Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Carney fitoi 85.9% të votave nga anëtarësia e Partisë Liberale. Ai do të zëvendësojë Kryeministrin Justin Trudeau, i cili njoftoi dorëheqjen në janar, pas gati nëntë vitesh në pushtet dhe ndërsa niveli i mbështetjes për të kishte rënë.
KANADA- Ish-drejtori i bankës qendrore Mark Carney fitoi garën për t’u bërë udhëheqësi i Partisë Liberale që ka pushtetin në Kanada. Ai do të zëvendësojë Kryeministrin Trudeau, mbështetja për të cilin pati rënë ndjeshëm, ndërsa vendi pritet të përballet me pasojat e tarifave të gjera nga Shtetet e Bashkuara.
Carney fitoi 85.9% të votave nga anëtarësia e Partisë Liberale. Ai do të zëvendësojë Kryeministrin Justin Trudeau, i cili njoftoi dorëheqjen në janar, pas gati nëntë vitesh në pushtet dhe ndërsa niveli i mbështetjes për të kishte rënë.
I futur rishtazi në politikë, zoti Carney mendon se është personi më i përshtatshëm për të mbikëqyrur negociatat e tregtisë me Presidentin amerikan Donald Trump, komentet e të cilit për bërjen e Kanadasë shtetin e 51-të amerikan dhe sanksionet tregtare janë pritur me zemërim.
“Dikush po përpiqet të dobësojë ekonominë tonë. Ai është Donald Trumpi. Dhe Donald Trumpi, siç e dimë, u ka vendosur tarifa të padrejta prodhimeve tona dhe punës me të cilën sigurojmë jetesën. Ai po sulmon familjet kanadeze, punëtorët dhe bizneset dhe nuk mund ta lejojmë të dalë me sukses. Dhe nuk do ta lejojmë”, tha zoti Carney.
Presidenti amerikan Donald Trump ka shtyrë për një muaj hyrjen në fuqi të tarifave prej 25% për shumë mallra nga Kanadaja dhe Meksika, por ka përmendur sidoqoftë mundësinë e vendosjes së tarifave të tjera për çelikun, aluminin, produktet e bulmetit, etj.
Presidenti Trump tha të premten se Kanadaja ka përfituar nga Shtetet e Bashkuara prej vitesh me tarifa për lëndën e drurit dhe produktet e qumështit dhe paralajmëroi se do të vendosë tarifa reciproke ndaj Kanadasë.
Duke folur për gazetarët në Shtëpinë e Bardhë, zoti Trump tha se "tarifat e jashtëzakonshme" që Kanadaja vendos mbi produktet e qumështit dhe lëndës së drurit, e kanë bërë të pamundur shitjen e produkteve amerikane në Kanada.
Ai tha se nëse Kanadaja nuk pranon t'i heqë ato, ai do t’i vendosë të njëjtën tarifë Kanadasë.
Mark Carney do të zëvendësojë Kryeministrin Justin Trudeau, i cili dha dorëheqjen në janar pas nëntë vitesh në pushtet dhe ndërsa kishte rënë niveli i mbështetjes për të.
Ai ka thënë se eksperienca e tij si personi i parë që ka shërbyer si guvernator i dy bankave qendrore të vendeve të G7-ës, Kanadasë dhe Anglisë, do të thotë se ai është kandidati më i mirë për t’u përballur me presidentin amerikan.
Përzgjedhja e një kryeministri të ri kanadez pritet të pasohet me mbajtjen e zgjedhjeve të përgjithshme.
Zotit Carney mund t’i shpallë vetë zgjedhjet e përgjithshme pas marrjes së detyrës, ose partitë opozitare në parlament mund të kërkojnë këtë muaj mbajtjen e një mocioni mosbesimi, që do të çonte në zgjedhje. Zgjedhjet në Kanada duhet të zhvillohen brenda muajit.
Në fillim të vitit, anketimet i rendisnin liberalët me mbi 20% më pak mbështetje nga publiku, por pas përplasjeve me zotin Trump, mbështetja për liberalët është rritur dhe tani ata renditen njësoj me konservatorët në opozitë, sipas disa anketimeve të reja.
Zoti Carney arriti të sigurojë gradualisht mbështetjen e anëtarëve të qeverisë dhe deputetëve, që kur shpalli kandidaturën në janar. Ai është një ekonomist i mirarsimuar dhe me përvojë në Wall Street, ndërsa ka ruajtur gjithnjë interesimin për t’u përfshirë në politikë dhe aspiratën për t’u bërë kryeministër, megjithëse i mungonte eksperienca politike.
Ai ka qenë drejtues në kompaninë amerikane të investimeve shumëkombëshe Goldman Sachs dhe ka punuar për 13 vite në Londër, Tokio, Nju Jork dhe Toronto, përpara se të emërohej zëvendës-guvernator i Bankës së Kanadasë në vitin 2003. Në vitin 2020, ai filloi në detyrën e përfaqësuesit special të OKB-së për masat për klimën dhe financat./VOA
foto ilustruese ARABIA SAUDITE- Bisedimet për t’i dhënë fund agresionit rus në Ukrainë kanë përfshirë deri ta...
Katharina Droge GJERMANI - Të Gjelbrit nuk duan të miratojnë paketën e mbrojtjes dhe infrastrukturës prej miliarda eurosh t&e...
Volodymyr Zelensky, Donald Trump dhe Vladimir Putin UKRAINA- Ukraina do të propozojë një armëpushim ajror dhe detar me Rusinë...
Foto ilustruese RUMANIA- Komisioni Qendror i Zgjedhjeve në Rumani ia ndaloi kandidatit pro-rus Calin Georgescu të marrë pjesë n&eu...
Volodymyr Zelenskyy UKRAINË- Presidenti ukrainas Volodymyr Zelenskyy ka deklaruar se Ukraina dëshiron paqen dhe është vetëm f...
Foto ilustruese ANGLI - Të paktën 32 persona janë shpëtuar pasi një cisternë nafte dhe një anije mallrash u rrëzuan...
Foto ilustruese SHBA- I dërguari i administratës Trump si negociator për lirimin e pengjeve i cilësoi si “të dobishme”...
foto ilustruese SIRI- Siria po përjeton përshkallëzimin më të madh të dhunës që kur Bashar al-Assad u largua në...
Shefi i NATO-s, Mark Rutte, së bashku me tre anëtarët e Presidencës së Bosnje e Hercegovinës. SARAJEVË- Sekretari i P&eu...
Personi i ngjitur në urë LONDËR- Ura ikonë "Tower Bridge" e Londrës është mbyllur ditën e sotme për ...
