Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Guvernatori theksoi se Banka e Shqipërisë e ka udhëhequr këtë transformim, duke u treguar proaktive ndaj ndryshimeve teknologjike në ambientin ndërkombëtar të pagesave dhe duke e drejtuar tregun drejt adoptimit të kontrolluar të këtyre ndryshimeve.
TIRANË- Ditën e sotme më 5 dhjetor është zhvilluar mbledhja e dhjetë e Komitetit Kombëtar të Sistemit të Pagesave (KKSP), e cila u drejtua nga Kryetarja e tij, Luljeta Minxhozi, Zëvendësguvernatore e Parë e Bankës së Shqipërisë. Përveç anëtarëve të Komitetit Kombëtar të Sistemit të Pagesave, në mbledhje morën pjesë përfaqësues nga qeveria shqiptare si dhe institucione të tjera të rëndësishme si Banka Botërore, Këshilli Evropian i Pagesave (EPC), dhe përfaqësues të kompanive ndërkombëtare të industrisë së pagesave.
Në takim ishin të pranishëm edhe përfaqësues nga bankat, institucionet financiare jobanka, përfaqësues të operatorëve të skemave kombëtare të pagesave me kartë, si dhe stafi i Bankës së Shqipërisë. Aktiviteti u hap me fjalën përshëndetëse të Guvernatorit të Bankës së Shqipërisë, Gent Sejko, i cili u shpreh se dhjetëvjeçari i fundit ka shënuar një revolucion në fushën e pagesave për tregun shqiptar, duke e transformuar rrënjësisht atë në çdo aspekt.
Guvernatori theksoi se Banka e Shqipërisë e ka udhëhequr këtë transformim, duke u treguar proaktive ndaj ndryshimeve teknologjike në ambientin ndërkombëtar të pagesave dhe duke e drejtuar tregun drejt adoptimit të kontrolluar të këtyre ndryshimeve. Më tej, Guvernatori Sejko u ndal në dy momente kryesore që kanë kurorëzuar punën disavjeçare të Bankës së Shqipërisë, si katalizator i zhvillimeve në fushën e digjitalizimit të pagesave. Ai tha se vendimi i Këshillit Evropian të Pagesave për të pranuar Shqipërinë në juridiksionin e zonës gjeografike SEPA, shënon një arritje politike në nivel kombëtar, si një hap konkret drejt integrimit të vendit në tregun evropian.
Ndërsa përmendi se përfitimet konkrete ekonomike prej kësaj vendimmarrjeje do të jenë të shumëfishta, Guvernatori u bëri thirrje institucioneve financiare të nxisin përgatitjet me rigorozitet dhe përkushtim për të respektuar afatet e rregullores përkatëse, në mënyrë që të realizojnë aderimin në skemat SEPA dhe kryerjen e transaksioneve SEPA për klientët brenda vitit të ardhshëm. Ai u shpreh se Banka e Shqipërisë do të drejtojë procesin dhe do të mbështesë institucionet financiare të plotësojnë kriteret teknike të SEPA-s.
Gurvenatori theksoi se një zhvillim tjetër i rëndësishëm në fushën e pagesave ishte operacionalizimi i bankingut të hapur (open banking), i cili i jep klientit më shumë mundësi zgjedhjeje që të kryejë pagesa dhe transferta më të thjeshtuara, më të shpejta dhe me kosto më të ulët. Ai u shpreh se operacionalizimi i bankingut të hapur është hapi i parë dhe thelbësor për funksionimin e financave të hapura (open-finance), i cili do të mundësojë digjitalizimin e kredidhënies, investimeve dhe shërbimeve të tjera financiare për klientët. Përveç përfitimeve personale të konsumatorit, në një plan më të gjerë, kjo risi sjell dobi të shumta në rrugën drejt formalizimit të ekonomisë dhe përfshirjes financiare.
Në veçanti, Guvernatori theksoi se Banka e Shqipërisë inkurajon bankat që të jenë sa më të orientuara drejt projekteve inovative, që synojnë ofrimin dhe rritjen e volumit të shërbimeve bankare në distancë, e veçanërisht atyre me impakt të drejtpërdrejtë në lehtësimin e përfshirjes së parë financiare, ose e thënë më thjesht, hapjes së një llogarie bankare në distancë.
Në vijim, Guvernatori Sejko nënvizoi se Banka e Shqipërisë do të mbetet gjithmonë promotore e iniciativave pararojë dhe nxitjes së inovacionit që kërkon koha për rritjen e mirëqenies së shoqërisë shqiptare. Ai nënvizoi se në këtë proces, Banka e Shqipërisë ka bashkëpunuar dhe do të vijojë të bashkëpunojë në mënyrë të vazhdueshme me institucione të tjera shtetërore si Ministria e Financave, Ministria e Drejtësisë, Ministria për Evropën dhe Punët e Jashtme, Agjencinë e Inteligjencës Financiare, me autoritetet vendase, si Agjencia Kombëtare e Shoqërisë së Informacionit (AKSHI) dhe AKSK, si dhe me Shoqatën Shqiptare të Bankave dhe ekspertë të bankave.
Gjatë mbledhjes së 10 të KKSP-së u diskutuan projektet prioritare në fushën e pagesave si: bankingu i hapur, anëtarësimi në SEPA dhe pagesat e shpejta (Instant Payment). Në lidhje me bankingun e hapur, përtej zhvillimeve dhe përvojave në nivel vendi, u prezantuan dhe eksperienca të suksesshme të aplikimit të këtij koncepti në tregun evropian.
Nga ana tjetër, sa i përket anëtarësimit në SEPA, përtej përfitimeve dhe perspektivës që krijon ky anëtarësim, zj. Silvia Di Lillo, përfaqësuese e EPC, prezantoi edhe hapat e mëtejshëm që duhet të ndërmarrin institucionet shqiptare deri në anëtarësimin e tyre në SEPA. Së fundi, gjatë kësaj mbledhjeje u diskutua dhe projekti i pagesave të shpejta i iniciuar nga Banka e Shqipërisë, duke u fokusuar kryesisht në hapat e nevojshëm që duhet të ndërmerren për operacionalizimin e klonit TIPS të ofruar nga Banka e Italisë dhe angazhimin e nevojshëm të aktorëve të tregut në këtë drejtim.
Foto ilustruese TIRANË- Rruga e anëtarësimit të Shqipërisë në BE kërkon përshtatjen e modelit të zhvillim...
foto ilustruese TIRANË- Drejtoria e Tatimeve njofton se Aksioni kundër informalitetit të pagave ka hyrë në fazën përfund...
foto ilustruese TIRANË- Qeveria merr borxh për të financuar shpenzimet buxhetore që nuk mbulohen nga të ardhurat, por vitet e fund...
foto ilustruese TIRANË- Në vitin 2025, banorët dhe bizneset e kryeqytetit pritet që të paguajnë 3.65 miliardë lekë ...
Foto ilustruese TIRANË- Treguesi i ndjesisë ekonomike (TNE) ra me 0.4 pikë në nëntor. Megjithatë, sipas bankës së S...
Foto ilustruese TIRANË- Vit pas viti buxheti i shtetit është duke rritur përqendrimin e shpenzimeve në fund të vitit, ç...
Foto ilustruese KOSOVA- Kosova, në muajin tetor, hoqi masën e ndalimit të importeve për mallrat nga Serbia në një pikë k...
Foto ilustruese TIRANA- Raporti përmbledhës për klimën i Bankës Botërore prezantuar së fundmi sjell në vëmendj...
Foto ilustruese TIRANË- Kredia për shtëpi vazhdon të rritet dhe ka kaluar për herë të parë vlerën totale t&eum...
Foto ilustruese TIRANA- Sporti amerikan i gjuetisë së ofertave dhe uljeve të shumta, që sjell konsum të spikatur në ditë...
