Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Takimi trepalësh u zhvillua në margjina të samitit inaugurues të platformës së Bashkësisë Politike Evropiane, që u mbajt në Pragë më 6 tetor.
Presidentja e Kosovës, Vjosa Osmani, ka zhvilluar një takim me homologun e saj francez, Emmanuel Macron, dhe kancelarin e Gjermanisë, Olaf Scholz, me të cilët ka biseduar për çështjen e vizave dhe dialogut.
Takimi trepalësh u zhvillua në margjina të samitit inaugurues të platformës së Bashkësisë Politike Evropiane, që u mbajt në Pragë më 6 tetor.
Sipas njoftimit, Osmani ka falënderuar Francën dhe Gjermaninë për "angazhimin e tyre për liberalizimin e vizave për Kosovën, duke përmendur rëndësinë vendimtare që ky proces të përfundojë gjatë Presidencës çeke të Këshillit të BE-së".
Kosova është vendi i vetëm në rajon që nuk ka liberalizim të vizave dhe kjo çështje do të jetë në rend dite të Këshillit Evropian më 13 tetor.
Por, Osmani gjatë një konference për media në mbyllje të samitit në Pragë, tha se Kosova është e "kujdesshme" sa i përket këtij takimi të BE-së.
"Jemi shumë optimistë dhe të kujdesshëm sa i përket atij takimi. Por, nuk përfundon gjithçka aty sepse ka edhe shumë hapa të tjerë deri në hyrjen në fuqi", tha Osmani.
Osmani ka biseduar me liderët e Francës dhe Gjermanisë edhe për dialogun me Serbinë që ka kërkuar të mbyllet "sa më shpejt, me njohje të ndërsjellë" dhe duke mos prekur integritetin territorial dhe rendin kushtetues të Kosovës.
Në konferencën në Pragë, ajo dha detaje të tjera lidhur me bisedën me dy liderët evropianë, sa i përket dialogut.
"Si përfaqësuese e Kosovës, para presidentit Macron dhe kancelarit Scholz kam paraqitur se cilat janë vijat tona të kuqe, që kanë të bëjnë me mbrojtjen e integritetit territorial, sovranitetit të vendit, kushtetutshmërisë së vendit, parimin e unitaritetit të shtetit. Dhe po ashtu, rëndësinë e jashtëzakonshme që Kosova të mbetet shtet funksional, pra mos të lejojmë zgjidhje të cilat më shumë shkaktojnë probleme sesa që sjellin më shumë paqe e stabilitet në rajon", tha Osmani për gazetarët.
Presidentja e Kosovës ka falënderoi Parisin dhe Berlinin për përpjekjet e tyre për të intensifikuar procesin e dialogut.
Scholz dhe Macron së fundmi kanë emëruar këshilltarët, Jenns Plettner dhe Emmanuel Beaune, për procesin e dialogut mes Kosovës dhe Serbisë, me qëllim që të shtyjnë palët drejt përmbylljes së procesit.
Osmani u pyet nga gazetarët nëse Kosova ka modalitete për krijimin e Asociacionit të komunave me shumicë serbe. Ajo tha se nuk është në interes as të Kosovës, e as të rajonit, që të shkohet përtej Kushtetutës së Kosovës, pasi sipas saj, do të mund të prodhoheshin modele sikurse Republika Sërpska në Bosnjë e Hercegovinë, që sipas Osmanit, nuk ka funksionuar.
"Modalitet për ne është Kushtetuta e Kosovës. Ajo është alfa dhe omega e secilit veprim tonin. Është vendimi i Gjykatës Kushtetuese ai i cili e trason rrugën. Vendimi i Gjykatës Kushtetuese përcakton që mekanizma të tillë nuk mund të jenë as njëetnik, e as të kenë kompetenca ekzekutive, e as nuk mund të krijojnë një shtresë të ndërmjetme të qeverisjes që do të binte ndesh me Kushtetutën. Këto janë parimet tona", tha presidentja e Kosovës.
Ndryshe, Kosova ishte në mesin e 44 shteteve që u ftuan në samitin e Bashkësisë Politike Evropiane, që po mbahet në kohën kur kontinenti evropian po përballet me sfida të sigurisë dhe energjisë, për shkak të pushtimit të paprovokuar rus të Ukrainës.
Sipas një njoftimi të Presidencës së Kosovës, Osmani në takim ka kërkuar përkrahjen e shteteve evropiane për integrimin euroatlantik të Kosovës.
Bashkësia Politike Evropiane është një forum, që fillimisht ishte propozuar në maj të këtij viti nga presidenti francez Macron. Sipas liderit të Francës, ky forum nuk synon të zëvendësojë procesin e zgjerimit të Bashkimit Evropian, për shtetet aspiruese. Ai ka thënë se Bashkësia do të shërbejë për të lehtësuar shkëmbimet mes shteteve të BE-së dhe atyre që janë jashtë bllokut../REL
Kim Jong Un, Putin KORE E VERIUT- Ditën e sotme, presidenti rus Vladimir Putin mbush sot 70 vjeç. Ai ka marrë një mesazh për dit...
Foto ilustruese Më 13 majin e vitit 1939, 937 njerëz – kryesisht hebrenj – hipën në anijen luksoze “SS St. Louis&rdqu...
Shtetet e Bashkuara të Amerikës kanë vendosur sanksione ndaj shtatë zyrtarëve të lartë iranianë lidhur me kufizimin e ...
Kyriakos Mistotakis dhe Recep Tajip Erdogan PRAGË- Në samitin e Komunitetit Politik Evropian në Pragë ka pasur një konflikt të...
Turistet KINË- Turistët kinezë janë panikuar kur mësuan se aeroporti do të mbyllej. Aeroporti Xishuangbanna, në provinc&...
Pamje nga Praga Në Pragë të Çekisë u mblodhën liderët e 44 vendeve evropiane për t’i dërguar...
Foto ilustruese Vendet kryesore të prodhimit të naftës, të udhëhequra nga Arabia Saudite dhe Rusia, kanë vendosur të uli...
Deti Rrjedhjet masive që shpërthyen papritur në tubacionet e gazit të Rrjedhës Veriore, që kalojnë nga Rusia për n&...
Joe Biden SHBA- Rreziku i një “Armagedoni” bërthamor është në nivelin e tij më të lartë që ng...
Kandidatet NORVEGJI-Çmimi Nobel për Paqe do të jepet sot në Norvegji. Konflikti i vazhdueshëm i Rusisë në U...
