Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Pete Hegseth është një veteran lufte i dekoruar i Gardës Kombëtare të Ushtrisë, i cili shërbeu në Irak, Afganistan dhe Gjirin e Guantanamos.
SHBA- Presidenti i zgjedhur Donald Trump bëri një zgjedhje kryesisht të papritur për personin që do duhet të drejtojë ushtrinë më të madhe në botë, duke emëruar prezantuesin e televizionit Fox News dhe veteranin e ushtrisë Pete Hegseth për postin e Sekretarit të Mbrojtjes.
Korrespondentja e Zërit të Amerikës në Pentagon, Carla Babb na njeh me qëndrimet e tij mbi politikat në Departamentin e Mbrojtjes dhe sfidat me të cilat mund të përballet konfirmimi i tij nga Senati amerikan.
Pete Hegseth është një veteran lufte i dekoruar i Gardës Kombëtare të Ushtrisë, i cili shërbeu në Irak, Afganistan dhe Gjirin e Guantanamos.
Por ish-prezantuesi i emisionit "Fox and Friends", që transmetohet në fundjavë në rrjetin televiziv Fox, nuk ka përvojë të mëparshme në qeveri apo në drejtimin e një organizate të madhe.
“Kjo është një zgjedhje jashtëzakonisht e pazakontë. Kjo nuk është një detyrë për ata që nuk kanë përvojë. Pritshmëria ishte që ai që do të mbante këtë pozicion të kishte përvojë të konsiderueshme menaxheriale”, shprehet Kundër admiral Mark Montgomery nga Fondacioni për Mbrojtjen e Demokracive.
Zoti Hegseth e ngriti profilin e tij duke sinjalizuar disa ndryshime në Departamentin e Mbrojtjes, duke kundërshtuar programet për diversitet dhe barazi gjinore në Pentagon, të cilat i ka konsideruar si tepër liberale. “Në radhët tona nuk ka njerëz të bardhë, të zinj, apo kafe. Të gjithë vishemi me uniformë dhe sakrifikojmë jetën për vendit. Forca jonë nuk është në diversitetin tonë, por në unitetin tonë dhe në dashurinë tonë për kombin, familjet dhe mbi të gjitha, njëri-tjetrin”, do të shprehej ai.
Ai ka sugjeruar gjithashtu largimin e grave nga vija e parë e frontit në luftë. “Nuk duhet të kemi gra në pozicione luftarake. Një gjë e tillë nuk na ka bërë më efektivë, nuk ka reduktuar humbjet e jetëve dhe e ka bërë luftën më të ndërlikuar ”, është shprehur ai.
Studiuesit e Korpusit të Marinës krahasuan njësitë luftarake që përbëheshin vetëm nga meshkuj me njësitë e integruara sipas gjinisë, në vitet 2014 dhe 2015. Ata zbuluan se njësitë që kishin vetëm meshkuj ishin më të shpejta dhe më të forta. Por grupet e integruara sipas gjinisë kishin aftësi më të mira për zgjidhjen e problemeve.
Sekretari i Mbrojtjes Lloyd Austin u përcolli këtë mesazh grave që tani shërbejnë në pozicione luftarake pasi kanë kryer të njëjtat detyra tejet të vështira si burrat.
"Gratë i shtojnë vlerë të konsiderueshme ushtrisë së Shteteve të Bashkuara. Ne kemi nevojë për ju, ne kemi besim tek ju, jemi mirënjohës për shërbimin tuaj dhe ju i shtoni vlerë forcës luftarake më të mirë në botë”, u shpreh ai.
Zoti Trump e ka vlerësuar zotin Hegseth, i cili ka studiuar në universitetet Harvard dhe Princeton, duke e cilësuar “të fortë, të zgjuar dhe dikë që beson vërtet tek Amerika”.
Pas emërimit të zotit Hegseth, dolën përsëri në sipërfaqe njoftimet lidhur me akuzën ndaj tij për abuzim seksual në vitin 2017.
Zoti Hegseth e tha se në atë kohë e kishte paguar personin që e akuzonte për të shmangur që çështja të bëhej publike. Ai gjithashtu thotë se marrëdhënia ishte konsensuale.
“Çështja u hetua plotësisht dhe unë isha plotësisht i pastër dhe këtë çështje e mbyll këtu”, është shprehur ai.
Emërimi i tij kërkon konfimim nga shumica në Senat. Aktualisht republikanët kanë shumicën me tre vende më shumë, por analistët thonë se një gjë e tillë nuk garanton konfirmimin e tij për shkak të qëndrimit të tij kundër grave në pozicione luftarake, qëndrim që nga disa anëtarë të Kongresit shihet si i vjetëruar.
“Duke patur parasysh përbërjen e Senatit, për shembull senatorja Joni Ernst është vetë një veterane e ushtrisë në pozicion luftarak. Jam i sigurt se ajo do të ketë disa pyetje interesante për të në lidhje me mendimet e tij për grate në vijnë e parë të frontit. Pra në këndvështrimin tim, kjo do të jetë një çështje shumë sfiduese”, shprehet Kundër admiral Mark Montgomery nga Fondacioni për Mbrojtjen e Demokracive.
Presidenti i zgjedhur Trump ka patur marrëdhënie të vështira me sekretarët e mbrojtjes gjatë mandatit të tij të parë presidencial. Njëri prej tyre, ish-sekretari i Mbrojtjes Mark Esper, e ka cilësuar zotin Trump si "të papërshtatshëm për detyrën".
Zyrtarët thonë se zoti Hegseth është besnik i bindur i Presidentit të zgjedhur Trump./VOA
Foto ilustruese STRASBURG- Parlamenti Evropian me shumicë votash ka konfirmuar të mërkurën përbërjen e re të Komisionit ...
trafiku LIBAN- Me hyrjen në fuqi të armëpushimit midis Izraelit dhe Hezbollahut, pjesa më e madhe e Libanit ishte e qetë për ...
Presidenti i Shteteve të Bashkuara, Joe Biden, bisedon me kancelarin gjerman, Olaf Scholz, presidentin francez, Emmanuel Macron, dhe kryeministrin britan...
Foto ilustruese UKRAINA- Në luftën e saj agresore kundër Ukrainës, Rusia po përdor jo vetëm dronë luftarakë nga Kin...
Mekiske, Kine, Kanada SHBA- Zyrtarët në Kinë, Meksikë dhe Kanada kritikuan të martën një premtim të bërë ...
Foto ilustruese GJERMANIA- Pas një përmirësimi afatshkurtër në tetor të këtij viti, parashikimi i drejtuesve k...
vape BRITANI- Një projekt-ligj historik për të ndaluar brezin e ri nga pirja e duhanit ka hequr pengesën e tij të parë në...
Meritat kryesore për suksesin e Georgescut i ka fushata e tij në rrjetet sociale. RUMANIA- Edhe pas numërimit të të gjitha votave,...
Foto ilustruese RUMANIA- Protestat kundër politikanit pro-rus, Calin Georgescu, u përhapën përtej Bukureshtit në qytete të tj...
Macron dhe Papa PARIS- Katedralja Notre Dame në Paris, e dëmtuar rëndë nga një zjarr shkatërrues më 15 prill 2019, do t&...
