20 Nëntor 2024, 19:09
Nga E. D
Matt Whitaker
SHBA- Presidenti i zgjedhur Donald Trump njoftoi se emëroi ish-Prokurorin e Përgjithshëm, Matt Whitaker për postin e ambasadorit të ardhshëm të Shteteve të Bashkuara në NATO. Trump ka shprehur vazhdimisht skepticizëm ndaj aleancës perëndimore.
Me anë të një deklarate, presidenti i zgjedhur tha se Whitaker është një luftëtar i fortë dhe patriot besnik i cili do të sigurojë avancimin dhe mbrojtjen e interesave të Shteteve të Bashkuara, si edhe do të forcojë marrëdhëniet me aleatët tanë të NATO-s dhe do të qëndrojë i palëkundur përballë kërcënimeve ndaj paqes dhe stabilitetit.
Përzgjedhja e Whitaker si përfaqësues i vendit në NATO është e pazakontë, duke pasur parasysh përvojën e tij si jurist dhe jo në politikën e jashtme.
Whitaker, një ish-prokuror në shtetin e Ajovas, shërbeu si Prokuror i Përgjithshëm në Detyrë nga nëntori 2018 deri në shkurt 2019, në fazat e fundit të hetimit të Prokurorit të Posaçëm Robert Mueller për ndërhyrjen ruse në zgjedhje.
Më herët, ai kishte qenë shef i personelit të Prokurorit të parë të Përgjithshëm të Trump, Jeff Sessions, përpara se të zgjidhej për të zëvendësuar shefin e tij pasi Sessions u shkarkua në mes të pakënaqësive mbi vendimin e tij për t'u tërhequr nga hetimi për Rusinë.
Whitaker e mbajti postin për disa muaj, derisa William Barr u konfirmua si prokuror i përgjithshëm në shkurt 2019. Ai ka qenë një kritik i zjarrtë i çështjeve penale federale kundër Trump, të cilat mesa duket do të mbyllen pas fitores së tij në zgjedhje, sipas një praktike të Departamentit të Drejtësisë sipas së cilës presidentët në detyrë nuk mund të akuzohen për vepra penale.
Whitaker ka përdorur paraqitjet e rregullta në Fox News për t'iu bashkuar republikanëve të tjerë, duke denoncuar atë që ata pretendojnë se është politizimi i Departamentit të Drejtësisë gjatë katër viteve të fundit.
Presidenti i zgjedhur Trump ka paralajmëruar vazhdimisht se nuk do të mbrojë anëtarët e NATO-s që nuk përmbushin objektivin e shpenzimeve të mbrojtjes të aleancës transatlantike.
Sipas klauzolës për mbrojtjen reciproke që parashikohet nga neni 5 i NATO-s, një sulm i armatosur kundër njërit ose më shumë anëtarëve të saj, konsiderohet si një sulm kundër të gjithë anëtarëve.
Në fillim të këtij viti, Trump tha se kur ishte president, ai paralajmëroi aleatët e NATO-s se "do të inkurajonte" Rusinë "të bënte çfarëdo që të donte" ndaj vendeve që nuk e përmbushin detyrimin e buxhetit të NATO-s, ndërsa shtoi sulmet ndaj ndihmës së huaj dhe aleancave historike ndërkombëtare./VOA
matt whitaker
Bota
20 Nëntor 2024, 19:06
E. D
foto ilustruese
SHBA- Shtetet e Bashkuara më 20 nëntor vendosën veto ndaj një rezolute të Kombeve të Bashkuara që kë...
Bota
20 Nëntor 2024, 18:59
E. D
foto ilustruese
DANIMARKË- Komanda e mbrojtjes e Danimarkës tha se është “e pranishme” në zonën afër anijes ...
Bota
20 Nëntor 2024, 18:36
E. D
foto ilustruese
SHBA- Presidenti i SHBA Joe Biden ka rënë dakord t'i japë Ukrainës mina tokësore. Gjithashtu zyrtari amerikan...
Bota
20 Nëntor 2024, 18:11
ZH.LL
Foto ilustruese
ITALIA- Mijëra mjekë dhe infermierë italianë qëndruan në shtëpi të mërkurën për t&eu...
Bota
20 Nëntor 2024, 18:04
E. D
foto ilustruese
ZVICË- Pasi seriali koreano-jugor "Crash Landing on You" filmoi një skenë në Iseltwald, fshati i vogël zviceran u ...
Bota
20 Nëntor 2024, 17:56
ZH.LL
Papa Françesku
ROMË- Papa Françesku ka rishikuar ritet e funeralit papal, duke i thjeshtuar ritualet për të theksuar roli...
Bota
20 Nëntor 2024, 17:49
E. D
Fshati Ollolai
ITALI- Pas një cikli polarizues zgjedhor presidencial, shumë amerikanë po mendojnë se si të largohen nga SHBA...
Bota
20 Nëntor 2024, 17:40
E. D
Olaf Scholz
GJERMANI Anëtarët e Partisë Social Demokrate të kancelarit gjerman po spekulojnë gjithnjë e më shum&eum...
Bota
20 Nëntor 2024, 17:23
ZH.LL
raketa 'Storm Shadow"
UKRAINA- Ukraina ka lëshuar për herë të parë raketa "Storm Shadow" të prodhimit britanik në objekt...
Bota
20 Nëntor 2024, 17:26
E. D
Matt Gaet dhe JD Vance
SHBA- Zëvendëspresidenti i sapozgjedhur JD Vance ka mbërritur në Kapitol këtë mëngjes. Siç...