dhe raketore me partnerët e Lindjes së Mesme.
Kjo infrastrukturë, është një element kyç për sigurinë e amerikanëve në rajon. Në fakt, Departamenti i Mbrojtjes e ka pranuar se ky integrim është përdorur për ta mbrojtur Izraelin dhe pjesëtarët e shërbimit diplomatik dhe ushtarak amerikan kundër raketave dhe dronëve që vijnë nga Irani dhe milicitë e përkrahura prej tij.
Ndërsa po pres miratimin e tij, unë jam duke punuar për të miratuar Aktin Detar, i cili do të rrisë aftësinë tonë për t’u mbrojtur kundër aktiviteteve të paligjshme detare nga ana e Iranit. Këto nisma jo vetëm që reduktojnë barrën mbi forcat amerikane, por do të zgjerojnë shumë gamën dhe aftësitë e partnerëve dhe aleatëve tanë kundër milicive dhe grupimeve të mbështetur nga Irani. Shteti nr.1 në botë si sponsor i terrorizmit nuk duhet besuar kurrë në ato që thotë.
Irani po mbështet tek qasja e butë e Joe Biden për të vazhduar sulmin e tij. Kongresi i SHBA-së duhet të marrë masa për të reduktuar miliardat e Biden që shkojnë drejt Iranit, ta vërë para përgjegjësisë këtë regjim për përpjekjet e tij për të vrarë amerikanët, si dhe të forcojë dhe zgjerojë më tej Marrëveshjet e Abrahamit.
Duke vepruar në këtë mënyrë, ne mund t’i mbajmë të sigurt qytetarët amerikanët dhe ushtarakët tanë kudo që ndodhen, si dhe të dërgojmë një sinjal të rëndësishëm e të qartë mbështetjeje për partnerët dhe aleatët tanë në rajon.
Shënim:Joni Ernst, veteran i ushtrisë amerikane, aktualisht përfaqësues i shtetit Ioëa në Senatin e SHBA-së.
foto ilustruese TEL AVIV- Izraeli ka publikuar një listë të të burgosurve palestinezë që do të lirohen sipas marrëv...
foto ilustruese SHBA- Tre amerikanë, përfshirë një vajzë trevjeçare, pritet të jenë në mesin e 50 pengjeve t...
“Robert Lansing Institute” Paralajmërimet tona të mëparshme mbi ndërhyrjen e Rusisë në politikën e brendshme t...
Chanpeng Zhao SHBA- Miliarderi Changpeng Zhao dhe shkëmbyesi kryesor i kriptomonedhave Binance u deklaruan fajtorë të martën për a...
Anna Kanakis ITALI- Anna Kanakis, e cila u ngjit në podiumin e mbretëreshës së bukurisë në shtator të vitit 1977,&n...
INDONEZI-Një tërmet me magnitudë 6.2 u regjistrua sot në ishullin indonezian të Halmahera, sipas Qendrës Gjeoshke...
Mbreti Charles BRITANI- Pritja e presidentit të Koresë së Jugut nga mbreti Charles kishte ngjyrë greke, pasi monarku britanik...
Sam Altman SHBA- Bashkëthemeluesi i OpenAI Sam Altman do të kthehet si CEO vetëm disa ditë pasi u shkarkua nga bordi, ka thënë...
IZRAEL- Qeveria e Izraelit dhe Hamasi ranë dakord të mërkurën për një pauzë katërditore të luftime për t&eum...
Foto ilustruese LIBAN-Katër persona, përfshirë dy gazetarë, janë vrarë në sulmet izraelite në Liban, thonë med...
