Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Trazirat shpërthyen ndërsa qindra protestues kundër emigracionit u mblodhën në disa qytete të vendit, pasi në mediat sociale u përhapën informacione të rreme se sulmi me thikë ndaj fëmijëve që po merrnin mësime për vallëzimin në qytetin Southport u bë nga një emigrant mysliman i radikalizuar.
ANGLI- Dhuna është rishfaqur në rrugët e qyteteve britanike të shtunën. Disa oficerë policie u lënduan gjatë ditës së katërt të trazirave pas vrasjes së tre vajzave të vogla më herët gjatë javës në një qytet në veriperëndim të vendit. Trazirat shpërthyen ndërsa qindra protestues kundër emigracionit u mblodhën në disa qytete të vendit, pasi në mediat sociale u përhapën informacione të rreme se sulmi me thikë ndaj fëmijëve që po merrnin mësime për vallëzimin në qytetin Southport u bë nga një emigrant mysliman i radikalizuar.
Policia ka thënë se autori i dyshuar, Axel Rudakubana, 17 vjeç, ka lindur në Cardiff të Uellsit, por protestat e demonstruesve kundër emigrantëve dhe kundër myslimanëve kanë vazhduar, duke u shndërruar në dhunë dhe trazira, së fundmi në qytetin verilindor Sunderland të premten në mbrëmje.
Policia në Liverpul tha të shtunën se një numër oficerësh ishin plagosur ndërsa po përballeshin me "trazira serioze" në qendër të qytetit.
Autoritetet në qytetin lindor Hull thanë se katër persona u arrestuan dhe tre oficerë u plagosën, ndërsa po merreshin me protestat gjatë të cilave u goditën me shishe.
Xhamitë në të gjithë vendin janë këshilluar të forcojnë masat e sigurisë, ndërsa policia ka dislokuar oficerë shtesë.
Kryeministri Keir Starmer, që po përballet me sprovën e tij të parë të madhe që nga zgjedhja e tij një muaj më parë, ka dënuar "të djathtën ekstreme" për dhunën dhe ka mbështetur policinë për të ndërmarrë masa të forta. Ai diskutoi për trazirat në një takim të shtunën me anëtarët e kabinetit qeveritar, tha zyra e tij.
Hera e fundit që shpërtheu dhunë masive në Britani ishte në vitin 2011, kur mijëra persona dolën në rrugë për pesë netë, pasi policia vrau një burrë afrikano-amerikan në Londër.
Dëshmitarët në qytetet Liverpul, Leeds, Mançester dhe Belfast folën me agjencinë e lajmeve Reuters për një atmosferë të tensionuar të shtunën pasdite, ndërsa policia u përpoq të përmbante dhe të shmangte përplasjen mes disa grupeve rivale ku merrnin pjesë qindra protestues që brohorisnin.
Përleshjet dhe dhuna shpërthyen në disa qytete, përfshirë në Liverpul, ku u hodhën vezë, kanaçe birre dhe shashka, ndërsa në Belfast, disa biznese raportuan dëme materiale.
"Nuk gjej ndonjë arsye përse na sulmuan", tha Rahmi Akyoli, ndërsa qëndronte përpara kafenesë së tij në Belfast, dyert me xhama të së cilës u thyen pasi u sulmua nga dhjetëra njerëz që hidhnin shishe dhe karrige.
"Unë jetoj këtu prej 35 vitesh. Fëmijët e mi, gruaja ime janë nga këtu. Nuk di çfarë të them, është e tmerrshme", tha ai.
Në protestat në Londër, policia arrestoi disa persona, përfshirë një person që reagoi me përshëndetjen naziste ndaj një kundërprotestuesi.
Të premten në mbrëmje, qindra demonstrues kundër emigracionit në Sunderland hodhën gurë ndaj forcave speciale të policisë që ishin dislokuar pranë një xhamie. Në vazhdim ata përmbysën automjete, i vunë flakën një makine dhe ndezën një zjarr pranë një stacioni policie.
Katër policë të plagosur u dërguan në spital dhe 12 persona u arrestuan, u tha gazetarëve të shtunën Mark Hall, kryeinspektori i policisë në Sunderland.
"Kjo nuk ishte protestë. Kjo ishte dhunë e pafalshme dhe trazira", tha zoti Hall.
Të paktën 30 demonstrata ishin planifikuar në Britaninë këtë fundjavë, tha rrjeti BBC, së bashku me një numër kundër-protestash nga grupet kundër racizmit.
Marrë nga VOA
Turistet IBIZA- Gjashtë turistë janë arrestuar në Ibiza, pasi nuk kanë paguar faturën e restorantit. Mediat italiane shkruajn...
RUSI- Fëmijët e një çifti spiun rus që u kthyen në shtëpi të enjten në shkëmbimin më të...
fotot ilustruese RUSI- Analistët dhe njohësit e mirë të situatës politike në Malin e Zi, mendojnë se zhvillimet e fundit...
foto ilustruese UKRAINË- Ushtria e Ukrainës ka njoftuar se ka sulmuar dhe shkatërruar një nëndetëse ruse ndërsa ajo isht...
Ismail Haniyeh IRAN- Garda Revolucionare e Iranit tha të shtunën se Ismail Haniyeh, lideri politik i Hamasit grupit të shpallur terrorist n...
Donald Trump dhe Kamala Harris SHBA- Donald Trump ka rënë dakord të debatojë me Kamala Harris në studiot e Fox News në shtato...
SHBA- Kandidati republikan për nënpresident është personi i parë nga i ashtuqujaturi brezi i mijëvjeçarit, të lindur...
pamje nga protesta ANGLI- Disa oficerë britanike janë plagosur ditën e sotme pasi aktivistët e ekstremit të djathtë janë...
Albin Kurti SHKUP- Kryeministri i Kosovës, Albin Kurti do të vizitojë Maqedoninë e Veriut. Gazeta Ekspres bën të di...
Aleksandar Vuçiç SERBI- Presidenti i Serbisë, Aleksandar Vuçiç, ka reaguar në lidhje me arrestimin e pesë s...
