Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Pas lajmërimit të kryeministrit në çdo rrjet social të mundshëm, nisi i gjithë grupi i deputetëve dhe ministrave, të vepronin në të njëjtën mënyrë, shpërndarjen masive të një teksti 'copy paste'.
TIRANË- E shtuna e 17 janarit nga një ditë e zakonshme, u kthye në një ditë festimi në kampin socialistë. Kryeministri Edi Rama dha lajmin e bujshëm se ishte ftuar personalisht nga Presidenti amerikan Donald Trump për të marrë pjesë në një nisëm paqeje të krijuar nga vetë ai për Gazën. Pas lajmërimit të kryeministrit në çdo rrjet social të mundshëm, nisi i gjithë grupi i deputetëve dhe ministrave, të vepronin në të njëjtën mënyrë, shpërndarjen masive të një teksti 'copy paste'.
Postimi i Ramës:
SHUMË I NDERUAR NGA FTESA PERSONALE E PRESIDENTIT TRUMP, PËR TA PËRFAQËSUAR SHQIPËRINË NË BORDIN E PAQES, NJË ORGANIZATË E RE NDËRKOMBËTARE E IDEUAR PREJ TIJ, KU SHQIPËRIA FTOHET SI ANËTAR THEMELUES, DUKE NGJITUR KËSHTU NDËRKOMBËTARISHT NJË TJETËR MAJË KREJT TË PAIMAGJINUESHME VETËM DERI PAK VITE MË PARË.
NUK MUND TË JEM DOT MË KRENAR PËR SHQIPËRINË, PËR GJITHÇKA KEMI BËRË NË KËTO VITE DUKE E KTHYER NË NJË SHQIPËRI TJETËR, TË DINJITETSHME E TË RESPEKTUAR BOTËRISHT SI ASNJËHERË, E PADISKUTIM EDHE PËR NIVELIN KU E KEMI NGRITUR MARRËDHËNIEN E PARTNERITETIT TONË STRATEGJIK ME SHTETET E BASHKUARA TË AMERIKËS, DUKE U FTUAR ME NJË RESPEKT E VLERËSIM KREJT TË POSAÇËM NGA PRESIDENTI DONALD J. TRUMP, PËR T’U BËRË PJESË E NJË BORDI NDËRKOMBËTAR TË KRIJUAR E KRYESUAR PREJ ATIJ VETË DHE PËR TË PUNUAR SË BASHKU ME TË.
THANK YOU MR.PRESIDENT GOD BLESS ALBANIA AND THE UNITED STATES
E që mos binte ritmi i 'lajmit të kobshëm', Rama u kujdes që të mëngjesin e së djelës të nxirrte letrën zyrtare të dërguar nga Trump për Ramën si kryeministër i Shqipërisë. Por ajo që vihej re në letrën e Trump, ishte fakti që Presidenti po ftonte Shqipërinë në 'Bordin e Paqes' dhe nëpërmjet Shqipërisë, Ramën si kryeministër të saj.
Postimi i Ramës:
MIRËMËNGJES dhe me nderin e kënaqësinë e ndarjes me ju të letrës që mora dje nga Presidenti i Shteteve të Bashkuara, Donald J. Trump, duke ju falenderuar për privilegjin e besimit që më keni dhënë, si edhe duke ju siguruar se do të bëj deri në fund gjithçka duhet për ta lartësuar emrin e Shqipërisë e dinjitetin e shqiptarëve, ju uroj të diel të qetë.
Në ditën e tretë, Ministrja e Jashtme Elisa Spiropali vetëm për këtë ftesë të Trump për Shqipërinë, organizoi një konferencë të jashtëzakonshme me gazetarët. Që nga marrja e detyrës si Ministre në muajin shtator, Spiropali nuk ka mbajtur asnjë konferencë për mediat dhe asnjë dalje publike, ku t'i përgjigjet gazetarëve.
Ministrja e kishte mësuar përmendësh tekstin që do të citonte para mediave, ku në fjalitë e para ishte se Trump vlerëson lidërshipin e Ramës në Shqipëri dhe prandaj e kishte ftuar personalisht në 'Bordin e Paqes'.
“Kjo ftesë është një vlerësim i lartë për rolin që ka marrë Shqipëria në çështjet paqes. Ftesa e presidentit të Amerikës Donald Trump është dhe një vlerësim për lidershipin e Ramës, i cili është ftuar personalisht në Bordin e Paqes. Kur kjo ftesë e drejtpërdrejtë e Trump për kryeministrin e Shqipërisë konfirmon forcën dhe besimin e ndërsjellë dhe besimin strategjik të Shqipërisë dhe Shteteve të Bashkuara të Amerikës”, tha Spiropali.
Epo çudia tre ditë zgjat. Edhe në këtë rast kështu ndodhi. Në ditën e njëzetë të këtij muaji, një tjetër ngjarje mori vëmendje, që kapi dhe Ramën gafil në gënjeshtër. Presidentja e Kosovës Vjosa Osmani publikoi ftesën që kishte marrë nga Presidenti Trump për të marrë pjesë si shtet anëtar themelues në 'Bordin e Paqes'.
Në tre ditët e fundit, Rama e shiti ftesën e Trump si personal dhe të vetmen ftesë në të gjithë Ballkanin Perëndimor. Por postimi i Osmanit dhe ftesa që mori nga Trump tregoi të kundërtën. Për këtë Rama shkroi një mesazh urimi në X, për Presidenten e Kosovës.
Por dhe te mesazhi i Ramës, ka diçka që çedon. Teksa ftesën e tij e quajti personale dhe individuale, ftesën për Osmanin, Rama u shpreh se është një gjest domethënës i Trump për kombin e Kosovës.
Postimi i Plotë:
Urime zonja Presidente, e dashur Vjosa, për marrjen e ftesës për t’u bërë pjesë e Bordit të Paqes, një gjest tejet domethënës i Presidentit Trump ndaj Kosovës, që forcon më tej marrëdhënien e Amerikës mike me popullin shqiptar, por që edhe jep një sinjal domethënës për sigurinë e përkatësinë e Kosovës në hapësirën e interesit të gjerë amerikan në botë Edhe njëherë urime dhe dua të besoj se faktorët politikë të Kosovës, do ta çmojnë këtë dorë të shtrirë nga Presidenti i SHBA, si një gjest që nuk është aspak pa lidhje edhe me respektin për ty personalisht e për rolin tënd ndërkombëtarish.
Por në ditët e tjera u zbuluan që ftesat e Trump për 'Bordin e Paqes' nuk kanë qenë vetëm për disa vende të përzgjedhura. Por bëhet fjalë për më shume se 50 vende që kanë marrë ftesë nga Trump për tu anëtarësuar. Ftesa të tilla u janë dërguar dhe 2 prej diktatorëve dhe regjimeve më të dhunshme në botë, Vladimir Putin të Rusisë dhe Aleksandër Lukashenko të Bjellorusisë.
Për shkak të këtyre dy ftesave, vendet e Bashkimit Evropian kanë mohuar në bllok anëtarësimin në 'Bordin e Paqes' së Trump. Vetëm 22 vende e kanë pranuar aktualisht ftesën e Trump dhe 19 prej tyre vendeve nënshkruan sot marrëveshjen për anëtarësimin në këtë nisëm. Në nënshkrimin e marrëveshjes sot munguan vetëm Shqipëria dhe Bjellorusia.
Çudia nuk mbaron me aq. Vetëm mbrëmjen e kaluar është zbuluar projektligji që u ratifikua (pa u nënshkruar) sot nga Kuvendi. Por në këtë projektligj, ndryshe nga herët e tjera dhe për herë të parë në histori, përfshihej dhe emri i kryeministrit.
Projektligji:
Projektligji “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.
Me këtë projektligj, nuk është sqaruar se çfarë ndodh nëse Rama nuk mund të shkojë të përfaqësojë vendin në Bordin e Paqes. Ose nëse Rama nuk është më kryeministër i Shqipërisë, si do të bëhet përfaqësimi i Shqipërisë me një projektligj që mban emrin e tij./Dosja.al
TIRANË- Vajza e presidentit amerikan Donald Trump, Ivanka Trump ka vijuar turin në Shqipëri. Pas qëndrimit prej një dit&eum...
Sali Berisha TIRANË- Gjykata Kushtetuese ka pranuar kërkesën e Sali Berishës për të shqyrtuar masën “detyrim paraq...
Ilir Meta TIRANË- Seanca gjyqësore në GJKKO ndaj Kreut të Partisë Liria, Ilir Meta është shtyrë. Bëhet me...
Edi Rama dhe Vjosa Osmani ZVICËR- Mënyra e procedimit të Kosovës në nënshkrimi i marrëveshjes së Bordit të Paq...
pamje nga takimi POGRADEC- Ministri i Bujqësisë dhe Zhvillimit Rural, Andis Salla, së bashku me përfaqësues të Agje...
Gazment Bardhi TIRANË- Kreu i Grupit Parlamentar të PD, Gazment Bardhi ka reaguar, pasi kryeministri Edi Rama nuk votoi marrëveshjen p&...
Sali Berisha TIRANË- Kryetari i PD, Sali Berisha deklaroi gjatë replikës së tij në Kuvend se krimi i organizuar kërkonte p&e...
TIRANË- Mazhoranca rrëzoi sot me votë në Parlament tre amendamentet e paraqitura nga Partia Demokratike për disa ndryshime në Ma...
votimi TIRANË- Shqipëria do të marrë pjesë në Bordin e Paqes me ftesë nga Presidenti Donald Trump. Kuvendi ka ...
Sali Berisha TIRANË- Kreu i Partisë Demokratike, Sali Berisha tha sot gjatë fjalës së tij në Kuvend se në datën 24 ...
