Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
ELBASAN– Veiz Bashali, 41 vjeç dhe Mikel Xhaja, 30 vjeç, të dy banues në fshatin Gjoçaj të Peqinit janë vënë në pranga pasi akuzohen se kanë prishur provat si dhe kanë penguar organet e Policisë së Shtetit që të vijojnë me zbardhjen e atentatit të ndodhur dy ditë më parë ku mbeti i vrarë Albi Bashaliu. Dosja.al ka mësuar se Veiz Bashaliu është kushëriri i parë i viktiëms (djali i xhaxhait), ndërsa Mikel Xhaja ishte fqinj me të ndjerin. Duke qenë se pista kryesore e hetimit të vrasjes së Albi Bashaliut ka qenë hakmarrja, të gjithë të afërmit e tij kanë qenë në vëzhgim nga policia dhe përgjimet kanë zbuluar një bisedë të 41-vjeçarit me fëinjin Xhaja.
Konkretisht Mikel Xhaja në përgjimet ambientale nga grupi hetimor rezulton t’i jetë drejtuar Veiz Bashaliut e të jetë shprehur: Çfarë na duhet ne…
Xhaja bashkë me 41-vjeçarin janë rikthyer sërish në vendin e krimit dhe kanë prishur provat si dhe kanë kapur dëshmitarët okularë, duke u kërkuar të mos flisnin. “Mos flisni dhe mos tregoni personat që keni parë,”– kanë thënë ata, duke iu referuar autorëve të vrasjes. Në prokurori të arrestuarit janë regjistruar si të akuzuar për ‘përkrahje të autorëve dhe për veprime që pengojnë zbulimin e të vërtetës’.
NJOFTIMI I PLOTË I POLICISË:
Vijojnë veprimet e thelluara hetimore, për zbardhjen e vrasjes së 32-vjeçarit, mëngjesin e datës 27 dhjetor 2021. Vihen në pranga 2 shtetas, të dyshuar si përkrahës të autorëve të krimit. Strukturat hetimore të Drejtorisë Vendore të Policisë Elbasan, në bashkëpunim me ato të Komisariatit të Policisë Peqin, nën drejtimin e Prokurorisë së Rrethit Gjyqësor Elbasan, kanë vijuar intensivisht punën hetimore, me qëlim zbardhjen e vrasjes së 32-vjeçarit Albi Bashaliu. Si rezultat i veprimeve të thelluara hetimore, u bë i mundur arrestimi i shtetasve: V. B., 41 vjeç dhe M. Xh., 30 vjeç, të dy banues në fshatin Gjoçaj, Peqin. Nga tërësia e veprimeve hetimore të kryera është dokumentuar se këta shtetas kanë kryer veprime aktive për të fshehur rrethanat e ngjarjes dhe kanë penguar aktivisht organet e Policisë, për t’u informuar për ngjarjen, rrethanat si ka ndodhur dhe motivin. Gjithashtu, në kuadër të kryerjes së veprimeve procedurale dhe thellimit të hetimeve për këtë ngjarje të rëndë kriminale, në ndjekje e sipër të autorëve të dyshuar të veprës penale, më datë 28.12.2021, rreth orës 01:00, në aksin rrugor Gosë-Vibashtovë, Rrogozhinë, është gjetur automjeti tip “Volksëagen Caddy”, që ka qenë në përdorim nga viktima, shtetasi A. B. Nga rrethanat e hetimit dyshohet se autorët kanë marrë mjetin e viktimës për t’u larguar, ndërsa mjetin me të cilin ata udhëtonin e kanë djegur në vendngjarje. Në vendngjarje janë gjetur sende të ndryshme, të cilat u sekuestruan në cilësinë e provave materiale dhe që u dërguan për ekzaminime të mëtejshme në Institutin e Policisë Shkencore. Nga strukturat hetimore të Drejtorisë Vendore Elbasan, nën drejtimin e Prokurorisë së Rrethit Gjyqësor Elbasan, po punohet për identifikimin dhe kapjen e autorëve. Materialet u referuan në Prokurori, për veprime të mëtejshme.
Albi Bashaliu u ekzekutua mëngjesin e të hënës nga dy persona të cilët e qëlluan atë sapo doli nga automjeti. Pasi e qëlluan disa herë me armë zjarri dhe u siguruan që kishte vdekur, autorët tentuan të largoheshin me makinën e tyre, por mjeti i la në baltë. Më pas, ata i vunë flakën mjetit të tyre dhe morën atë të viktimës. Kjo e fundit u gjet ditën e djeshme në aksin rrugor Gosë-Vilë Bashtovë pranë Rrogozhinës. Të dyja mjetet, pavarësisht se janë djegur janë sekuestruar dhe janë dërguar për ekzaminime të mëtejshme në Institutin e Policisë Shkencore.
Për momentin janë sekuestruar pamjet filmike të kamerave të sigurisë, ndërkohë që në polici është shoqëruar për tu marrë në pyetje edhe djali i 44-vjeçarit Ylber Xhahysa, Enriko Xhahysa, për vrasjen e të cilit po bën burg vëllai i Albi Bashaliu, Leonard Bashaliu. Vrasja e ndodhur dy ditë më parë dyshohet të jetë pikërisht për të marrë hakun e 44-vjeçarit Xhahysa. Një tjetër ngjarje që po hetohet është ajo e ndodhur në vitin 2017. Albi Bashaliu është arrestuar në vitin 2017 për plagosje. Më 17 janar të vitit 2017, Bashaliu qëlloi me armë zjarri automatik në drejtim të dy personave të tjerë me iniciale V.SH, 57 vjeç dhe A.B, 38 vjeç, banues në Peqin. Bashaliu në atë kohë u akuzuar për veprat penale “Vrasja me dashje mbetur në tentativë” “Prodhimi dhe mbajtja pa leje e armëve luftarake dhe e municionit” dhe “Shkatërrimi i pronës”, por më pas fitoi lirinë në rrethana të paqarta.
ZHVILLIMET ORË PAS ORE:
Vrasja e Bashaliut, të arrestuarit janë djali i xhaxhait dhe fqinji i viktimës
(a.b;f.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Policia rrugore ka ushtruar kontrolle gjatë ditëve të fundit duke ndëshkuar të gjithë drejtuesit e mjeteve të cilët kapen duke bërë gara shpe...
TIRANË – Këshilli i Lartë i Prokurorisë dhe Këshilli i Lartë Gjyqësor kanë zhvilluar ditën e sotme një mbledhje të përbashkët vjetore, ku kanë bërë n...
TIRANË– Veiz Bashali, 41 vjeç dhe Mikel Xhaja, 30 vjeç, të dy banues në fshatin Gjoçaj të Peqinit të cilët u vunë në pranga mëng...
BERAT– Një 37-vjeçar është vënë në pranga pasi akuzohet për trafik të lëndëve narkotike. Mësohet se 37-vjeçari me inicialet O.GJ., banues në...
SHKODËR-Ditën e sotme, banorët e njësisë administrative, Postribë dolën në një protestë ku kanë denoncuar problemin e ndotjes së ujit të pijshëm. Sipas ban...
TIRANË– Ministrja e Shtetit për Standardet dhe Shërbimet, Milva Ekonomi nuk e ka të fiksuar mirë emrin e kryetares së Bashkisë së Durrësit, Emirjana ...
SHKODËR– Banorët e njësisë administrative Postribë në Shkodër, kanë dalë ditën e sotme në protestë duke kërkuar zgjidhje për problemin që kanë me uji...
KUKËS– Kryetari i Bashkisë së Kukësit Safet Gjici pavarësisht daljeve të shumta ‘LIVE’ dhe për mediat nuk është përshtatur shumë me tekno...
TIRANË– Drejtori i Transportit Rrugor, Blendi Gonxhe ka bërë një raport në lidhje me aksidentet rrugore që kanë ndodhur përgjatë vitit 2021 në vendin...
LEZHË- Prokuroria e Lezhës ka kërkuar dënimin me 7 vite burg, të ish-efektivit të policisë Kol Kola, i cili u arrestua në muajin prill të këtij viti për ng...
