Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Shuma totale për çdo kompensim për çdo muaj do të bazohet në numrin e punonjësve, në masën 1,674 lekë për çdo punonjës e llogaritur në referencë edhe të periudhës kontributeve të muajit dhjetor 2022.
Bizneset përpunuese, të sektorit të bujqësisë, peshkimit dhe pyjeve do të kompensohen 1,674 lekë për çdo të punësuar me pagë minimale, për shkak të rritjes së pagës minimale.
Në shkallë vendi nga 1 prill paga minimale u rrit 6,000 lekë, duke shkuar në nivelin e 40,000 lekëve.
Në Fletoren zyrtare është botuar udhëzimi i Ministrisë së Financave dhe Ekonomisë për përcaktimin e mënyrës dhe procedurave të aplikimit për kompensimin elektronikisht nëpërmjet portalit e-Albania kërkesën për kompensimin financiar. Afati i kërkesës është jo më vonë se data 20 e muajit pasardhës.
Shuma totale për çdo kompensim për çdo muaj do të bazohet në numrin e punonjësve, në masën 1,674 lekë për çdo punonjës e llogaritur në referencë edhe të periudhës kontributeve të muajit dhjetor 2022. Aplikuesit nuk duhet të kenë detyrime të papaguara të kontributeve të sigurimeve shoqërore, gjoba të papaguara apo janë në proces falimentimi në të kundërt kërkesa e tyre do të refuzohet.
MËNYRA DHE PROCEDURA E KËRKESËS
1. Subjektet private që kanë të drejtë të aplikojnë për të përfituar nga fondi i kontigjencës për kompensimin financiar janë subjekte juridike apo fizike që kanë të punësuar punëmarrës që paguhen me pagë minimale dhe ushtrojnë aktivitet në fushat e veprimtarisë ekonomike të industrisë përpunuese, peshkimit, bujqësisë dhe pyjeve, të cilat rezultojnë në regjistrin e tatimpaguesve të administratës tatimore, që u fillon kodi NACE2 me A dhe C.
2. Subjektet private, të cilat plotësojnë kriteret për kërkesën sipas pikës 4, kreu II, të VKM- së nr. 114 datë 1.3.2023, plotësojnë formularin e kërkesës elektronikisht nëpërmjet portalit e-Albania, në shërbimin “Kërkesë për kompensim financiar të kontributeve të sigurimeve shoqërore dhe shëndetësore”.
a) Afati i kërkesës është jo më vonë se data 20 e muajit pasardhës, nga muaji i pritshëm i deklarimit, për periudhën që kërkohet kompensim, në të kundërt e drejta e kompensimit për atë periudhë humbet. Formulari i kërkesës, sipas aneksit bashkëlidhur këtij udhëzimi, përmban të dhëna identifikuese për subjektin dhe të dhëna që vërtetojnë se subjekti: b) nuk është në pronësi shtetërore; c) nuk është i vetëpunësuar; d) nuk është në proces falimentimi; ç) si dhe nuk ka detyrime ndaj organeve tatimore për sigurimet e detyrueshme shëndetësore dhe shoqërore, deri në momentin e kërkesës ose në momentin e kërkesës të vërtetojnë, se: i. kanë lidhur marrëveshjet përkatëse për shlyerjen e këtyre detyrimeve dhe janë të rregullt në shlyerjen e tyre; ii. kanë shlyer detyrimet, por kanë ende pa paguar gjobat.
3. Drejtoria e Përgjithshme e Tatimeve gjeneron nga sistemi i tatimeve listën e subjekteve private, të ndarë sipas çdo drejtorie rajonale tatimore, që plotësojnë kriteret sipas pikës 4/kreut II, të VKMsë nr. 114/2023, me të dhënat e muajit dhjetor 2022 dhe i dërgojnë në Drejtorisë së Përgjithshme të AKPA-s.
4. Drejtoria e Përgjithshme e AKPA-s shpërndan listën si më sipër në drejtoritë rajonale të AKPA-s, së bashku me informacionin, si më poshtë: a) NIPT; b) emër subjekti; c) statusi juridik (duke përjashtuar subjekte në pronësi shtetërore dhe të vetëpunësuarit); ç) me statusin proces falimentimi; d) fusha e veprimtarisë ekonomike (industri përpunuese, peshkim, bujqësi, pyje); dh) numri i të punësuarve me pagë minimale; e) të mos ketë detyrime tatimore për sigurimet e detyrueshme shëndetësore dhe shoqërore, deri në momentin e kërkesës ose në momentin e kërkesës të vërtetojnë, se: i. kanë lidhur marrëveshjet përkatëse për shlyerjen e këtyre detyrimeve dhe janë të rregullt në shlyerjen e tyre; ii. kanë shlyer detyrimet, por kanë ende pa paguar gjobat; ë) qarku dhe bashkia ku ka adresën primare subjekti.
5. Lista e subjekteve si më sipër gjenerohet nga Drejtoria e Përgjithshme e Tatimeve dhe dërgohen pas datës 20 të çdo muaji, në Drejtorinë e Përgjithshme të Punësimit të AKPA-s.
VERIFIKIMI I KËRKESËS
1. Drejtoritë Rajonale të Punësimit, brenda 5 ditëve pune verifikojnë listën e subjekteve aplikuese me listën e gjeneruar nga sistemi tatimor.
2. Drejtoritë Rajonale të Punësimit informojnë nëpërmjet llogarisë në e-Albania dhe email, çdo subjekt kërkues mbi statusin e kërkesës, refuzuar ose pranuar.
3. Për të gjitha kërkesat që plotësojnë kriteret, drejtoritë rajonale të punësimit, brenda 10 ditë pune, finalizojnë listën përfundimtare të subjekteve përfituese. 1. Lista e verifikuar e subjekteve përfituese përmban: a) NIPT; b) emrin e subjektit, c) numrin e punonjësve me pagë minimale; d) emrin e bankës së nivelit të dytë të subjektit; e) IBAN të subjektit.
1. Aplikantët, kërkesa e të cilëve nuk është aprovuar ose pranuar pjesërisht, kanë të drejtën e ankimimit pranë drejtorit të drejtorisë rajonale të AKPA-s, brenda 3 ditëve pune, nga momenti i publikimit të listës përfundimtare të subjekteve përfituese.
2. Drejtori i drejtorisë rajonale të AKPA-s shqyrton dhe merr vendim mbi ankimimin e subjektit/subjekteve brenda 5 ditëve pune.
3. Vendimi i drejtorit të drejtorisë rajonale i njoftohet menjëherë subjektit ankimues, i cili ka të drejtë të kundërshtojë këtë vendimmarrje në Drejtorinë e Përgjithshme të AKPA-s. Në rast moszgjidhjeje të ankimimit në rrugë administrative, subjekti ankimues mund t’u drejtohet organeve të tjera kompetente.
PROCEDURA DHE MËNYRA E LLOGARITJES SË KOMPENSIMIT E FINANCIMIT
1. Çdo drejtori rajonale e punësimit pas konfirmimit të listës përfundimtare të përfituesve, llogarit kompensimin në bazë të numrit të punonjësve me pagë minimale të subjektit aplikues, referuar edhe periudhës kontributeve të muajit dhjetor 2022, sipas pikës 1/kreu II të VKM-së nr. 114/2023.
2. Shuma totale për çdo kompensim për çdo muaj do të bazohet në numrin e punonjësve, në masën 1,674 (një mijë e gjashtëqind e shtatëdhjetë e katër) lekë për çdo punonjës e llogaritur në referencë edhe të periudhës kontributive të muajit dhjetor 2022, sipas pikës 1/kreu II të VKM-së nr. 114/2023.
3. Drejtoritë rajonale të punësimit hartojnë dokumentacionin e nevojshëm për likuidim, në zbatim të legjislacionit financiar, dhe procedojnë në kalimin e fondeve në favor të subjekteve përfituese.
1. Ngarkohen Agjencia Kombëtare e Punësimit dhe Aftësive dhe Drejtoria e Përgjithshme e Tatimeve për zbatimin e këtij udhëzimi.
2. Ngarkohet Drejtoria e Përgjithshme e Tatimeve të dërgojë listën sipas pikës 1 të kreut II të VKM-së nr. 114/2023, brenda datës 10 prill 2023.
Ky udhëzim hyn në fuqi pas botimit në Fletoren Zyrtare./MONITOR
Liqeni i hidrocentralit kryesor në vend, Fierzës, qëndroi plot 16 muaj poshtë mesatares historike. Të dhënat zyrtare të En...
Ekonomia e Shqipërisë përgjatë vitit 2023 rrezikohet nga normat e larta të inflacionit, frenimi i aktivitet ekonomik në Eurozon&...
Foto ilustruese TIRANË- Eksporti i qepës drejt vendeve të rajonit dhe ulja e prodhimit në qarqet kryesore që e prodhojnë at&e...
Këshilli Mbikëqyrës i Bankës së Shqipërisë miratoi në mbledhjen e fundit rregulloren e re “Për ushtrimin e ...
Drejtoria e Tatimeve ka reaguar pas ankesave të kontabilistëve lidhur me njoftimin se librat e shitjes dhe blerjes nuk do të ngarkohen manualis...
Këshilli Mbikëqyrës i Bankës së Shqipërisë miratoi sot raportin e Stabilitetit Financiar për gjashtëmujorin e dyt...
Vala e ndërtimeve, që ka përfshirë sidomos kryeqytetin dhe zonat turistike, kryesisht jugun, po reflektohet edhe në treguesit ekonomi...
Foto ilustruese Ekonomia shqiptare nuk ka ecur mirë përgjatë dekadës së fundit dhe ritmet e rritjes kanë qenë të ng...
Foto ilustruese Kosova brenda një viti importon rreth 4200 ton nga të gjitha llojeve të duhanit apo cigareve të paketuara. E gjithë...
Në Shqipëri raportohen 600-700 incidente kibernetike në vit, si në sektorin shtetëror dhe atë privat, por emigrimi i lartë ...
