Sulmet mes SHBA-së dhe Iranit/ Trump kërcënon sërish: Irani shkeli armëpushimin, një ditë nuk do t&...
Nis grumbullimi i protestuesve në shesh/ Shqiptari nga Italia: Ky pushtet duhet të rrëzohet 27 Qershor, 19:06 F...
Berisha: Do krijojmë një agjenci të posaçme që do hetojë fatin e taksave dhe pasurive publike gjatë qeveriv...
“Kemi një qeveri kriminale”/ Protestuesja: Këtë qeveri askush nuk e do 26 Qershor, 19:57 Dita ...
Statusi i mbrojtjes për qytetarët ukrainas në parim duhet të mbetet në fuqi, tha a pas një takimi të ministrave të Brendshëm të BE-së në Luksemburg, por mund t'i vendosen kushte të reja.
"Propozimi ynë parashikon që të sapoardhurve, të cilëve sipas ligjit ukrainas u ndalohet të largohen nga Ukraina për shkak të detyrimeve të tyre ushtarake, të mos u jepet mbrojtje e përkohshme,” shpjegoi komisioneri i BE-së për Çështjet e Brendshme, Magnus Brunner, duke paraqitur ndryshimin e planifikuar në statusin e mbrojtjes për ukrainasit në BE.
Statusi i mbrojtjes për qytetarët ukrainas në parim duhet të mbetet në fuqi, tha a pas një takimi të ministrave të Brendshëm të BE-së në Luksemburg, por mund t'i vendosen kushte të reja.
Statusi i mbrojtjes pa shqyrtim individual
Që nga marsi 2022, qytetarët ukrainas që janë detyruar të largohen nga vendi i tyre për shkak të luftës agresore ruse gëzojnë mbrojtje të përkohshme në BE. Ky status mbrojtjeje, relativisht pa shumë burokraci, vlen deri në fillim të marsit 2027 dhe pritet të zgjatet në kohë.
Ndryshimi nga procedura e azilit qëndron në faktin se këtu nuk bëhet një shqyrtim individual i çdo rasti dhe se mbrojtja është e përkohshme.
Propozimi që paraqet Komisioni Evropian është formuluar në mënyrë gjinore neutrale, thekson një zyrtar i BE-së. Megjithatë, në praktikë, kjo rregullore ka të ngjarë të zbatohet veçanërisht për burrat ndërmjet moshës 23 dhe 60 vjeç. Risia – e cila nuk pritet të vlejë për ukrainasit që tashmë ndodhen në BE – do të hyjë në fuqi vetëm pasi Këshilli i BE-së ta ketë miratuar zyrtarisht propozimin dhe ai të jetë publikuar në Gazetën Zyrtare, theksuan zyrtarët e Komisionit.
Sipas të dhënave të Zyrës Evropiane të Statistikave, Eurostat, më 31 mars kishte gjithsej 4,33 milionë ukrainas me këtë status të veçantë mbrojtjeje në BE. Prej tyre, gati 1,3 milionë persona (29,4 për qind e totalit në BE) ndodheshin në Gjermani, e ndjekur nga Polonia me pak më shumë se 950.000 (22,2 për qind) dhe Çekia me rreth 380.000 persona (8,8 për qind). Pak më shumë se një e katërta e tyre janë burra të rritur ukrainas, sipas autoriteteve të BE-së.
Këshilli i Evropës kritikon planet e Komisionit
Michael O'Flaherty, komisioner për të Drejtat e Njeriut në Këshillin e Evropës – i cili nuk është institucion i BE-së – e kritikoi propozimin. Ai shprehu shqetësim për "presionin në rritje për t'i ndërprerë para kohe masat e mbrojtjes së përkohshme” dhe për të kufizuar aksesin, ndër të tjera, për burrat në moshë për shërbim ushtarak. Tani është koha për "më shumë solidaritet, dhe jo më pak,” tha O'Flaherty.
BE e arsyeton propozimin me faktin se Ukraina e kishte kërkuar këtë dhe se nevoja për t'u mbrojtur, si dhe vendosja e detyrimeve ushtarake për popullsinë e saj, janë legjitime. Ky propozim është koordinuar edhe me shtetet anëtare, tha komisioneri i BE-së Brunner të premten.
Gjermania dhe Austria pro ndryshimit
Ministrat e Brendshëm të BE-së e diskutuan këtë çështje që në fillim të muajit në një takim në Luksemburg. Ministri i Brendshëm i Gjermanisë, Alexander Dobrindt, u shpreh pro përjashtimit të burrave në moshë për shërbim ushtarak nga statusi i mbrojtjes. Megjithatë, politikani i CSU-së theksoi se personat e prekur do të mund të paraqesin ende një kërkesë për azil.
Edhe ministri i Brendshëm i Austrisë, Gerhard Karner, deklaroi se është "shumë fort” në favor të përfundimit të mbrojtjes automatike për burrat në moshë për shërbim ushtarak.
Skeptik u shpreh ministri i Brendshëm i Estonisë, Igor Taro. Ai e cilësoi si zgjidhjen më të mirë zgjatjen e direktivës për mbrojtje të përkohshme në formën aktuale dhe pa përjashtime, por gjithashtu u shpreh në favor të zhvillimit të bisedimeve me Ukrainën.
Pse BE debaton tani?
Nga njëra anë, zgjatja e masave është gjithsesi në rend të ditës, u shpreh ministri i Brendshëm gjerman, Alexander Dobrindt, CSU; nga ana tjetër, "në muajt e fundit është rritur edhe numri i personave në moshë për shërbim ushtarak”. Në parim, për meshkujt ukrainas nga mosha 23 deri në 60 vjeç vlen ndalesa e daljes nga vendi. Ata janë të detyruar për shërbim ushtarak që nga mosha 18‑vjeçare, por mund të thirren për shërbim lufte vetëm nga mosha 25 vjeç, raporton agjencia dpa. Largimi nga vendi i meshkujve ndërmjet 18 dhe 23 vjeç është lejuar që nga vera e kaluar, kjo përkohësisht çoi në një rritje të numrit të meshkujve që largohej nga vendi.
Diskutimi nuk është krejt i ri. Kancelari gjerman Friedrich Merz e ka shprehur disa herë që Ukraina të mos lejojë largimin e burrave të rinj në moshë për shërbim ushtarak, në mënyrë që ata të mund të shërbejnë në Ukrainë. Edhe në muajin prill, gjatë vizitës së tij në Berlin, presidenti ukrainas Volodymyr Zelenskyj theksoi se kthimi i burrave në moshë për shërbim ushtarak është gjithashtu në interes të forcave të armatosura ukrainase. Në fund të fundit, bëhet fjalë për një "çështje drejtësie”.
Propozimi i paraqitur nga Komisioni duhet të miratohet nga një shumicë e shteteve anëtare. Zyrtarë të BE-së thanë se në të kaluarën vendime të tilla janë marrë "shumë shpejt”./DW
Donald Trump SHBA- Presidenti amerikan, Donald Trump ka bërë akuza të drejtpërdrejta kundër Iranit, ndërsa ka lëshuar ...
Foto ilustruse IRAN- Garda Revolucionare e Iranit njoftoi të dielën në mëngjes se kishte qëlluar me raketa dhe dronë...
Pamje VENEZUELA- Një djalë njëmbëdhjetë vjeçar u nxor i gjallë nga rrënojat në Carabayeda të Venezuel&e...
Foto ilustruse SHBA- Tenisionet në Lindjen e Mesme janë rikthyer, pasi ushtria amerikane ka kryer sulme të mëtejshme kundër objekt...
Donald Trump Rikthehen kërcënimet doganore të Presidentit të SHBA-së, Donald Trump për vendet evropiane. T. T...
Pamje Sulmi me dron ndaj ndërtesës së banimit është vetëm një nga disa incidentet që Stepanov i dokumentoi ditë...
Aleksandar Vuçiç SERBI- Presidenti i Serbisë, Aleksandar Vuçiç, ka deklaruar se do të qëndrojë në dety...
pamjet VENEZUELË- Një foshnjë e porsalindur është shpëtuar nga rrënojat e një ndërtese të shemb...
UKRAINË- Ukraina njoftoi të shtunën se e ka kryer një sulm me rreze të gjatë veprimi gjatë natës ndaj një ndë...
GJERMANI- Në Saksoni-Anhalt kultura kthehet në debat të nxehtë. Bauhaus, shkollë e famshme e arkitekturës e shpërbër&e...
