"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Vojvodina është provincë autonome veri të Serbisë, e cila i ka 45 komuna dhe qytete me afro 2 milionë banorë.
SERBI- Presidenti i Serbisë, Aleksandar Vuçiç, tha të premten se më 15 shkurt, në Ditën e Shtetësisë së Serbisë, ose një ditë më herët, do të mbahet një tubim, në të cilin do të miratohet një deklaratë kombëtare për Vojvodinën, provincën autonome në Serbi.
"Vojvodina është Serbi, përherë. Dhe, nuk ka dorëzim, apo zmbrapsje para atyre që do ta shkatërronin vendin tonë", shkroi Vuçiç në Instagram të premtne. Vuçiç pretendoi se në javët e fundit ka pasur "përpjekje për të abuzuar me të rinjtë e vendit" në Serbinë veriore, duke i rikthyer nismat për t'i dhënë autonomi më të gjerë Vojvodinës.
“Nga shpallja e Vojvodinës republikë, te gjuha e Vojvodinës, deri te ideja e shkëputjes së Vojvodinës nga Serbia”, shkroi Vuçiç.
Ai theksoi se do t’i kundërshtojë këto përpjekje me mjete demokratike dhe politike. Vojvodina është provincë autonome veri të Serbisë, e cila i ka 45 komuna dhe qytete me afro 2 milionë banorë.
Gjatë protestave të vazhdueshme të studentëve në dy muajt e fundit në Serbi, për përgjegjësi penale dhe politike për vdekjen e 15 njerëzve nga shembja e një strehe në stacioni ne trenit në Novi Sad më 1 nëntor, zyrtarë të lartë të Qeverisë nga Partia Progresive Serbe (SNS) i kanë lidhur protestat me aspiratat e supozuara të pavarësisë së Vojvodinës.
"Opozita që dëshiron shkëputjen e Vojvodinës sheh mundësi për planet e saj në protesta", tha kryeministri serb në largim, Millosh Vuçeviç, më 2 shkurt. Ai dha dorëheqjen më 28 janar pasi një studente u rrah me shkopinj druri dhe iu thye nofulla në një protestë në Novi Sad. Kryetarja e Kuvendit të Serbisë, Ana Bërnabiç, deklaroi më 13 janar se protestat në Serbi janë politike.
"Një pjesë e saj janë kërkesat separatiste për shkëputjen e Vojvodinës si republikë", tha Bërnabiç. Studentët protestues nuk iu përgjigjën akuzave të zyrtarëve shtetërorë. Ata vazhdimisht kanë thënë se presidenti Vuçiç nuk mban përgjegjësi për asnjë kërkesë të tyre dhe se do të qëndrojnë në protesta derisa institucionet t'i përmbushin ato.
Studentët protestues kërkojnë publikimin e dokumentacionit të plotë për rindërtimin e Stacionit Hekurudhor të Novi Sadit, dënimin e sulmuesve të studentëve në protestat pas tragjedisë, pezullimin e procedurave ndaj protestuesve të arrestuar dhe rritjen e buxhetit për 20 për qind për arsimin e lartë.
Goran Jeshiç, ish-zyrtar i Partisë Demokratike (DS) dhe Qeverisë së Vojvodinës, i cili u etiketua nga autoritetet si një nga gjoja “separatistët e Vojvodinës”, deklaroi se bëhet fjalë për përhapjen e lajmeve të rrejshme se autoritetet kanë diskredituar dhe dobësuar protestat.
"Vuçiç e di se njerëzit kanë frikë nga separatizmi, kështu që ai shpif se ne jemi separatistë. Studentët janë vetëm në bllokada dhe opozita nuk ka të bëjë me të", tha Jeshiç për Danas më 14 janar.
Marinika Tepiç, një zyrtare e Partisë për Liri dhe Drejtësi (SSP) opozitare, mohoi akuzat e autoriteteve për një përpjekje të supozuar për të zbatuar shkëputjen e Vojvodinës përmes protestave.
"Ju po shpikni që njerëzit po demonstrojnë për ta ndarë atë nga Serbia ose për të krijuar një republikë. E keni dalë me këtë për të devijuar temën nga 15 të vdekurit në Novi Sad që u vranë në stacionin hekurudhor nga korrupsioni juaj", tha Tepiç në një deklaratë me shkrim më 13 janar.
Një grup studentësh në Serbi kanë më shumë se dy muaj që bllokojnë më shumë se 60 fakultete shtetërore në pesë universitete, duke kërkuar plotësimin e kërkesave. Protestat e tyre çuan në demonstrata masive nga qindra mijëra qytetarë në rrugët e më shumë se 200 qyteteve dhe qytezave në të gjithë vendin.
Qeveria pretendon se kërkesat janë plotësuar duke bërë thirrje për rihapjen e fakulteteve, ndërsa studentët e mohojnë këtë dhe bëjnë të ditur se po vazhdojnë bllokadat. Kërkesat e tyre u mbështetën nga një sërë pedagogësh, avokatësh, profesorësh universiteti, fermerë, pensionistë dhe qytetarë të tjerë./REL
foto ilustruese SUEDI- Qeveria e Suedisë ka njoftuar planet për të forcuar ligjet për armët, pas sulmit tragjik me armë zjarr...
Foto ilustruese ITALI- Një tërmet i fortë me magnitudë 4.8, u regjistrua pasditen e sotme në ishullin e Siçilis&e...
Foto ilustruese VARSHAVË- Gjashtë persona u plagosën në një përplasje mes dy tramvajeve në Varshavë. Aksidenti...
foto ilustruese SHBA- Një video që pretendon se USAID, agjencia kryesore e ndihmës jashtë shtetit e qeverisë amerikane, ka paguar ...
Foto ilustruese FRANCË- Kreu i Agjencisë Franceze për Luftën kundër Kontrabandës së Paligjshme të Emigrant&eum...
Dhurata SHBA- Kryeministri izraelit, Benjamin Netanyahu i ka dhuruar presidentit amerikan Donald Trump një pager (pajisje e përdorur në luft...
foto ilustruese BRUKSEL- Bashkimi Evropian (BE) i ka bërë sërish thirrje Serbisë për të ndërmarrë hapat të men...
foto ilustruese SHBA- Agjentët e Patrullës Kufitare të Shteteve të Bashkuara po ndalojnë emigrantë pa dokumente në kuad&...
Foto ilustruese GREQI- Tërmeti më i fortë për ditën e sotme është regjistruar pak minuta më parë në ...
Foto ilustruese ANGLI- Prindërit e katër adoleshentëve britanikë kanë paditur TikTok për vdekjen e fëmijë...
