Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ai i bëri këto komente gjatë një konference shtypi pas një takimi me presidentin e Këshillit Kombëtar të Zvicrës, Eric Nussbaumer, në një periudhë kur Bashkimi Evropian është vënë në përpjekje për të ripërtërirë procesin e ngecur të bisedimeve.
KOSOVË- Kryetari i parlamentit të Kosovës Glauk Konjufca tha të martën se Serbia ka shkelur parimet e marrëveshjes për normalizimin e marrëdhënieve duke mos e njohur “de facto” Kosovën, dhe kjo sipas tij, u jep të drejtë autoriteteve në Prishtinë që të mos hedhin hapa për zbatimin e saj.
“Ju e keni dëgjuar për Asociacionin, Asociacioni është pika e shtatë. Asociacioni mund të ketë afat, por Asociacioni nuk është parim. Nëse ne sulmohemi nga Serbia, nëse ministri i Mbrojtjes së Serbisë thotë “kur ushtria të kthehet në Kosovë”, këtu janë shkelur parimet e marrëveshjes, kjo është fryma e marrëveshjes. Ne nuk kemi fqinjësi të mirë, ne kemi armiqësi jo për shkak tonin por për shkak të Serbisë dhe pozicionit të saj”, tha zoti Konjufca.
Ai i bëri këto komente gjatë një konference shtypi pas një takimi me presidentin e Këshillit Kombëtar të Zvicrës, Eric Nussbaumer, në një periudhë kur Bashkimi Evropian është vënë në përpjekje për të ripërtërirë procesin e ngecur të bisedimeve.
Përfaqësuesit e Kosovës dhe Serbisë pritet që deri më 18 korrik t’u dërgojnë ndërmjetësuesve të Bashkimit Evropian komentet e tyre rreth rrugës së zbatimit të marrëveshjes për normalizimin e marrëdhënieve, për të cilën palët ranë dakord vitin e kaluar në Bruksel dhe në Ohër.
Dy takimet e fundit në Bruksel ndërmjet udhëheqësve të Kosovës dhe Serbisë dhe në nivel kryenegociatorësh të të dyja palëve, që synonin zhbllokimin e zbatimit të marrëveshjes, përfunduan pa ndonjë rezultat.
Bashkimi Evropian pret komentet e palëve për të hartuar një propozim të ri mbi këtë proces.
Zoti Konjufca tha se institucionet e Kosovës duhet të këmbëngulin që zbatimi i marrëveshjes të fillojë mbi parimet pasi sipas tij, nuk mund të ketë barazi sovrane mes shteteve kur Serbia tenton të zhvlerësojë marrëveshjen dhe të shkatërrojë subjektivitetin ndërkombëtar të Kosovës.
“Kjo do të jetë korniza e shpjegimit të mënyrës se si ne e kuptojmë marrëveshjen dhe pse ne insistojmë së pari të nënshkruhet nga Serbia e pastaj të fillohet të zbatohet, ama të fillohet të zbatohet prej parimeve, jo prej datave, parimet nuk kanë data, aty shkruan ne jemi dy shtete sovrane sipas Kartës së OKB-së. Kur t’i e dhunon shtetin tjetër ke shkelur parimet ke shkelur Kartën e OKB-së”, tha zoti Konjufca.
Zoti Konjufca tha se bashkësia ndërkombëtare duhet ta ndëshkojë Serbinë lidhur me agresionin në Banjskë në shtator të vitit të kaluar, pasi që, tha ai, Serbia do ta përsërisë atë skenar, por me përmasa shumë më të mëdha. Ai tha se Serbia duhet të shihet jo vetëm si rrezik për Kosovën, por edhe për qëndrueshmërinë dhe paqen në Ballkanin Perëndimor.
Ndihmës Sekretari Amerikan i Shtetit për Çështjet Evropiane dhe Euroaziatike, James O'Brien i tha të hënën agjencisë serbe të lajmeve Tanjug se veriu i Kosovës dhe kërcënimet për shkëputje të një pjese të Bosnjës dhe Hercegovinës, janë rreziqet kryesore për sigurinë në rajon.
Por, ai theksoi se forcat paqeruajtëse të KFOR-it në Kosovë janë të gatshme “të pengojnë grupet e vogla lokale që të shkaktojnë dhunë”.
Diplomati amerikan ritheksoi mbështetjen ndaj bisedimeve Kosovë – Serbi dhe themelimit të Asociacionit të komunave me shumicë serbe dhe sipas tij janë rreth 400 asociacione të komunave në të gjithë Evropën dhe se propozimi i Asociacionit për Kosovën do të ishte një i tillë.
Zyrtarë të Bashkimit Evropian thonë se marrëveshja pavarësisht që nuk është nënshkruar, është ligjërisht e detyrueshme për Kosovën dhe Serbisë. Sipas tyre normalizimi i marrëdhënieve ndërmjet tyre është në qendër të angazhimit evropian rreth Ballkanit Perëndimor dhe se përparimi në zbatimin e marrëveshjes është i lidhur ngushtë me përparimin e të dyja palëve në proceset integruese./VOA
Marko Roshiç (në anën e djathtë të fotografisë) merr pjesë në një nga seancat gjyqësore për rastin e ...
Sarajevë, 9 korrik 2024. SARAJEVA- Një autokolonë me eshtrat e 14 viktimave të gjenocidit në Srebrenicë parakaloi të mar...
pamje nga ngjarja PERU- Është zbuluar trupi i një alpinisti i cili u shpall i zhdukur 22 vite më parë. Alpinisti amerikan Wil...
Foto ilustruese TURQIA- Turqia nisi në hapësirë satelitin e parë të komunikimeve, Turksat 6A, të prodhuar vetë. Një...
Robert Fico SLLOVAKIA- Kryeministri i Sllovakisë, Robert Fico, tha se është rikthyer në punë të martën, gati dy muaj pa...
Foto ilustruese SHBA- Presidenti i Shteteve të Bashkuara, Joe Biden, e dënoi valën e sulmeve raketore ruse të hënën në U...
Glauk Konjufca KOSOVA- Kryetari i Kuvendit të Kosovës, Glauk Konjufca, tha se Serbia mund ta përsërisë “agresionin terrorist...
Joe Biden SHBA- Shtëpia e Bardhë i hodhi poshtë dyshimet në lidhje me shëndetin mendor të presidentit Joe Biden. Sekreta...
Foto nga vendi i ngjarjes KOSOVA- Dy kamionë u dogjën në orët e para të së martës në Mitrovicë të Ve...
Viktor Orban dhe Xi Jinping HUNGARIA- Imazhet në televizionin kinez nga shtëpia shtetërore e pritjes në Pekin tregojnë flamur...
