Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sipas kursit zyrtar të këmbimit të Bankës së Shqipërisë, Euro u këmbye të premten me 96.57 lekë, duke zbritur lehtësisht poshtë nivelit minimal historik të mëparshëm, prej 96.59 lekësh, që ishte shënuar gjithashtu javën e kaluar.
TIRANË- Oferta e valutës në ekonominë shqiptare ngelet e lartë, ndërsa kursi i këmbimit të monedhës europiane me Lekun preku një minimum të ri historik në fund të javës së kaluar.
Sipas kursit zyrtar të këmbimit të Bankës së Shqipërisë, Euro u këmbye të premten me 96.57 lekë, duke zbritur lehtësisht poshtë nivelit minimal historik të mëparshëm, prej 96.59 lekësh, që ishte shënuar gjithashtu javën e kaluar. Euro ngelet në pozita të dobëta, pavarësisht blerjeve të mëdha dhe të vazhdueshme të Bankës së Shqipërisë.
Banka e Shqipërisë po vijon edhe gjatë muajit dhjetor blerjet e valutës në tregun e brendshëm. Sipas të dhënave nga tregu, të premten e kaluar Banka Qendrore bleu 15.1 milionë euro në ankandin e planifikuar të blerjes së valutës, pjesë e kalendarit vjetor të blerjeve në funksion të objektivave të rezervës valutore.
Shuma e planifikuar për t’u blerë në raundin e parë të ankandit ishte mes pesë dhe dhjetë milionë eurove, ndërsa Banka e Shqipërisë realizoi blerje në vlerën e sipërme të intervalit, për gjithsej dhjetë milionë euro, me një kurs mesatar prej 96.67 lekësh.
Vlera totale e ofertave të paraqitura në raundin e parë të ankandit ishte përsëri mjaft e bollshme, në shumën e 17.8 milionë eurove. Banka e Shqipërisë ushtroi edhe opsionin e blerjes në raundin e dytë, për një shumë shtesë prej 5.1 milionë eurosh, me kursin mesatar të blerjeve në raundin e parë.
Një ditë më parë, më datë 4 dhjetor, Banka e Shqipërisë pati kryer gjithashtu blerje direkte të valutës, me qëllim mbajtjen nën kontroll të rënies së Euros që një ditë më parë, në 3 dhjetor, kishte zbritur në një minimum të ri historik.
Për të dytin vit radhazi, Banka e Shqipërisë po ndërmerr blerje të mëdha në tregun e brendshëm valutor, me qëllimin për të mos lejuar forcimin e mëtejshëm të Lekut.
Sipas informacionin zyrtar të Bankës së Shqipërisë, në vitin 2024 u blenë në tregun valutor 933 milionë euro. Ndërsa, sipas deklaratave të Guvernatorit Sejko, për nëntë muajt e parë të këtij viti Banka Qendrore ka blerë rreth 800 milionë euro të tjera.
Blerjet e Bankës së Shqipërisë nuk e kanë frenuar dot plotësisht rënien e kursit Euro-Lek, por megjithatë e kanë ngadalësuar ndjeshëm rënien e tij. Aktualisht, kursi i këmbimit Euro – Lek është në rënie me 1.8% krahasuar me të njëjtën ditë të vitit të kaluar. Në fund të vitit të kaluar, rënia e vjetore e kursit Euro-Lek kishte qenë 5.5%.
Agjentët e tregut valutor e shpjegojnë tendencën në rënie të mëtejshme të kursit me ofertën e qëndrueshme të monedhës europiane në tregun valutor. Kjo tendencë është theksuar veçanërisht pas tremujorit të tretë të vitit. Sipas informacionit të Bankës së Shqipërisë, për tremujorin e tretë 2025 vëllimi i tregtimeve valutore u rrit me 24.4% krahasuar me tremujorin e tretë të vitit 2024./Monitor.al
Foto ilustruese Inflacioni bazë u rrit përsëri në muajin tetor dhe arriti nivelin më të lartë në dy vitet e fundit....
Foto ilustruese Pas thuajse 6 muajsh nga pezullimi i tenderit që lidhej me mirëmbajtjen e fiskalizimit me një fond limit 7.7 milionë eu...
Foto ilustruse Nëse dini si ta përdorni Inteligjencën Artificiale, ajo mund t’ju kursejë shumë kohë dhe para. Po lidhni...
Shqipëria ka nivel të lartë të emigracionit në popullsinë e arsimuar në vitet 2023-2024 dhe kthime shumë më t&eum...
Foto ilustruse Në fillim të vitit 2025, nisi aplikimi i tarifave të reja të sigurimit të detyrueshëm të mjeteve për...
Foto ilustruse Punonjësit e industrisë fason janë në një pjesë të madhe femra, pa arsim dhe me njohuri të dobë...
Foto ilustruse Industria e veshjeve dhe këpucëve në vendin tonë pritet të përgjysmohet në numër në periudh&eum...
TIRANË- Ministria e Ekonomisë dhe Inovacionit prezantoi së fundmi nismën kombëtare “Cashless Albania 2030”, një stra...
Gent Sejko TIRANË- Guvernatori i Bankës së Shqipërisë, Gent Sejko vuri në dukje rolin vendimtar të transformimit di...
foto ilustruese TIRANË- Ministria e Finanacave ka çuar për ratifikim në Kuvend projektligjin për miratimin e Marrëveshjes ...
