Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Pas një incidenti në qytetin Ghom gjithçka ka mbetur në vend dhe policia po qëndron në gatishmëri. Ghomi, rreth 120 kilometra në jug të kryeqytetit Teheran, konsiderohet si qendra fetare e Iranit dhe një vatër e rëndësishme e edukimit fetar të shiitëve. Më 9 mars në një spital të këtij qyteti një klerik u ndoq nga një grua e zemëruar. Ajo donte ta detyronte, që ajo të fshinte një video nga telefoni i tij.
IRAN- Zemërimi i një gruaje të re ndaj një kleriku në qytetin e shenjtë të shiitëve Ghom ka bërë bujë. Dokumentet gjyqësore zbulojnë, se si autoritetet iraniane veprojnë një raste të tilla. Gazetarë nga Teherani njoftojnë për një atmosferë nervoze në stacionet policore. Pas një incidenti në qytetin Ghom gjithçka ka mbetur në vend dhe policia po qëndron në gatishmëri. Ghomi, rreth 120 kilometra në jug të kryeqytetit Teheran, konsiderohet si qendra fetare e Iranit dhe një vatër e rëndësishme e edukimit fetar të shiitëve. Më 9 mars në një spital të këtij qyteti një klerik u ndoq nga një grua e zemëruar. Ajo donte ta detyronte, që ajo të fshinte një video nga telefoni i tij.
Kleriku kishte filmuar fshehurazi nënën e re, ndërsa ajo ishte ulur në një cep korridori dhe po i jepte gji fëmijës së sëmurë. Gruaja ishte pa shami. Video të tilla u kalohen organeve të drejtësisë dhe përdoren si prova për ndjekjen penale të grave, që nuk mbajnë shami në publik. Edhe në qytetin Ghom ka gra, që shkelin ligjet dhe traditat. Por fakti që edhe gratë e veshura me çadorë të zinj e të gjatë mbështetën nënën e re të përndjekur dhe kërkuan me këmbëngulje nga kleriku, që ai ta fshinte videon, flet për zemërimin e përgjithshëm shoqëror kundër udhëheqjes fetare. Videoja me incidentin u përhap shpejt në rrjetet sociale dhe shkaktoi zemëratë.
Ato, që protestuan, u arrestuan
Shpejt prokuroria e qytetit Ghom njoftoi për arrestimin e katër personave, në mesin e tyre edhe të gruas që kishte filmuar konfliktin e grave me klerikun. Në deklaratën e prokurorisë thuhej se personi ka pranuar ta ketë regjistruar dhe shpërndarë videon "me synimin për të përçarë shoqërinë".
Gazeta proqeveritare "Keyhan", zëdhënëse e „udhëheqësit të revolucionit" Ayatollah Khamenei, bën përgjegjës për këtë incident shërbimin sekret izraelit. Mossadi po përpiqet të nxisë sërish trazira në Iran, thuhet në një editorial të kësaj gazete.
Ngjarjet në spital kanë potencialin të shkaktojnë protesta të reja masive në Iran. Metodat, që përdorin autoritetet në raste të tilla, zbulohen pjesërisht nga dokumentet sekrete, që mund të shihen në internet që nga fundi i shkurtit.
Hakerët e nxjerrin drejtësinë lakuriq
Një grup hakerësh me emrin "Edalat-e Ali" (Drejtësia e Aliut) ka sulmuar serverët e gjyqësorit iranian duke nxjerrë në internet një arkiv me miliona skedarë dhe protokolle. Grupi njihet në Iran që nga vera e vitit 2021. Në atë kohë ai pati hakuar sistemin e mbikqyrjes së burgut famëkeq Evin në Teheran, duke nxjerrë qindra gigabajt me të dhëna në internet. Videot zbuluan kushtet çnjerëzore për të burgosurit në burgun më të madh dhe me sigurinë më të lartë në vend.
Me sulmin e tyre të ri kibernetik hakerët vodhën shumë regjistra të të dhënave gjyqësore. Ndër to bëjnë pjesë për shembull protokollet e Këshillit të Sigurisë Kombëtare pas vdekjes së Jina Mahsa Amini. Protokolli me vulën "shumë konfidencial” zbulon ndër të tjera "prioritetet në trajtimin e çështjes Mahsa Amini”.
22-vjeçarja Jina Mahsa Amini vdiq në shtator 2022 pas arrestimit nga policia e moralit. Gruaja e re thuhet se nuk e kishte mbajtur hixhabin siç duhet. Vdekja e saj ndezi protesta në rrugë, të cilat sfiduan për muaj të tërë pushtetin dhe në fund u shtypën brutalisht.
Protestat luftohen përmes dezinformimit dhe frikësimit
Në takimin e parë të Këshillit të Sigurisë Kombëtare u diskutua se si të frenohen protestat e mundshme. Një temë e rëndësishme ishte kontrolli i internetit dhe i përmbajtjes së publikuar në të. Qëllimi ishte të krijohej pasiguri në hapësirën virtuale. Në praktikë kjo do të thotë: të përhapet dezinformim, të merren qëllimisht në shënjestër personalitete me ndikim, të cilësohen aktivistët agjentë.
Fakti që autoritetet pretendojnë, se shërbimi sekret izraelit Mossad qëndron pas incidentit të fundit në Ghom, përputhet me këtë skemë: Vetëm versioni i autoriteteve duhet të përbëjë të vërtetën e asaj që ndodh. Marrja e informacionit nga burime të pavarura kriminalizohet.
"Dokumentet tregojnë metodat, që përdor gjyqësori, për të frikësuar gazetarët, aktivistët e të drejtave të njeriut, studentët dhe të gjithë ata, që mendojnë ndryshe, për shkak të angazhimit të tyre paqësor”, thotë Moein Khazaeli për DW. Khazaeli ka studiuar drejtësi dhe shkenca politike në Universitetin e Teheranit dhe në Universitetin e Malmë në Suedi, ku jeton aktualisht. Ai shton: "Të drejtat e qytetarëve shkelen sistematikisht nga drejtësia. Secili që shpreh kritikë, duhet të presë që të ketë një dosje në gjyqësor. Në dokumentet mund të gjenden dosje, që janë hapur edhe për gazetarët jashtë vendit. Shumë prej tyre ishin dënuar me burg pa qenë në dijeni”.
Publikimi i dokumenteve është shoqëruar njëkohësisht edhe me kritika. Kahzaeil shpjegon se, "kjo sasi informacioni, që përmban edhe detaje të mosmarrëveshjeve civile me numrat e identitetit të personave të përfshirë, cenon privatësinë e shumë qytetarëve dhe rrezikon sigurinë e tyre. Këto informacione mund të përdoren në mënyra të ndryshme kundër tyre. Për shembull nga kriminelët në hapësirën kibernetike”.
Marrë nga DW
Foto ilustruese LINDJE E MESME- Shtetet e Bashkuara kanë qarkulluar një draft-rezolutë të Këshillit të Sigurimit të Komb...
Presidenti i Këshillit Evropian Charles Michel BRUKSEL- Udhëheqësit e Bashkimit Evropian do të diskutojnë sot për nj...
Daniel Serëer KOSOVË- Profesori amerikan, Daniel Serwer ka reaguar pas kërcënimeve të presidentit të Serbisë Aleksand&e...
Foto ilustruese JAPONI- Kryeqyteti japonez dhe rrethinat e tij u tronditën nga një tërmet me magnitudë 5.3 kët...
Foto ilustruese BULLGARIA- Etika e tij e punës dhe aftësia e tij që të flasë në gjuhën lokale, i ka mundësuar Aysar...
Foto ilustruse SHBA- Një video e rrallë po qarkullon në rrjet ku tregon një person i paralizuar duke kontrolluar kursorin e mouse-it ve...
Ahmad Alamolhoda IRAN- Ahmad Alamolhoda, një klerik me ndikim dhe përfaqësues i liderit suprem të Iranit në provincën verilin...
Xi Jinping dhe Emmanuel Macron PARIS- Tregtia do të jetë në fokus kryesor të agjendës së presidentit kinez, Xi Jinping gjat&e...
foto nga vendngjarja IZRAEl- Forcat izraelite vranë tre palestinezë dhe plagosën një tjetër në një...
treni AFRIK- Treni i mineralit të hekurit të Mauritanisë njihet si treni më i rrezikshëm dhe më vdekjeprurës në bot...
