Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Sekretari i Shtetit Antony Blinken do të takohet të mërkuren me homologun e tij turk në Nju Jork, në përpjekje për të sqaruar qëndrimin e Ankarasë.
Zyrtarët amerikanë po përpiqen të përcaktojnë se sa serioz është kundërshtimi i Turqisë ndaj anëtarësimit të Suedisë dhe Finlandës në NATO dhe si mund të kapërcehet ai.
Sekretari i Shtetit Antony Blinken do të takohet të mërkuren me homologun e tij turk në Nju Jork, në përpjekje për të sqaruar qëndrimin e Ankarasë.
Serioziteti i diplomacisë delikate del në pah edhe nga qëndrimi i deritanishëm i Uashingtonit, që duket se ka vendosur të injorojë publikisht komentet e Presidentit Erdogan, që thotë se nuk mund t’i lejojë këto dy vende të anëtarësohen në NATO për shkak të mbështetjes, që sipas tij, i japin grupeve që Turqia i sheh si rrezik për sigurinë e saj. Administrata amerikane është përqëndruar në komentet që kanë bërë zyrtarë të tjerë turq në takime me dyer të mbyllura.
“Nuk na takon ne të flasim për qëndrimin e qeverisë turke”, tha dje zëdhënësi i Departamentit të Shtetit Ned Price, në përgjigje të disa pyetjeve rreth qëndrimit të Ankarasë dhe në se Turqia i ka kërkuar diçka tjetër qeverisë amerikanë në shkëmbim të ndryshimit të qëndrimit të saj.
Ajo që po rrezikohet për Shtetet e Bashkuara dhe NATO-n, është mundësia për t’iu përgjigjur sulmit rus në Ukrainë duke forcuar dhe zgjeruar aleancën, pikërisht e kundërta e asaj që Presidenti Putin shpresonte të arrinte para se të fillonte sulmin.
Por sugjerimi i Presidentit Erdogan, se ai mund ta bllokojë anëtarësimin e Suedisë dhe Finlandës, po ashtu vë në pah një dobësi të mundshme që Përsidenti Putin është përpjekur ta shfrytëzojë në të kaluarën, miratimin e vendimeve me konsensus, ku një anëtar i vetëm mund të bllokojë vendimet që mbshteten nga gjithë të tjerët.
Të para fillimisht si të lehta për t’u kapërcyer, kundërshtimet verbale të Turqisë, po shkaktojnë gjithnjë e më shumë shqetësim në Uashington dhe kryeqytetet e tjera të vendeve të NATO-s.
Edhe nëse kapërcehen, ato mund ta shtyjnë anëtarësimin e këtyre dy vendeve me muaj të tërë, sidomos nëse edhe vende të tjera të aleancës fillojnë të kërkojnë lëshime në shkëmbim të votimit pro Finlandës dhe Suedisë.
Presidenti Erdogan është bërë gjithnjë e më autoritar gjatë viteve, dhe shihet si një usdhëheqës i paparashikueshëm, dhe në disa raste komentet e tij kanë qënë në kundërshtim me ato të diplomatëve të tjerë turq.
Komente të ndryshme nga zoti Erdogan dhe Ministria e Jashtme turke, pati për shembull vitin e kaluar, kur zoti Erdogan kërcënoi të dëbonte 10 diplomatë perëndimorë, përfshirë ambasadorin amerikan, të cilin ai e akuzoi për ndërhyrje në sistemin e drejtësisë së Turqisë.
Sekretari i Përgjithshëm i NATO-s, Jens Stoltenberg, për shembull, tha të djelën, pas bisedimeve me zyrtarët turq, se Ankaraja e ka bërë të qartë se synimi i saj nuk është të bllokojë anëtarësimet. Po ashtu Sekretari Blinken dhe Ministrja e Jashtme gjermane Annalena Barbock shprehën besim të plotë se gjithë anëtarët e NATO-s, përfshirë Turqinë do ta mbështesnin anëtarësimin e Finlandës dhe Suedisë.
Komentet e të hënës të Presidentit Erdogan, duke këmbëngulur se ishte kundër anëtarësimit, pasi Suedia dhe Finlanda mbështesin militantët kurdë edhe grupe të tjera që Turqia i sheh si grupe terroriste, ishin të papritura për udhëheqësit e tjerë të NATO-s.
Gonul Tol, drejtore e programeve për Turqinë në Institutin për Lindjen e Mesme tha se ndërsa Erdogani shpesh mban qëndrim të ashpër, ai ka prirjen ta ndryshojë dhe në fund të jetë racional. “Erdogani është i paparashikueshëm, por në të njejtën kohë është pragmatist”, thotë ekspertja, duke shtuar se ai negocion fortë, paraqet kërkesa maksimale, por në fund kënaqet edhe me shumë më pak”./VOA/
Zelenskyy SHBA- Aktorja Julianne Moore hapi festivalin e 75-të të filmit në Kanë të Francës. Filmi i parë që u shfa...
Gerhard Schroder Në Partinë Socialdemokrate, SPD ka ende anëtarë që i janë mirënjohës Gerhard Schröderit. P&eu...
Elon Musk SHBA- Manjati Elon Musk ka ndryshuar bindjen e tij politike. Pasi ka pranuar se kishte votuar "me shumicë" për demokratët n&e...
Fondi Monetar Ndërkombëtar BRUKSEL- Komisioni Evropian propozoi sot një shtesë prej 9 miliardë eurosh në kredi të BE-s&e...
Diego Mauricio Blanco KOLUMBI- Dalin pamjet e finalizimit të aksionit nga Policia kolumbiane për vrasjen e prokurorit të AntiDrogës, M...
Erdogan TURQI- Turqia bllokoi vendimin fillestar të NATO-s për të përpunuar kërkesën e Finlandës dhe Suedisë pë...
Foto ilustruese SHBA- Thesari i SHBA-së, së bashku me disa banka globale të zhvillimit dhe grupe të tjera, ka zbuluar një plan shu...
Erdogan TURQI- Presidenti turk, Rexhep Taip Erdogan, tha se Suedia nuk duhet të presë që të miratojë aplikimin e saj në NATO ...
Ushtaret ukrainas UKRAINË-Amnesty International ka thënë se ushtarët ukrainas që u dorëzuan në uzinën Azovstal n&eu...
Ramzan Kadyrov RUSI- Udhëheqësi çeçen Ramzan Kadyrov përdori një gjuhë të ashpër kundë...
