Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ministrja e Jashtme gjermane, Annalena Baerbock, organizatore e takimit, tha se konflikti tashmë ishte shndërruar në një "krizë globale", sepse dërgesat e të korrave kryesore janë bllokuar në Ukrainë, një vend i madh eksportues i produkteve bujqësore.
GJERMANI- Diplomatët më të lartë nga Grupi i Shtatë vendeve më të zhvilluara u mblodhën të enjten në një qytet në pjesën veriore të Gjermanisë për një takim tre-ditor të përqëndruar tek lufta e Rusisë kundër Ukrainës dhe ndikimin më të gjerë që ajo po ushtron në mbarë botën, veçanërisht tek çmimet e ushqimit dhe energjisë.
Ministrja e Jashtme gjermane, Annalena Baerbock, organizatore e takimit, tha se konflikti tashmë ishte shndërruar në një "krizë globale", sepse dërgesat e të korrave kryesore janë bllokuar në Ukrainë, një vend i madh eksportues i produkteve bujqësore.
“Njëzet e pesë milionë tonë drithë janë aktualisht të bllokuara në portet e Ukrainës, veçanërisht në Odesa”, tha zonja Baerbock. Drithërat janë ushqim për miliona njerëz në mbarë botën dhe nevojiten me urgjencë në veçanti në vendet afrikane dhe në Lindjen e Mesme.
“Kjo është arsyeja pse ne po diskutojmë se si mund të zhbllokohet bllokada e grurit e ushtruar nga Rusia, si mund ta shpërndajmë drithin nëpër botë”, shtoi ajo.
Zonja Baerbock paralajmëroi se ndryshimi klimatik është gjithashtu një faktor në krijimin e emergjencës globale të ushqimit dhe se kjo është një tjetër temë që ministrat planifikojnë ta diskutojnë gjatë takimit të tyre në Weissenhaus, në bregdetin gjerman të Detit Baltik në verilindje të Hamburgut.
Rreth 3500 oficerë policie u dislokuan në zonë për të ofruar siguri.
Ministrat e Jashtëm të Ukrainës dhe Moldavisë fqinje, e cila mendon se mund të bëhet objektivi i radhës i agresionit të Rusisë, janë ftuar të marrin pjesë në takim. Ministri i Jashtëm i Indonezisë, vendi i të cilit kryeson Grupin e 20 ekonomive kryesore këtë vit, pritet të marrë pjesë virtualisht në një pjesë të takimit të premten, kur të jenë në rendin e ditës marrëdhëniet me Kinën.
Duke folur më herët të enjten në Berlin, Ministri i Jashtëm ukrainas Dmytro Kuleba përshëndeti vendimet e fundit të qeverisë gjermane për të rritur mbështetjen ushtarake për vendin e tij.
"Shohim një dinamikë pozitive, pozitive", u tha zoti Kuleba gazetarëve pas një takimi me ligjvënësit gjermanë. "Duhet të sigurohemi që kjo dinamikë pozitive të ruhet".
Zoti Kuleba tha se ai e konsideronte si një "sinjal fuqie" që Partia Social Demokrate e qendrës së majtë të Kancelarit Olaf Scholz kishte hequr dorë nga kundërshtimi i saj për t'i dhënë Ukrainës armë të rënda.
Ai shprehu gjithashtu shpresën se Bashkimi Evropian do të miratojë së shpejti kërkesën e Ukrainës për të filluar procesin e anëtarësimit në union. Presidenti francez Emmanuel Macron ka sugjeruar se mund të kalojnë dekada përpara se Ukraina të jetë gati për t'u bërë një anëtare e plotë e BE-së.
Zonja Baerbock vizitoi së fundmi Kievin, duke u bërë kështu përfaqësuesja e parë e lartë e Gjermanisë që udhëton në kryeqytetin e Ukrainës që nga fillimi i luftës, dhe ofroi mbështetje për aplikimin e Ukrainës për anëtarësim në BE.
Në takimin në Weissenhaus morën pjesë edhe ministrat e jashtëm të Britanisë, Kanadasë, Francës, Italisë dhe Japonisë. Nënsekretarja e Shtetit Victoria Nuland po përfaqëson Shtetet e Bashkuara; Sekretari amerikan i Shtetit, Antony Blinken po kurohet nga COVID-19, por është planifikuar të udhëtojë në Berlin për një takim në fundjavë të ministrave të jashtëm të NATO-s.
Gjatë mbledhjes së NATO-s do të dëgjohen gjithashtu ministrat e jashtëm të Suedisë dhe Finlandës, ndërsa të dy vendet janë gati të bashkohen me aleancën ushtarake perëndimore mes shqetësimeve për kërcënimin ushtarak nga Rusia./VOA/
Sheikh Khalifa bin Zayed Al Nahyan EMIRATET E BASHKUARA ARABE- President i Emirateve të Bashkuara Arabe dhe sundimtar i Abu Dhabit, Sheikh Khalifa bi...
foto ilustruese KOSOVË- Pas raportimit se janë zhdukur rreth 10 milion euro të cilat ishin të destinuara për rezervat shtetër...
RUSI-Presidenti rus Vladimir Putin i ka thënë kancelarit gjerman Olaf Scholz se është Kievi dhe jo Moska ajo që po bllokon bisedimet ...
EUROPË- Organizata Botërore e Shëndetësisë (OBSH) ka thënë se numri i njerëzve që kanë vdekur nga COVID-19 n...
AUSTRALI-Qindra australianëve, i’u është njoftuar ditën e sotme se banorët duhet evakuojnë shtëpitë e tyre pasi ...
SHBA- Njëmbëdhjetë persona vdiqën të enjten pasi një varkë që besohet se po transportonte dhjetëra emigrantë...
KOSOVË- “Kosova dhe Serbia janë shtete sovrane, të cilat kanë të drejtë të zgjedhin vetë prioritetet e tyre pë...
KOREJA E VERIUT-Koreja e Veriut ka njoftuar se janë raportuar 6 vdekje të shkaktuara Covid-19, një ditë pasi pranuan për her&...
Elon Musk SHBA- Elon Musk ka thënë se marrëveshja e tij prej 44 miliardë dollarësh për të blerë Twitter ësht&e...
Rexhep Taip Erdogan TURQI-Presidenti turk Rexhep Taip Erdogan ka folur sot rreth kërkesës së Suedisë dhe Finlandës për t'u an...
