"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
• Gjykata në Nju Jork ka shpallur fajtor ish-presidentin amerikan, Donald Trump me akuzën për sulm seksual ndaj shkrimtares E Jean Carroll, duke shkruar historinë si presidenti i parë i akuzuar për sulme seksuale. • Gjyqi zgjati për më shumë se 12 orë, ku kolumnistja përmes avokatëve mbrojtës ka dhënë dëshminë e saj lidhur me sulmin e supozuar në një dyqan, ngjarje e ndodhur në vitin 1996. • Ndërsa ish-presidenti nuk ka dëshmuar, por para jurisë gjykuese e përbërë nga gjashtë burra dhe tre gra është shfaqur një video ku ai mohoi përdhunimin. • Gjykata gjithashtu ka shfaqur disa video, ku ish-presidenti shfaqej duke komentuar fizikun e grave. Ekipi ligjor i Carroll përgatiti një prezantim prej rreth një ore ku janë përmbledhur deklaratat më të famshme seksiste dhe vulgare të Trump. • Juria vendosi që Trump të paguajë 5 milion dollarë kundrejt E. Jean Carroll për dëmin që i ka shkaktuar kolumnistes për sulmin e vitit 1996. Carroll, 79 vjeç, ka treguar se ngjarja ndodhi në një dyqan Bergdorf Goodman në Manhatan në fund të vitit 1995 ose në fillim të 1996. Sipas saj, Trump i kërkoi këshilla që të blinte të brendshme për një grua tjetër dhe që ajo t’i provonte për të. • Por në dhomat e zhveshjes, Carroll pretendoi se ish-presidenti u hodh drejt saj, e lidhi atë pas një muri dhe e përdhunoi.
4 artikuj për këtë temë.
SHBA- Zhvillimet nga gjyqi ndaj ish-presidenti Donald Trump lidhur me akuzën për abuzim seksual ndaj kolumnistes E Jean Carroll, ngjarje e ndodhur në 1996. Seanca gjyqësore filloi rreth orës 10 të mëngjesit të së martës. Në bazë të provave të paraqitura nga palët, juria mori vendimin për shpalljen fajtor të ish-presidentit.
Avokati i Trump, Joe Tacopina paraqiti të hënë në gjyq dëshminë e ish-presidentin, i cili ndër të tjera hodhi poshtë akuzat, duke pretenduar se ngjarja ishte një histori e sajuar me motive politike. Një argument tjetër që dhanë avokatët e ish-presidentit kundër paditëses, ishte se nëse ngjarja do të ishte e vërtetë, kolumnistja duhet ta kishte denoncuar 30 vite më parë, atëherë kur pretendoi se ndodhi sulmi seksual në dyqanin e rrobave.
Mbrojtja e ish-presidentit, ndër të tjera argumentoi se Carroll dhe dy gra, për të cilat ajo tha se i tregoi menjëherë për sulmin dhe që dëshmuan gjatë gjyqit, kishin planifikuar të prishnin ambiciet politike të ish-presidentit.
Nga ana tjetër, avokatët e Carroll theksuan se Trump nuk dëshmoi dhe as nuk u paraqit në gjykatë për gjyqin. Mike Ferrara dhe Roberta Kaplan janë kundërpërgjigjur duke thënë se ky nuk është i vetmi rast ku ish-presidenti është përfshirë në sulm seksual, pasi ai është akuzuar nga shumë gra në të kaluar për të njëjtën vepër penale edhe pse asnjëherë nuk ishte dënuar.
Ky gjyq ishte rezultat i të dytit nga dy paditë e ngritura nga Carroll kundër Trump. E para, e cila u depozitua në vitin 2019 përpara se të miratohej Akti për të Mbijetuarit e të Rriturve, pretendon vetëm shpifje – jo sulme seksuale – për komentet që Trump bëri pasi Carroll publikoi fragmentin e kujtimeve të saj që tregon përdhunimin e dyshuar. Padia e parë përballet me vonesa sepse u ngrit gjatë kohës që Trump shërbente si president dhe punonjësit e qeverisë përgjithësisht mbrohen nga pretendimet për shpifje, të cilat mund të shkaktojnë dështimin e çështjes së Carroll. Është shtyrë pa afat një muaj para se të fillonte gjykimi për padinë e dytë.
SHBA- Ish-presidenti amerikan Donald Trump ka reaguar për herë të parë pasi u shpall fajtor për abuzim seksual ndaj kolumnistes Jean Carroll, nga Gjykata e Nju Jorkut. Trump ka postuar në platformën e tij të mediave sociale 'Të vërteta', ku pretendon se nuk e njeh denoncuesen dhe se ky është vazhdimi i gjuetisë së shtrigave, me pretekstin se çështja është sajuar.
"Unë nuk e kam idenë ABSOLUTISHT SE KUSH ESHTË KJO GRUA. KY VERDIKT ËSHTË NJË TURPI - VAZHDIM I Gjuetisë më të madhe të shtrigave të të gjitha kohërave!", tha ish-presidenti.
Si ndodhi ngjarja?
Kolumnistja, E Jean Carroll, 79 vjeç, ka treguar se ngjarja ndodhi në një dyqan Bergdorf Goodman në Manhatan në fund të vitit 1995 ose në fillim të 1996. Dyshja ishin përplasur me njëri-tjetrin gjatë blerjeve.
Trump më pas dyshohet se i kërkoi asaj këshilla kur blinte të brendshme për një grua tjetër dhe me shaka i kërkoi asaj t'i modelonte ato për të. Por një herë në dhomat e zhveshjes, Carroll pretendoi se ish-presidenti u hodh drejt saj, e lidhi atë pas një muri dhe e sulmoi. Carroll, e cila ka një rubrikë me këshilla që mban emrin "Ask E. Jean" u shfaq në revistën Elle nga viti 1993 deri në 2019, pretendon se ajo arriti ta largonte atë pas përpjekjeve të shumta.
Ajo nuk e raportoi takimin në polici, thuhej në ankesën e saj, sepse ishte në shok dhe nuk dëshironte të mendonte për veten si një viktimë e përdhunimit. Dy nga miqtë e Carroll, Carol Martin dhe Lisa Birnbach, kanë thënë se shkrimtari u tregoi atyre për incidentin e supozuar brenda disa ditësh.
SHBA- Juria e Madhe ka shpallur Donald Trump fajtor për abuzim seksual duke bërë që ai të jetë i pari President i Shteteve të Bashkuara të Amerikës që mban nofkën ‘grabitqar seksual’ mbi shpinë. Seanca u zhvillua sot dhe zgjati thuajse 12 orë deri në marrjen e vendimit. Juria vendosi që Trump të paguajë 5 milion dollarë kundrejt E. Jean Carroll për dëmin që i ka shkaktuar kolumnistes për sulmin e vitit 1996.
E. Jean Carroll është një nga gratë e shumta që e kanë akuzuar Trump për sulme seksuale ose ngacmime, por që akuzën e saj e çoi deri para organeve të drejtësisë.
Në vitin 2019, ajo rrëfeu se republikani e përdhunoi atë në dhomën e zhveshjes së një dyqani të brendshmesh, në Manhattan në mesin e viteve 1990. Trump, 76 vjeç, zgjodhi të mos merrte pjesë në gjyqin civil, por ai ka thënë se kurrë nuk e ka takuar Carroll në dyqan dhe nuk e ka njohur. Ai e ka quajtur këtë histori si ‘gjueti shtrigash’.
SHBA- Ka përfunduar gjyqi ndaj ish-presidentit Donald Trump, për akuzat lidhur me përdhunimin e shkrimtares Elisabeth Jean Carroll. Juria në padinë e Carroll për përdhunim dhe shpifje kundër Donald Trump ka dëgjuar argumentet përfundimtare dhe do të marrë gjykimin në orët e ardhshme.
"Askush nuk është mbi ligjin, madje as një ish-president," tha avokati i ish-kolumnistes Roberta Kaplan.
Ekipi ligjor i Carroll përgatiti një prezantim prej rreth një ore ku janë përmbledhur deklaratat më të famshme seksiste dhe vulgare të Trump, shkruajnë mediat e huaja.
Carroll ka paditur Trumpin për shpifje, duke pretenduar se ai e përdhunoi atë në një dhomë zhveshjeje të Bergdorf Goodman në pranverën e vitit 1996. Nga ana tjetër Trump i ka mohuar vazhdimisht akuzat e saj.
