Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Kryetari i Partisë Demokratike, Sali Berisha, ka reaguar pas deklaratave të eurodeputetit çek Tomas Zdeçovski, i cili akuzon kryeministrin Edi Rama lidhur se me anë të familjarëve të tij, po transporton para jashtë vendit. • Gjatë konferencës së sotme për mediat, Berisha deklaroi se heshtja e Ramës dhe e mediave shqiptare për këtë çështje është një tregues i kontrollit që, sipas tij, kryeministri ushtron mbi informacionin publik. • Sipas kryetarit të PD-së, eurodeputeti Zdeçovski ka përdorur një nga parimet kryesore të hetimit të krimit të organizuar, atë të ndjekjes së parave. • Ai akuzoi Edi Rama se nuk ka dhënë asnjë përgjigje për deklaratat e eurodeputetit. Lideri i opozitës akuzoi mediat e kapura nga pushteti i Edi Ramës se kanë censuruar lajmin. • Berisha bëri të ditur se Partia Demokratike do të rikthejë kërkesën për ngritjen e një komisioni hetimor parlamentar për këtë çështje, duke kërkuar hetim edhe nga institucionet ndërkombëtare. • Kryetari i PD-së Sali Berisha, u shpreh se, ka të dhëna që kërkojnë verifikim për përdorimin e avionit privat të kryeministrit dhe për lëvizjet jashtë vendit. • Lideri i demokratëve Sali Berisha i bëri thirrje institucioneve ndërkombëtare që të përfshihen në hetim.
3 artikuj për këtë temë.
TIRANË- Kryetari i PD-së, Sali Berisha ka kërkuar nisjen e hetimeve ndërkombëtare ndaj kryeministrit Edi Rama, duke iu drejtuar Prokurorisë Publike Evropiane, Interpolit, Europolit dhe Eurojust-it. Gjatë deklarates së tij, Berisha ngriti akuza për përfshirje të Ramës në veprimtari të dyshuara financiare dhe kërkoi një hetim të plotë për këtë çështje.
Ai tha se këto pretendime kërkojnë verifikim nga institucionet ndërkombëtare, ndërsa shtoi se PD do të vijojë kërkesën për një hetim të thelluar. Berisha i bëri këto deklarata duke iu referuar edhe akuzave të eurodeputetit Tomas Zdecovski ndaj kryeministrit shqiptar.
"Nga ana tjetër i bëj thirrje Prokurorit Publik të BE të ndërmarrë menjëherë hetime për këtë problem tmerrësisht shqetësues. I bëj thirrje Interpolit, Europolit dhe Eurojust të angazhohen në hetimet më serioze të Edi Ramës që sillet si diktatorët e dikurshëm të Afrikës, që mbushin avionët me kartëmonedha dhe i sjellin në banka të ndryshme. Ky hetim ka një vlerë dhe rëndësi të jashtëzakonshme për shqiptarët. PD do të vazhdojë kërkesën e saj për hetimin më të plotë të mundshëm.", u shpreh Berisha./Dosja.al
TIRANË- Kryetari i Partisë Demokratike, Sali Berisha, ka sjellë në vëmendje shifrat alarmante të fluturimeve të kryeministrit Edi Rama, duke i lidhur ato me dyshime të forta ndërkombëtare për abuzim me pushtetin dhe lëvizje të dyshimta financiare.
Berisha theksoi se 140 fluturimet e kryer në dy vite me avionin në dispozicion kanë ngjallur dyshime të ligjshme në mbarë Evropën, ndërsa u bëri thirrje mediave të mos censurojnë informacionin e bërë publik nga autoritetet evropiane.
Sipas tij, Partia Demokratike nuk do të mjaftojë vetëm me denoncimet publike, por do të ndërmarrë hapa konkretë institucionalë.
"140 fluturime të Edi Ramës në dy vite me avion në dispozicion, kanë ngjallur dyshime të ligjshme në mbarë Evropën. Dëshiroj dhe uroj që mediat të mos e censurojnë këtë deklaratë bombë të një autoriteti të vërtetë në Parlamentin Evropian, ndaj dhe i lutem zyrës së shtypit t’ia dërgojë pa përjashtim të gjitha medieve me shpresë se do heqin dorë nga censura e një lajmi për të cilin është i interesuar çdo shqiptar i ndershëm pavarësisht nga përkatësia partiake. PD nuk është mjaftuar me kaq. PD ka paraqitur kërkesën për komisionin hetimor parlamentar për këtë çështje, si një çështje themelore dhe Edi Rama e ka refuzuar në mënyrë kategorike komisionin.
Ka të dhëna tronditëse.
Ka të dhëna që provojnë transportin e parave. Ka të dhëna që faktojnë se valixhet diplomatike të qeverisë shqiptare, me Ismail dhe pa Ismail, janë numerikisht më të shumta se të gjitha valixhet diplomatike të Evropës. Ju keni parë dhe keni konstatuar ambasadat tona të implikuara në transporte droge. Por, deklarata bombë e europarlamentarit cek është një kontribut madhor pasi PD do rikthejë përsëri kërkesën për krijimin hetimor parlamentar për të hetuar transportin e parave dhe të drogës me avionin privat taksi të Edi Ramës në mbarë Evropën dhe më gjerë.", u shpreh Berisha./Dosja.al
TIRANË- Deklarata e eurodeputetit çek Tomas Zdecovski ishte në qendër të konferencës për mediat e zhvilluar nga kreu i Partisë Demokratike, Sali Berisha. Ai tha se deklaratat e eurodeputetit përbëjnë akuza të rënda ndaj kryeministrit Edi Rama dhe familjarëve të tij.
Gjatë fjalimit të tij, Berisha u shpreh se Zdechovský ka deklaruar se po ndiqen paratë, duke pretenduar se bëhet fjalë për para të përfituara nga veprimtari kriminale ose nga trafikantë shqiptarë. Sipas tij, këto janë ndër akuzat më të forta të bëra ndonjëherë ndaj një drejtuesi të një vendi evropian.
Kreu i demokratëve e cilësoi deklaratën e eurodeputetit si të paprecedentë dhe tha se ndjekja e parave është mënyra kryesore për të zbuluar aktivitetet kriminale, teksa shtoi se këto pretendime duhet të hetohen nga institucionet përgjegjëse.
"Të nderuar qytetare dhe qytetarë, sot jam këtu për deklaratën e deputetit të Parlamentit Evropian, Tomas Zdeçovski, i cili denoncoi dje në një nga mediat e Tiranës, Edi Ramën si njeriun që përdor familjarët e tij për të transportuar para jashtë shtetit. Zoti Zdeçovski thekson se ne po ndjekim paratë. Po ndjekim pra këtë veprimtari kriminale të Edi Ramës me paratë e grabitura shqiptarëve ose paratë e trafikantëve shqiptarë.
Kjo deklaratë në Parlamentin Evropian është bërë vetëm për diktatorë të tipit Gedafi dhe jo ndonjëherë tjetër për ndonjë lider të një vendi të lirë evropian. Deklarata e europarlamentarit në mediat shqiptare është aktakuza më e rëndë që i bëhet personalisht Edi Ramës dhe familjarëve të tij nga një personalitet i shquar në Parlamentin Evropian, i cili shprehet se po ndjekim paratë. Rikujton pra parimin e kapjes së mafies duke ndjekur paratë. E pashembullt! E paprecedent!", u shpreh Berisha./Dosja.al
