"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Shefi i shtabit të ushtrisë ruse Valery Gerasimov i tha Presidentit Putin në takimin virtual se rreth 100 ushtarë ukrainas ishin vrarë në betejë dhe më shumë se 200 u plagosën, njoftuan agjencitë ruse të lajmeve.
RUSI- Presidenti rus Vladimir Putin e përshkroi të mërkurën një sulm brenda territorit rus nga trupat ukrainase në rajonin jugperëndimor të Kurskut si një "provokim në shkallë të gjerë". Moska njoftoi se po lufton kundër bastisjeve ndërkufitare për dy ditë. Zyrtarët ukrainas nuk kanë komentuar për këtë çështje.
Presidenti Putin u takua me zyrtarët e tij të lartë të mbrojtjes dhe sigurisë për të diskutuar atë që ai i quajti "goditje pa kriter me granata ndaj ndërtesave civile, shtëpive të banimit, ambulancave, me lloje të ndryshme armësh". Ai udhëzoi kabinetin për të koordinuar ndihmat për rajonin e Kurskut. Luftimet po zhvillohen rreth 500 kilometra larg Moskës.
Shefi i shtabit të ushtrisë ruse Valery Gerasimov i tha Presidentit Putin në takimin virtual se rreth 100 ushtarë ukrainas ishin vrarë në betejë dhe më shumë se 200 u plagosën, njoftuan agjencitë ruse të lajmeve.
Ndërkohë goditjet me granata nga Ukraina, shkaktuan vdekjen e të paktën dy personave dhe plagosën 24 të tjerë, tha në një deklaratë zëdhënësja e Ministrisë së Jashtme ruse Maria Zakharova. Të dhënat ruse nuk janë konfirmuar nga burime të pavarura.
Përgjatë tre viteve të luftës në Ukrainë, lajmet e rreme dhe propaganda kanë luajtur një rol qendror.
Kreu i qarkut ku po zhvillohen luftimet u bëri thirrje banorëve të dhurojnë gjak për shkak të luftimeve të ashpra. "Në 24 orët e fundit, rajoni ynë ka rezistuar heroikisht ndaj sulmeve nga luftëtarët ukrainas", tha në aplikacionin për shpërndarjen e mesazheve 'Telegram' guvernatori në detyrë Alexei Smirnov, duke shtuar se të gjitha shërbimet e urgjencës ishin në gatishmëri të lartë.
Zoti Smirnov tha se autoritetet kishin evakuuar më shumë se 200 njerëz nga zonat nën goditje me granata, ndërsa disa mijëra të tjerë u larguan me automjetet e tyre.
Nëse konfirmohet, sulmi ndërkufitar do të ishte ndër më të mëdhenjtë e Ukrainës që nga fillimi i agresionit rus në shkurt të vitit 2022 dhe i paprecedentë kur bëhet fjalë për dërgimin e njësive ushtarake ukrainase.
Qëllimi i Kievit mund të jetë tërheqja e ushtrisë ruse në zonë, gjë që mund të dobësonte operacionet sulmuese të Moskës në disa pjesë të rajonit lindor të Donetskut të Ukrainës. Në Donetsk, forcat ruse kanë shtuar sulmet dhe po përparojnë gradualisht.
Këto sulme ukrainase megjithatë mund të rrezikojnë shtrirjen e trupave ukrainase më tej përgjatë vijës së frontit, e cila është më shumë se 1,000 kilometra e gjatë.
Nëse Rusia do të angazhonte rezerva për të stabilizuar frontin e ri, duke pasur parasysh fuqinë e saj të madhe njerëzore dhe numrin relativisht të vogël të forcave ukrainase të përfshira në operacion, sulmet ukrainase ka të ngjarë të kenë pak ndikim afatgjatë.
Megjithatë, operacioni mund të rrisë moralin ukrainas në një kohë kur forcat e Kievit po përballen me sulme të ashpra ruse dhe pritet të përballen me më shumë sulme të tjera në javët e ardhshme.
Forcat ruse kanë zmbrapsur me shpejtësi sulmet e mëparshme ndërkufitare.
Ministria ruse e Mbrojtjes tha të martën se deri në 300 trupa ukrainase, të mbështetur nga 11 tanke dhe më shumë se 20 automjete të blinduara luftarake, kishin kaluar në Rusi dhe kishin pësuar humbje të mëdha.
Ajo tha të mërkurën se trupat ushtarake ruse “vazhduan të shkatërronin njësitë ushtarake ukrainase në zonat përgjatë kufirit në rajonin e Kurskut”.
Ministria tha se forcat ruse të mbështetura nga artileri dhe avionë luftarakë “nuk e lejuan armikun të avanconte më thellë në territorin e Federatës Ruse”.
Vëzhguesit e pavarur të zhvillimeve në rajon nuk kanë qenë në gjendje të verifikojnë pretendimet ruse. Instituti për Studimin e Luftës me bazë në Shtetet e Bashkuara nuk mundi të verifikonte nëse automjetet e blinduara të dëmtuara dhe të braktisura të shfaqura në një video që tregon lokacionin 7 kilometra në veri të kufirit në rajonin e Kurskit, ishin ukrainase.
Grupi i ekspertëve hodhi gjithashtu dyshime mbi videon e shpërndarë nga blogerët ushtarakë rusë që pretendonin se tregonin pasojat e bastisjeve ukrainase. Shumica e dëmeve të paraqitura “duket se janë rezultat i goditjes rutinë me granata nga Ukraina dhe nuk tregojnë se ka pasur aktivitet tokësor në zonë”, tha Instituti në raportin e përditshëm.
Përgjegjësia për ndërhyrjet tokësore të mëparshme në rajonet e Belgorodit dhe Bryansk-ut të Rusisë ka qenë e turbullt. Janë dy grupe që kanë marrë pëgjegjësinë për sulmet e mëparshme: Korpusi Vullnetar Rus dhe Legjioni i Lirisë së Rusisë, të cilët përbëhen nga shtetas rusë dhe kanë luftuar përkrah forcave ukrainase.
Disa blogerë rusë të luftës, të cilët kanë dëshmuar njohuri për luftën, thanë se në Kursk, ndërhyrja tokësore po bëhej nga ushtarët ukrainas.
Rybar, një kanal në aplikacionin 'Telegram' i drejtuar nga Mikhail Zvinchuk, një ish oficer shtypi i Ministrisë së Mbrojtjes Ruse, tha se trupat ukrainase kishin marrë nën kontroll tre vendbanime në rajon dhe vazhduan të luftojnë më thellë brenda territorit rus.
Një tjetër blog ushtarak pro-Kremlinit, 'Two Majors', pretendonte se trupat ukrainase kishin avancuar deri në 15 kilometra në rajon.
Asnjë pretendim nuk mund të verifikohej në mënyrë të pavarur.
Kufiri i rajonit të Kurskut me Ukrainën është 245 kilometra i gjatë, duke bërë të mundur që grupet diversante të nisin ndërhyrje të shpejta dhe të kapin disa terrene përpara se Rusia të vendosë përforcime.
Marrë nga VOA
Foto Ilustruese EGJIPT- Egjipti i ka udhëzuar të gjitha linjat e veta ajrore ta shmangin hapësirën ajrore të Iranit për nj&e...
Erdogan TURQI- Turqia paraqiti të mërkurën një kërkesë në Gjykatën Ndërkombëtare të Drejtësis&...
fotot ilustruese IZRAEL- Ministri i Jashtëm i Izraelit ka bërë thirrje për vrasjen e Yahya Sinwarit, udhëheqësit të sapo...
ANGLI- Gjatë ditëve të fundit Britania është përfshirë nga trazirat, pas protestave të dhunshme kundër emigrant&e...
pamje nga vendngjarje KOREJA E JUGUT- Një avion i Korean Air pësoi turbulenca të mëdha të dielën, duke plagosur më shum&...
Aleksandar Vuçiç SERBI- Presidenti i Serbisë Aleksandar Vuçiç tha sot gjatë hapjes së stacionit hekurudhor Vrbas...
foto ilustruese KOSOVË- Një rast pozitiv me virusin e Nilit Perëndimor është shënuar në Kosovë të mërkur&...
foto ilustruese IRAN- Presidenti i Francës, Emmanuel Macron, i bëri thirrje të mërkurën homologut të vet iranian, Masud Pezes...
fotot ilustruese GJERMANI- Një mjek gjerman dyshohet se vrau katër pacientë në shtëpitë e tyre përpara se tu vinte flak&...
pamje nga protesta ANGLI- Furgonët e policisë janë rreshtuar në rrugë, ndërsa dyqanet u mbyllën dhe punonjësit u d&...
