Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Komisioni i Ekonomisë dhe Financave në diskutimet nen për ne të projektligjeve të paketës fiskale, miratoi ndryshimet për vendosjen e TVSH-së 10% te çmimet e inputeve bujqësore, heqjen e TVSH-së 6% të kreditueshme dhe përjashtimin nga TVSH-ja makineritë e importit për investime deri në 500 mln lekë nga 50 mln lekë që është.
Ndryshimet e propozuara nga ministria e Financave dhe Ekonomisë në projektligjin “Për tatimin mbi vlerën e shtuar” u kundërshtuan nga deputeti Erjon Braçe, sipas të cilit ato vijnë në një kohë kur në tregjet ndërkombëtare janë rritur çmimet e inputeve bujqësore. “Nuk ka mundësi të ndodhë rritja e taksave kur rriten çmimet e inputeve bujqësore. Prej muajt prill në tregjet e huaja çmimet e inputeve bujqësore janë rritur dhe kjo taksë do të transmetohet e plotë te kostoja e punës të bujkut. Nuk ka asnjë vend sot në Europë që të diskutojë paketë fiskale me rritje kur çmimet janë në rritje. Përjashtimet nuk nisin nga sektori që është më në hall”.
Deputeti i PS-së, Vullnet Sinaj tha se zbatimi i një skemë që subvencionon për litër qumështin e fermerit jep mundësi prodhuesit për të qenë konkurrues me vendet e rajonit, si dhe për të mos lejuar rritjen e mallrave të importit.
Ministrja e Financave dhe Ekonomisë, Delina Ibrahimaj pohoi se heqjet e përjashtimeve të sektorit do të zëvendësohen me skema subvencionuese direkte për fermerin. Ibrahimaj shtoi se për 2022 fondi për subvencionet e fermerëve është 3,2 mld lekë. “Me skemën e TVSH-së 6% subvenciononim grumbulluesin, kurse tani do të subvencionohet direkt fermeri. Skema e subvencionimit do të bazohet te autofatura me TVSH zero për vlerën e mallit që do të lëshojnë fermerët. Fondi për subvencionet e fermerit është 1,4 mld lekë më shumë se 2021. Në ndihmë të fermerëve do të jetë edhe fondi 200 mln lekë për mbështetjen e investimeve e reja”, tha Ibrahimaj.
TVSH-ja e importit për investimet
Ministrja e Financave dhe Ekonomisë, Delina Ibrahimaj sqaroi se arsyeja e ndryshimeve në ligjin për TVSH-në të përjashtimit të TVSH-së për importin e makinerive për investime nga 50 mln lekë që është në 500 mln lekë është sepse nuk merrej rimbursimin i TVSH-së për investimet që kryenin, për shkak të mungesës të aftësisë paguese të administratës tatimore. Ibrahimaj tha se kjo masë nuk kishte zbatim të gjerë. “Në total vjet përfituesit e kësaj mase ishin 500 sipërmarrje. Nuk është një masë që kishte zbatim të gjerë në një fashë mbi 1,500 sipërmarrje. Ndryshimet për të përjashtuar nga TVSH-ja makineritë e importuara për vlera investimi mbi 500 mln lekë synon të lehtësojë projektet madhore strategjike për vendin, si sistemet foltaike apo siç ishte projekti TAP”.
Nënkryetarja e PD, Jorida Tabaku shprehu shqetësimin se këto ndryshime janë në kurriz të 95% të bizneseve dhe favorizojnë sërishmi 5% të bizneseve. Deputetja Tabaku evidentoi se sërishmi këto ligje bëhen për të ashtuquajturit “investitorë strategjikë” që janë të njëjtët persona që bëjnë ligje me porosi.
“Paketa e re fiskale e qeverisë ka hasur në pakënaqësi tek të gjitha dhomat e tregtisë dhe gjithashtu nga shoqata e bujqëve që prej javësh janë në protestë. Qeveria Rama duket se po injoron kërkesat e qytetarëve ndërsa brenda mazhorancës vërehet një skizmë ku argumentet e djeshme të opozitës po përdoren edhe sot nga mazhoranca.”
Heqjet e tjera të përjashtimeve nga taksat
FMN në 2019 ka rekomanduar sipas ministres të Financave dhe Ekonomisë, Delina Ibrahimaj që të hiqen përjashtimet nga taksat në sektorin e turizmit dhe shëndetësisë, por që u shtynë për shkak të pandemisë. “Propozimet për heqjen e përjashtimeve janë bërë që në vitin 2019. Është rekomanduar heqja e tyre edhe për sektorin e turizmit, por nuk u zbatua pasi është sektori më i prekur nga pandemia. Një tjetër rekomandim është heqja e TVSH-së për shërbimet spitalore, edhe ky rekomandim u shty për shkak të situatës nga pandemia”.
Deputeti i PS, Erjon Braçe propozoi të hiqet përjashtimi nga TVSH-ja që është në ligj për furnizimin me tokë dhe ndërtesë, për zonat rezidenciale jashtë zonave urbane, por edhe në zonat bregdetare, duke përjashtuar vetëm programet e rindërtimit. “Ky propozim vjen pasi këto ndërtesa të shfrytëzuara për shumë pak kohë nga individët që i blejnë, po shkatërron turizmin. Nëpërmjet këtij propozimi frenojmë edhe zënien e tokës në periferi të Tiranës, bregdet, edhe në fshat. Sot po shiten vila me çmime 1 milionë euro në zona si: Hamallaj, Farkë, Lalz, Palasë, Drimadhes etj”.
Ministrja e Financave dhe Ekonomisë tha se propozimi do të merret në konsideratë vitin tjetër kur të diskutohet ligj i ri për taksimin e pasurive të paluajtshme që do të preket edhe taksimi i shitjes të tokës./MONITOR
Cila mendoni se është alternativa më e mirë:
TIRANË– Komisioni i Ekonomisë dhe Financave miratoi ndryshimet për vendosjen e TVSH-së 10% te çmimet e inputeve bujqësore, heqjen e TVSH-së 6%...
TIRANË– Sot në Tiranë është mbajtur konferenca e lidershipit të Ballkanit, ku kanë marrë pjesë ambasadorë dhe anëtarë të klubit të Podgoricës. Në kon...
Ditët e fundit, çmimet e sigurimit TPL kanë pësuar luhatje të konsiderueshme, më saktë janë ulur.Nëse tregu i sigurimeve në vend ndiqet me vëmendje, vëre...
Shoqata e Ndërmjetësuesve kërkon që në draftin “Për profesionin e ndërmjetësit të pasurive të paluajtshme”, i cili është duke u konsultuar me Ministrinë e Drejt...
Importet e energjisë këtë vit kanë arritur një vlerë rekord, më të lartën ndonjëherë në historinë e vendit ku nga janari në nëntor janë shpenzuar 213 milionë eu...
Rimëkëmbja e post-pandemisë “kërcënohet” nga mungesa e lëndëve të paraNga Nertila MahoRimëkëmbja ekonomike e post-pandemisë është lajmi i mirë që po përjetojnë ...
Debati politik që shoqëron çdo emetim Eurobondi nga Qeveria Shqiptare, ndoshta mund të jetë i justifikuar, por është disi i pazakontë për agresivitetin d...
Flet Les Nemethy, ekspert i tregjeve financiareRritja e borxhit në valutë të huaj mund të jetë një kërcënim serioz për ekonominë shqiptare. Les Nemethy, ekonomi...
Emetimi i pestë e çon stokun e borxhit në 1.8 miliardë euro, 50% e borxhit publik në valutë, rreziku nga interesat në rritjeNga Nertila MahoShqipëria mby...
Virusi koksaki është përhapur shumë në çerdhe dhe kopshte ndaj edukatorët duhet të bëjnë kujdes kur shikojnë fëmijë me puccra në fytyrë, në mënyrë që ti ...
