Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Katër prej pesë anëtarëve të bordit të KPM-së votuan për ta zgjedhur Berishën për një mandat dyvjeçar – disa ditë para se t’i mbarojë mandati kryetarit të tanishëm, më 21 janar.
KOSOVË - Besnik Berisha është zgjedhur kryetar i ri i Komisionit të Pavarur për Media (KPM) të premten, në një proces që u kundërshtua nga kryetari i tanishëm, Jeton Mehmeti.
Katër prej pesë anëtarëve të bordit të KPM-së votuan për ta zgjedhur Berishën për një mandat dyvjeçar – disa ditë para se t’i mbarojë mandati kryetarit të tanishëm, më 21 janar.
Votimi ishte i fshehtë.
Këshilltarja ligjore në Qendrën Evropiane për Liri të Shtypit dhe Medias Flutura Kusari, e quajti “kompletim të kapjes” së KPM-së emërimin e Berishës, ndërsa Asociacioni i Gazetarëve të Kosovës (AGK) shprehu shqetësim me procesin e zgjedhjes së tij.
Komisioni i Pavarur i Mediave - i themeluar në vitin 2005 - është organ kompetent për rregullimin, menaxhimin dhe mbikëqyrjen e spektrit të frekuencave të transmetimit në Kosovë.
Anëtarët e KPM-së emërohen nga Kuvendi i Kosovës, ndërsa kryetari dhe nënkryetari zgjidhen me votat e fshehta të anëtarëve të KPM-së.
Çfarë ndodhi gjatë takimit?
Për emërimin e Berishës, anëtarët e komisionit i futën dy pika jashtë rendit të ditës në mbledhjen e tyre: plotësimin dhe ndryshimin e rregullores së punës dhe garantimin e vazhdimit të punës së KPM-së përmes zgjedhjes së kryetarit dhe nënkryetarit.
Futja në rend dite e këtyre pikave u kundërshtua nga kryetari i tanishëm, Jeton Mehmeti, por ato kaluan me votat e anëtarëve të tjerë.
“Unë s’jam dakord me asnjërën prej tyre. Plotësimi dhe ndryshimi i rregullores kërkon konsultim publik. KPM-ja është e obliguar aktet nënligjore t’ia vërë publikut të paktën për 15 ditë. Por, duhet të respektohet ky nen i ligjit të KMP-së, që të shteren të gjitha obligimet tona ligjore. Që nënkupton konsultim publik”, tha Mehmeti.
Berisha e propozoi pastaj një paragraf të ri në rregulloren e punës së komisionit, i cili përfundimisht mundësoi emërimin e tij.
Sipas paragrafit të parë të nenit 3 të rregullores së KPM-së për zgjedhjen e kryetarit, kryetari zgjidhet në mbledhjen e parë pas mungesës së tij (përfundimi i mandatit, shkarkimi etj), me shumicën e thjeshtë të votave të anëtarëve të KPM-së, nëse në mbledhje janë të pranishëm të paktën 2/3 e anëtarëve.
Ky paragraf u anashkalua dhe u thirr paragrafi i dytë, e cila u miratua sot, që thotë se përjashtimisht nga paragrafi i parë, kryetari mund të zgjidhet brenda një muaji para skadimit të mandatit të kryetarit, për t’u siguruar që KPM-ja nuk mbetet ka kryetar, në rastet kur mund të mbetet pa kuorum për zgjedhjen e tij.
Pas emërimit të Berishës, Mehemti tha se nuk mund ta vazhdonte mbledhjen pas këtij vendimi, dhe kërkoi që ajo të shkojë në pushim për kohë të papërcaktuar.
“Unë nuk mund ta vazhdoj seancën, sepse nuk ndiej siguri juridike për ta vazhduar mbledhjen. Unë nuk kam legjitimitet për të vazhduar. Gjithçka që ndodhi sot nuk është e qartë sipas procedurave dhe ligjit”, tha Jeton Mehmeti.
Por, anëtarët e KPM-së argumentuan se vendimi i tyre ishte i ligjshëm dhe i kërkuan kryetarit në shkuarje ta vazhdojë udhëheqjen e mbledhjes dhe ta mbajë detyrën deri në përfundim të mandatit të tij më 21 janar.
Flutura Kusari, këshilltare ligjore në Qendrën Evropiane për Liri të Shtypit dhe Medias, tha se Mehmeti “u shkarkua de fakto nga pozita e kryetarit të KPM-së”.
AGK-ja tha se emërimi i Berishës ngre pikëpyetje ligjore për mënyrën e ndryshimit të rregullores së KPM-së.
“AGK-ja e sheh votimin e sotëm si përpjekje të hapur për politizimin dhe instrumentalizimin e KPM-së për interesa të partisë në pushtet, duke u bazuar në qëndrimet publike të iniciatorëve për ndryshimet e sotme”, tha ajo në një njoftim.
Sipas Kusarit, rregullorja e KPM-së u ndryshua “kundërligjshëm” dhe se KPM-ja tani ka kryetar “të paligjshëm”.
“Ky është sulm politik ndaj pavarësisë së Komisionit të Pavarur për Media dhe është bërë për të ushtruar presion në televizione”, shkroi Kusari në Facebook.
Kusari kishte paralajmëruar të premten në mëngjes se KPM-ja do të emëronte kryetar të ri, duke e cilësuar këtë si diçka “alarmuese”./REL
SHBA- Presidenti i sapozgjedhur Donald Trump tha se foli në telefon me presidentin kinez Xi Jinping të premten për Tik...
David Sacks, i emëruar në administratën e re si drejtues për inteligjencën artificiale dhe kriptomonedhat SHBA- Presidenti i zgjed...
Richelle Ryan SHBA - Richelle Ryan, ylli pornografik në industrinë e të rriturve, e cila u bë virale për mbështetjen e saj nd...
pamje nga vendngjarja BEOGRAD- Një i moshur ka tentuar të godasë me thikë një student gjatë protestës në Novi Sad. ...
Donald Trump SHBA - Fondi Monetar Ndërkombëtar ka paralajmëruar se politikat ekonomike të SHBA-së nën presidentin e ardhsh&eu...
tiktok KINË- Pekini për një kohë të gjatë, ka kundërshtuar sugjerimet se TikTok paraqet çdo lloj kërc&e...
Foto ilustruese SHBA- Gjykata e Lartë në SHBA ka vendosur që TikTok do të ndalohet atje nga e diela nëse nuk shitet nga kompania e...
foto ilustruese SHBA- Apple ka pezulluar një opsion të ri të inteligjencës artificiale (AI) pasi shkaktoi kritika dhe ankesa p&eum...
Foto ilustruese SERBI - Të zhgënjyer në gjithçka. Edhe nga Prishtina, edhe nga Beogradi. Kështu ndihen serbët në jug ...
Marta Kos, Jakov Milatović MALI I ZI- Mali i Zi është shteti i parë në radhë që do të anëtarësohet në&nbs...
