Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Mes të tjerash, prokurorët thonë se Adams përfitoi bileta avioni falas dhe me zbritje të theksuar me një vlerë më të madhe se 100,000 dollarë, qëndrime falas në hotele luksoze, dreka dhe darka të kushtueshme si dhe kontribute financiare të paligjshme për fushatën të cilat e ndihmuan atë të kualifikohej për më shumë se 10 milionë dollarë në fonde publike për fushatën.
SHBA- Kryebashkiaku i Nju Jorkut, Eric Adams, tha të enjten se nuk do të japë dorëheqjen ndërsa përballet me akuza federale për korrupsion dhe ryshfete në këmbim të favoreve. Demokrati Adams përballet me pesë akuza federale dhe korrupsion që i ka fillimet që nga koha e zgjedhjes së tij për të shërbyer në Bruklin dhe vazhdoi gjatë periudhës që ai drejton bashkinë e qytetit të Nju Jorkut.
Mes të tjerash, prokurorët thonë se Adams përfitoi bileta avioni falas dhe me zbritje të theksuar me një vlerë më të madhe se 100,000 dollarë, qëndrime falas në hotele luksoze, dreka dhe darka të kushtueshme si dhe kontribute financiare të paligjshme për fushatën të cilat e ndihmuan atë të kualifikohej për më shumë se 10 milionë dollarë në fonde publike për fushatën.
“Kjo ishte një skemë shumëvjeçare për të blerë favore nga një zyrtar i vetëm në rritje i qytetit të Nju Jorkut”, tha prokurori Damian Williams.
Në këmbim të ryshfeteve, zoti Adams ndërmori veprime nga të cilat duket se përfituan udhëheqësit turq, përfshirë përshpejtimin e inspektimit të sigurisë nga zjarri të një ndërtese të konsullatës turke dhe mënjanimi i një deklarate në “Ditën e Përkujtimit të Gjenocidit Armen”, thuhet në padi.
Në një deklaratë jashtë rezidencës së kryebashkiakut, zoti Adams i mohoi akuzat dhe tha se nuk ka në plan të japë dorëheqjen. I rrethuar nga udhëheqës klerikë zezak, kryebashkiaku i dytë zezak i Nju Jorkut, i kritikoi ashpër prokurorët federalë duke sugjeruar se ishte vënë në shënjestër padrejtësisht.
“U bëj thirrje njujorkezëve që të presin dhe të dëgjojnë avokatët mbrojtës përpara se të më gjykojnë. Avokatët e mi do të kujdesen për çështjen në mënyrë që unë të kujdesem për qytetin”, tha zoti Adams.
Avokati Alex Spiro, argumentoi se gjërat për të cilat akuzohej klienti i tij nuk ishin të paligjshme dhe nuk tregonin përfshirjen e kryebashkiakut, duke vënë në duke se politikanëve zakonisht u ofrohen bileta avioni falas. Ai tha se zoti Adams i ishte përgjigjur një kërkese nga një zyrtar turk për përshpejtimin e inspektimit të konsullatës së re. “Kjo është një gjë e zakonshme për njujorkezët”, tha avokati Spiro.
Kryebashkiaku Adams do të paraqitet para gjykatëses Katharine Parket të premten në mesditë. Disa republikanë dhe kundërshtarë të tij të mundshëm në zgjedhjet paraprake të qershorit i kanë bërë thirrje zotit Adams që të japë dorëheqjen.
Udhëheqësi i shumicës demokrate në Senat, Chuck Schumer dhe udhëheqësi i pakicës demokrate në Dhomën e Përfaqësuesve, Hakeem Jeffries, nuk kanë kërkuar dorëheqjen e zotit Adams duke thënë se fjala i takon drejtësisë.
Guvernatorja e shtetit të Nju Jorkut, Kathy Hochul, gëzon pushtetin për ta shkarkuar zotin Adams nga detyra, por nuk ka lënë të kuptohet se do ta ndërmarrë këtë hap të jashtëzakonshëm.
Nëse kryebashkiaku Adams do të jepte dorëheqjen, ai do të zëvendësohej menjëherë nga demokrati Jumaane Williams, një progresist që shërben si avokat publik i qytetit.
Por ndërsa zoti Adams e renditi si përparësi të administratës së tij uljen e krimit, ai është përballur me sfida ligjore në rritje, me hetime të shumta federale që kanë prekur ndihmësit e tij kryesorë dhe fushatën e tij.
Përgjatë dy javëve të fundit, drejtuesit që ai caktoi për të mbikëqyrur sistemin më të madh policor dhe arsimor në vend, kanë dhënë dorëheqjen.
Eric Adams është kryetari i parë i bashkisë së Nju Jorkut ndaj të cilit ngrihen padi ndërsa ushtron funksionin publik.
Ngritja e akuzave vjen ndërsa në Nju Jork po mbahet Asambleja e Përgjithshme e Kombeve të Bashkuara, ku janë mbledhur udhëheqës nga e gjithë botë, përfshirë Presidentin e Turqisë, Recep Tayyip Erdogan.
Hetimi federal ndaj administratës së zotit Adams u bë publik në 2 nëntor të vitit 2023, kur agjentë të FBI-së bënë një kontroll në shtëpinë e drejtueses për mbledhjen e fondeve të fushatës së zotit Adams, Brianna Suggs, në Bruklin.
Në atë kohë, zoti Adams këmbënguli se kishte zbatuar ligjin dhe se ai do të ndjehej i “tronditur” në rast se anëtarë të fushatës së tij do të kishin shkelur ligjin.
Disa ditë më vonë, agjentët e FBI-së sekuestruan telefona dhe një iPad të kryebashkiakut.
Më pas, më 4 shtator, hetuesit sekuestruan pajisjet elektronike të nënkryetarit të bashkisë për siguri publike, zëvendës kryebashkiakut, kancelarit të shkollave dhe disa zyrtarëve të tjerë të besuar të zotit Adams. Dy prej zyrtarëve të cilëve iu sekuestruan pajisjet dhanë dorëheqjen.
Kryebashkiaku këmbënguli se do të vazhdonte të drejtonte qytetin ndërsa vazhdonin hetimet.
Gjatë verës, prokuroria dërgoi një kërkesë në drejtim të zotit Adams, personelit të fushatës si dhe të bashkisë, duke kërkuar informacion mbi axhendën e kryebashkiakut, udhëtimet e tij jashtë vendit dhe lidhjet potenciale me qeverinë e Turqisë.
Zoti Adams u zgjodh kryetar i bashkisë së Nju Jorkut në nëntor të vitit 2021. Më shumë se dy vjet pas marrjes së detyrës, mbështetja e tij ka rënë.
Qyteti ka shënuar shtimin e numrit të vendeve të punës dhe rënie të disa krimeve, por administrata e tij është përballuar me një fluks prej dhjetëra mijëra emigrantësh të huaj të cilët kanë tejmbushur qendrat e strehimit të qytetit./ VOA
fotot ilustruese SPANJË- Mijëra njerëz morën pjesë në protestat e udhëhequra nga sindikatat në të gjithë ...
Vjosa Osmani KOSOVË- Në një intervistë për Zërin e Amerikës Presidentja e Kosovës Vjosa Osmani theksoi r&eu...
Foto ilustruese RUSI- Kremlini tha se doktrina e përditësuar bërthamore, që do t’i lejojë Moskës që të pë...
Benjamin Netanyahu UKRAINË- Kryeministri izraelit Benjamin Netanyahu ka udhëzuar ushtrinë e vendit të tij që të vazhdojë...
fotot ilustruese SHBA- Shtetet e Bashkuara goditën me sanksione të enjten një rrjet të këmbimeve të kriptovalutave, që j...
fotot ilustruese NEW YORK- Shefi i diplomacisë Josef Borrell ka zhvilluar një takim informal me liderët e Ballaknit. Në ...
Foto ilustruese SUEDI- Autoritetet suedeze akuzuan Iranin për ndërhyrje kibernetike në një shërbim mesazhesh telefonike vitin e ka...
Albin Kurti dhe Kyriakos Mitsotakis NEW YORK- Kryeministri i Kosovës, Albin Kurti, ka zhvilluar një takim me kryeministrin grek, Kyriakos Mitsota...
Donald Trum dhe Melania Trump SHBA- Ish-Zonja e Parë e SHBA-së, Melania Trump, gjatë një interviste ka treguar sesi Donald Trump i...
Takimi mes Osmanit dhe O'Brienit. SHBA- Presidentja e Kosovës, Vjosa Osmani, është takuar në Shtetet e Bashkuara me ndihmëssekreta...
