Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ai tha ndër të tjera se për vende me ekonomi në zhvillim si Shqipëria, teknologjia ofron potencial për të kapërcyer kufizimet strukturore, për të ulur kostot e transaksioneve, për të rritur transparencën dhe për të hyrë në tregje të reja më shpejt se kurrë më parë.
TIRANË- Guvernatori i Bankës së Shqipërisë, Gent Sejko vuri në dukje rolin vendimtar të transformimit digjital për ekonomitë moderne, duke e cilësuar atë si themelin mbi të cilin do të ngrihen shoqëritë e së ardhmes.
I pranishëm në konferencën ndërkombëtare mbi ekonominë, biznesin, inovacionin dhe teknologjinë (ICEBIT 2025), të zhvilluar në Tiranë, Sejko tha se kur transformimi teknologjik po zhvillohet me ritme të jashtëzakonshme, vendet kanë nevojë për strategji të reja zhvillimi, që ndërthurin dijen, inovacionin dhe teknologjinë, me politikat publike dhe zhvillimin e kapitalit njerëzor.
Sipas tij, transformimi digjital nuk është më një opsion, por është themeli mbi të cilin do të ngrihen ekonomitë e së ardhmes. Ai tha ndër të tjera se për vende me ekonomi në zhvillim si Shqipëria, teknologjia ofron potencial për të kapërcyer kufizimet strukturore, për të ulur kostot e transaksioneve, për të rritur transparencën dhe për të hyrë në tregje të reja më shpejt se kurrë më parë.
Sejko theksoi se në Bankën e Shqipërisë, transformimi digjital është kthyer në një objektiv strategjik, që po ndikon drejtpërdrejt në mënyrën se si funksionon sistemi financiar i vendit. Guvernatori nënvizoi gjithashtu se një nga arritjet më domethënëse të kohëve të fundit është integrimi i Shqipërisë në Tregun Unik të Pagesave në Euro (SEPA), në fuqi që prej 7 tetorit 2025.
Fjala e Guvernatorit Sejko në konferencën ICEBIT 2025
Është kënaqësi e veçantë të jem sot mes jush, në këtë konferencë të rëndësishme ndërkombëtare, e cila bashkon kërkimin akademik me praktikën ekonomike dhe sjell në qendër të vëmendjes një nga sfidat më të mëdha të kohës sonë: mënyrën se si të ndërtojmë ekonomi inteligjente, elastike dhe të orientuar drejt specializimit inteligjent.
Sot, kur transformimi teknologjik po zhvillohet me ritme të jashtëzakonshme, vendet kanë nevojë për strategji të reja zhvillimi, që ndërthurin dijen, inovacionin dhe teknologjinë, me politikat publike dhe zhvillimin e kapitalit njerëzor.
Transformimi digjital nuk është më një opsion, por është themeli mbi të cilin do të ngrihen ekonomitë e së ardhmes. Inteligjenca artificiale dhe automatizimi po krijojnë mundësi të reja për rritje, eficiencë dhe konkurrueshmëri. Për vende me ekonomi në zhvillim si Shqipëria, teknologjia ofron potencial për të kapërcyer kufizimet strukturore, për të ulur kostot e transaksioneve, për të rritur transparencën dhe për të hyrë në tregje të reja më shpejt se kurrë më parë. Kjo kërkon jo vetëm investime në infrastrukturë digjitale, por edhe në arsim, kërkim dhe inovacion, në mënyrë që teknologjia të mos jetë thjesht një mjet, por një faktor transformimi ekonomik.
Në Bankën e Shqipërisë, transformimi digjital është kthyer në një objektiv strategjik, që po ndikon drejtpërdrejt në mënyrën se si funksionon sistemi financiar i vendit. Një nga arritjet më domethënëse të kohëve të fundit është integrimi i Shqipërisë në Tregun Unik të Pagesave në Euro (SEPA), në fuqi që prej 7 tetorit 2025. Siç e kemi theksuar më parë, për qytetarët dhe bizneset, integrimi në SEPA përkthehet në pagesa më të shpejta drejt Evropës, kosto më të ulëta, standarde më të larta sigurie, si dhe më shumë mundësi për tregti, investime dhe shërbime digjitale.
Paralelisht, po punojmë me partnerët tanë ndërkombëtarë për modernizimin e sistemeve të pagesave brenda vendit, për të mundësuar pagesa të menjëhershme dhe të sigurta 24/7, për të nxitur përdorimin e pagesave elektronike, për të reduktuar përdorimin e parasë fizike dhe për të forcuar konkurrencën e inovacionin në tregun financiar.
Inovacioni nuk kufizohet vetëm te digjitalizimi i pagesave apo produktet e reja financiare; ai ndikon edhe mënyrën se si hartohet dhe zbatohet politika monetare dhe si monitorohet stabiliteti financiar. Në Bankën e Shqipërisë po aplikojmë modele të përparuara për parashikimin e inflacionit, po përdorim analiza të të dhënave për vlerësimin e rreziqeve në sistemin financiar, po digjitalizojmë mënyrën e marrjes së statistikave dhe të mbledhjes së të dhënave, si dhe po forcojmë transparencën përmes mjeteve të reja të komunikimit publik.
Banka e Shqipërisë mbështet idenë se përmes inovacionit dhe investimit në dije mund të ndërtojmë një ekonomi më konkurruese dhe më elastike. Në këtë proces, roli i akademisë është i pazëvendësueshëm.
Universiteti i Tiranës, dhe veçanërisht Fakulteti i Ekonomisë, përfaqëson një nga qendrat më të rëndësishme të dijes ekonomike në vend. Kërkimi shkencor, partneritetet ndërkombëtare, nxitja e start-up-eve dhe laboratorët e inovacionit janë ura që lidhin teorinë me praktikën dhe akademinë me tregun. Përgatitja e brezave të rinj që kuptojnë ekonominë digjitale, financat moderne, rolin e të dhënave dhe sfidat e tranzicionit të gjelbër është një investim me efekt shumëplanësh për shoqërinë.
Të nderuar zonja dhe zotërinj, Institucionet publike, si Banka e Shqipërisë, dhe universitetet kanë hapësirë të madhe bashkëpunimi: nga shkëmbimi i të dhënave dhe përfshirja e studentëve dhe studiuesve në projekte kërkimore reale, te zhvillimi i modeleve të reja analitike, programet e praktikës profesionale dhe ndërtimi i kapaciteteve në fusha si stabiliteti financiar, politikat monetare, sistemet e pagesave dhe edukimi financiar.
Në një ekonomi që aspiron të bëhet inteligjente dhe e integruar, këto partneritete nuk janë luks, por domosdoshmëri. Sfida jonë e përbashkët është të sigurojmë që ato të përkthehen në rritje të qëndrueshme, në rritje të produktivitetit, në më shumë mundësi për të rinjtë dhe në një ekonomi më të hapur, më elastike dhe më gjithëpërfshirëse.
Konferenca si kjo janë vendi ideal ku lindin ide të reja, ku diskutohen hapur sfidat dhe ku ndërtohen partneritete. Jam i bindur se diskutimet tuaja do të kontribuojnë jo vetëm në literaturën akademike, por edhe në hartimin e politikave dhe praktikave më të mira për ekonomitë tona. Ju uroj suksese në punimet e konferencës dhe ju falënderoj për ftesën dhe mundësinë për të ndarë me ju vizionin tonë./Dosja.al
foto ilustruese TIRANË- Ministria e Finanacave ka çuar për ratifikim në Kuvend projektligjin për miratimin e Marrëveshjes ...
foto ilustruese TIRANË- Indeksi i besimit të sektorit të ndërtimit, që mat prishmëritë e sektorit për porositë...
foto ilustruese Në diskutimet nën për nen të paketës fiskale, Komisioni për Ekonominë, Punësimin dhe Financat mirat...
Banka e Shqipërisë ka përgatitur një projekt-rregullore “Për qëndrueshmërinë operacionale digjitale”, q&eu...
Këshilli Mbikëqyrës i Bankës së Shqipërisë i hapi sot rrugën licencimit në Shqipëri të bankës JET ...
foto ilustruese Qeveria shqiptare grumbullon më shumë se 600 milionë euro taksa mjedisore, por nuk çon për mbrojtjen e mjedisit...
Foto ilustruese Numri i rasteve të referuara për veprën penale “Pastrimi i parave” ka arritur në 311 raste për muajt j...
Foto Ilustruese TIRANË- Besimi ekonomike i Shqipërisë në nëntor ra me 2.6 pikë përqindjeje në rreth 6 pikë p&e...
Foto ilustruese Pas pandemisë “Covid-19”, nevojat për financimin e shërbimeve publike të shëndetësisë jan&eu...
Foto ilustruese Pavarësisht se pas vitit 2014 me ndryshimin e ligjit organik të buxhetit dhe një seri vendimesh dhe udhëzimesh bizneset...
