Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Niveli i ujërave ulet, dhe madje as rreshjet e e papritura nuk e stabilizojnë gjendjen. Në 40 departamente franceze është kufizuar ndërkohë përdorimi i ujit.
Ndalohet larja e automjeteve, kufizohet ujitja, rekomandime për larjen e dhëmbëve – në shumë shtete autoritetet po reagojnë ndaj valëve të të nxehtit dhe thatësirës. Duhet të mësohemi gjithmonë me rregulla të tilla?
Franca është e përfshirë nga një thatësirë e madhe dhe valë të nxehta temperaturash. Së fundmi ky vend regjistroi fazën më të nxehtë të matur ndonjëherë për këtë periudhë, me temperatura deri në 43 gradë dhe zjarre. Ministri agrar francez u ka premtuar fermerëve solidaritet. Niveli i ujërave ulet, dhe madje as rreshjet e e papritura nuk e stabilizojnë gjendjen. Në 40 departamente franceze është kufizuar ndërkohë përdorimi i ujit. Në fshatin piktoresk Villars-sur-Var gjendja kritike bëri që kryetari i bashkisë, René Briquetti të marrë masa të forta e të bëhet i njohur në të gjithë Francën. Një alternativë e ujit u përdor vetëm për të bërë dush dhe tualetin, por për katër ditë me radhë nuk duhej të përdorej uji i rrjedhshëm për të larë dhëmbët, për të gatuar apo pirë. Për dy ditë banorët mund të merrnin në bashki dy shishe me ujë për person.
Italia
Italia vuan nga thatësia dhe pret me etje shiun, por thatësira mund të zgjasë me javë bën të ditur mbrojtja civile. Aktualisht më të prekura janë rajonet veriore italiane, por problemet me ujin po përhapen edhe në jug. Janë shtuar thirrjet për shpalljen e gjendjes kombëtare të emergjencës. Niveli i lumit Po, lumi më i gjatë italian është më i ulti prej 70-vjetësh. Në disa rajone ka disa muaj që nuk ka rënë shi. Në të njëjtën kohë mungojnë ujërat e shkrirjes së borës, për shkak se dimri ishte i butë. Liqene si Lago Maggiore janë mbushur shumë pak. Problemet me ujin kanë prekur edhe prodhimin në bujqësi. Të prekura janë të korrat e elbit dhe misrit, si edhe domatet e frutat. Në shumë komuna uji është racionuar. Qytetarët duhet ta përdorin ujin vetëm për të pirë apo për nevoja të rëndësishme jetësore.
Portugalia
Një kombinim kritik faktorësh: Portugalia vuan këtë verë nga një thatësirë ekstreme. Por edhe dimri i kaluar ishte shumë i thatë. Kësaj i shtohet një konsum i madh i ujit në bujqësi, turizëm, etj. Ministri portugez i mjedisit, thotë se ka rezerva, por i bën thirrje qytetarëve të kursejnë ujë ku të munden. Në korrik pritet një fushatë e madhe sensibilizimi për kursimin e ujit. Portugalia do të përdorë fondet e rindërtimit të Coronës për të investuar në ekonominë e ujit për të ardhmen, si psh investime në impiante për çkripëzimin e ujit të detit. Portugalia është e varur nga lumenjtë që e kanë burimin në Spanjë. Për shkak se edhe Spanja vuan nga thatësira, prej lumenjve andej merret gjithnjë e më shumë ujë, gjë që i sjell probleme fermerëve portugezë.
Polonia
Edhe Polonia është prekur nga ngushtica e furnizimit me ujë, sidomos në perëndim dhe veriperëndim të vendit. Sipas OKB Polonia që sot bën pjesë në vendet e rrezikuara nga mungesa e ujit. Kërkohet që problemet e krijuara nga bujqësia pa kufizim të menaxhohen, pasi një bujqësi e tillë ekscesive ka arritur në limite, sipas kritikëve.
SHBA
Kalifornia vuan vitin e tretë të thatësirës. Guvernatori Gavin Newsom ka urdhëruar para disa ditësh që qendrat e ujësjellësit të kursejnë të paktën 20% ujë. Masat janë nga më të ndryshmet. Kush e zëvendëson barin në kopshtin e tij me bar artificial merr disa qindra dollarë subvencionim, sipas madhësisë. Në Kaliforni mjaft të preferuara janë pishinat. Me ligj ato tani duhet të mbulohen menjëherë. Mbështetje financíare ka edhe për aparaturat që mbledhin ujin nga dushi apo lavatriçja. Kush e mban barin natyral mund të ujisë vetëm dy herë në javë. Në Kaliforni madje ujësjellësit kanë ngritur shërbime telefonike ku qytetarët mund të denoncojnë fqinjët që nuk respektojnë masat.
Afrika Jugore
Në këtë vend ende kujtohet mirë viti 2018, kur në metropolin turistik Kapstadt në një ditë nuk kishte më asnjë pikë ujë për përdorim. Day Zero u quajt kjo në vend. Tani këtë problem e ka zona e Nelson Mandela Bay. Këtu jetojnë rreth 1,2 milionë vetë. Mungesa e shiut, por edhe problemet me tubacionet dhe depot e ujit kanë bërë që ky rajon të ketë vështirësi në furnizimin me ujë. Në këtë zonë janë dhënë rekomandimet për kursimin me ujë: Vetëm dy minuta dush, uji i dushit mblidhet dhe përdoret për larjen e rrobave dhe tualetin më pas. Po ofrohet mbjellja e bimëve dhe luleve që nuk kanë nevojë për shumë ujë. Shqetësimi se Day Zero mund të përsëritet është ende i kudogjendur në Afrikën Jugore.
Irani
Shkretëtirat e Iranit shihen si zonat me temperaturat më të larta, më shumë se 80 gradë. Aty ku është kaq nxehtë nuk ka ujë ose ka shumë pak. Simbolike në vend është bërë tharja e lumit Zayandeh Rud. Ky lumë në Isfahan ka qenë dikur lumi më i pasur me ujë në rajon. Tani ai ka ujë vetëm disa muaj në vit. Mungesa e ujit nuk është vetëm pasojë e ndryshimit të klimës dhe ngrohjes globale, kritikojnë ekspertët. Në vend merret me pompa shumë ujë nga toka, dhe kjo bën që të ketë rrëshqitje toke. Ujërat përdoren për të ujitur plantazhet me fruta që eksportohen. Ekspertët kritikojnë faktin që qeveria në Teherani nuk ka koncept afatgjatë se si të përballet me mungesën e ujit në të ardhmen./DW
Sergei Lavrov RUSI- Ministri i jashtëm rus Sergei Lavrov ka akuzuar Ukrainën se po përpiqet të anulojë historinë dhe të ...
Scholz dhe Biden GJERMANI- Presidenti amerikan Joe Biden vlerësoi të dielën kancelarin gjerman Olaf Scholz për udhëheqjen e tij n&...
Lideret e G7 BERLIN- Liderët e G7 kanë konfirmuar ndalimin e importeve të arit rus në fillim të samitit të tyre 3-ditor i cil...
Mustafa Sarigül GREQI- Pas tensionimi të marrëdhënieve dypalëshe në javët e fundit dhe replikat mes presidentit turk Rex...
Foto ilustruese GREQI- Një majmun mashkull alfa, ka dal nga kopështi zoologjik në Atikë të Athinës dje dhe p...
Mirsad Shkreta PRISHTINË- Deputeti nga radhët e Lëvizjes Vetëvendosje, Mirsad Shkreta pretendon se i janë vjedhur 50 mijë...
emigrantet ne spanje SPANJË- Të paktën 23 persona u vranë dhe dhjetëra u plagosën kur qindra emigrant u përpoq...
Robert Habek BERLIN- Zëvendëskancelari gjerman Robert Habek po përballet me probleme që nuk i kishte ëndërruar kurrë. ...
Susan Collins, Brett Kavanaugh SHBA-Gjykata e Lartë e SHBA-së vendosi të premten për të rrëzuar Roe v Wade, vendimin historik...
Vitali Klitschko GJERMANI- Kryebashkiakët e Berlinit, Madridit dhe Vjenës janë mashtruar duke i bërë të besojnë se ...
