Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Një depozitë prej 100 tonësh naftë u derdh në ambjent të hapur në datën 11 prill në Porto Romano në Durrës. Lajmi u publikua nga shumë pak media dhe nuk pati reagime zyrtare publike mbi rastin. Nafta është përhapur lirshëm në zonën përreth, ndërsa disa foto të botuara në rrjete sociale tregojnë banorë, të cilët janë dyndur me bidona në pellgun e krijuar nga nafta. Ekzistojnë dy versione mbi rrethanat e incidentit. Sipas njërit prej tyre derdhja e naftës në ambjent erdhi pas çarjes së depozitës, kurse një burim nga Dogana i tha Ditës se depozita u zbraz pas një gabimi njerëzor. Sipas tij, një nga operatorët e turnit nuk ka mbyllur drejtimin e shkarkimit të naftës.
Depozita i përket kompanisë Gega Oil. Administratori i “Genklaudis Sh.a” (Gega Oil) është Paulin Gega dhe ka kontratën e furnizimit me naftë të disa institucioneve shtetërore. Sipas dokumentacionit të publikuar në media, vetë Policia e Shtetit ka blerë 32% të sasisë së karburantit nga kjo firmë, direkt ose me nënkontraktim. Heshtja rreth rastit dhe privilegjimi i kompanisë në fjalë nuk ndodhin për herë të parë. Vitin e kaluar ajo është akuzuar për falsifikime në pompat e shpërndarjes së naftës në 152 pika shitjeje me pakicë dhe 5 distributorët e shumicës.
Veç mashtrimit dhe vjedhjes së konsumatorit me litrat, shmangiet nga taksat arrijnë shumën e jashtëzakonshme të 400 milionë eurove evazion fiskal ndaj shtetit në 4 vite veprimtari. Akuza u zyrtarizua, por Gega nuk u ndalua, megjithëse sipas faqes zyrtare të Ministrisë së Brendshme dhe sipas Njoftim-Urdhrit nr. 108/1, datë 09.08.2019, ora 10.00, dërguar gjithë komisariateve të policisë së rendit e atyre kufitare, shtetasi Paulin Gega, rezulton i shpallur në kërkim.
“Jo jo, jo, s’ka asnjë shans më që pompat e karburanteve të derdhin naftë, duke thithur lekët që u takojnë konsumatorëve dhe shtetit. Çdo “trim” do kapet dhe do ta paguajë shumëfish. Të gjithë të barabartë para ligjit” –shkruante kryeministri Edi Rama pas aksionit tatimor ku u kapën shkeljet e Gegës dhe bosëve të tjerë të shpërndarjes së naftës.
“Asnjë telefon nuk ju ndihmon dot”– deklaronte pas tij zv.kryeministri Erion Brace duke iu drejtuar edhe ai shkelësve dhe evazorëve. Por as “jo, jo, jo”-të e njëshit e as “përbetimet” e dyshit nuk mjaftuan. Trimi nuk u kap, kurse telefoni i tij funksionoi për mrekulli. “I barabarti para ligjit”, Gega, u largua lirisht nga Shqipëria çuditërisht vetëm pak orë para daljes së urdhërit të ndalimit, kurse pikat e karburantit Gega Oil vijuan punën në gjithë vendin rregullisht. Si shpjegohet “imuniteti” i Paulinit ndaj ligjit apo heshtja e shtetit për ngjarje si kjo e fundit në Porto Romano? Nuk janë të paktë ata që e lidhin këtë me emrin e Ëngjëll Agaçit (në foton kryesore), sekretari i përgjithshëm i Kryeministrisë, një nga njerëzit më të besuar të Edi Ramës.
Faqja online Pamfleti shkruan se Gega ndodhet në Greqi dhe e lidh vendndodhjen e tij me një vilë dhe me Ëngjëll Agaçin, i cilisiç shkruan kjo faqe “menaxhon pisllëqet e biznesit VIP”. E njohur për denoncimet e forta dhe gjuhën e ashpër, faqja shkon më tutje në raportimin e saj: “Duke qenë se policia, po bën sikur i shpëtoi bosi i kompanisë “Gega Oil”, që ka vjedhur shqiptarët e shtetin në sy të “vigjilencës” së tatimeve e doganave; i rekomandojmë ministrit Sandër Lleshaj, t’i marrë leje kryeministrit Rama, për të pyetur Ëngjëll Agaçin, piranjën që i la vetëm halat, peshkut të madh qeveritar Paulin Gega.
Nëse do kishte gojë ndërgjegja e të sulmuarit në kërkim Paulin Gega, do duheshin 1 muaj netë dimri, për të treguar skemën e përdorur nga Ëngjëll Agaçi, për t’i zhvatur miliona në shkëmbim të sy-mbylljes së ministrisë, tatimeve, doganave, Inpektoratit Teknik, SHISH e Policisë së Shtetit; pas çdo parti malli që sillte nga importi e hidhte në treg, pa llogaritur të ardhurat 100% nga pikat “Gega Oil” në zonën Levan-Rogozhinë e Ballsh-Roskovec (Qarku Fier)”.
Faqja shkruan gjithashtu se me ndërhyrjen e Agaçit për periudhën janar 2017- qershor 2019, iu dhanë Gegës 195 milionë euro rimbursim TVSH,“duke e vënë të parin në listë”, pavarësisht akuzës për evasion të rëndë fiskal gjatë këtyre viteve. Në raport mund të gjendet edhe premtimi për denoncimin e shërblimeve që ka dhënë Paulin Gega; deri shkollim fëmijësh në Londër në një universitet me djalin e tij, si dhe faktin që nën ndikimin e bashkëshortes së qeveritarit të Rilindjes, bashkëshortja e z.Gega, administrator e Gega Center GKG mori në fund të 2018 një premium shtetëror suksesi.
Gega Oil posedon licensa të shumta në ekonomi, ndërtim e energji të dhëna përgjatë viteve 2005-2018 dhe ajo u rrit pasi mori 300 pika të shitjes “It-Oil”, ish-biznes i “Taçi Oil”, një transaksion i mbushur me pikëpyetje, që mban firmat e dy ish-ministrave të qeverisë Rama. Megjithëse ligji mbi informimin e publikut e detyron, Ëngjëll Agaçi nuk i është përgjigjur më herët kërkesave të gazetës DITA për të dhënë versionin e tij mbi akuzat që nuk janë të pakta. Disa gazetarë investigativë e quajnë jo rastësisht zotin Agaçi “apostulli i dymbëdhjetë” dhe e vendosin atë mbi ministrat e Ramës përsa i përket ndikimit për emërimet në administratë.
Në deklarimet e tij të pasurisë lexohen apartamente të bollshme në Romë dhe Tiranë, si dhe disa llogari bankare; pa hyrë në detaje, në vetëm një prej tyre gjenden 400 mijë euro sipas deklarimit të vetë zotit Agaçi në 2018. Ish-avokati, i cili në publik i flet përherë në vesh kryeministrit, erdhi në Tiranë nga Italia pas fitores së Rilindjes në zgjedhjet e 2013. Në shtator të atij viti kryeministri i ri Edi Rama e prezantonte Ëngjëllin, atëkohë 44 vjeç, me këto fjalë:
“Historia e Ëngjëll Agaçit është një histori suksesi nga ato në rrugën e emigracionit, ku djem e vajza të dalë nga shtëpitë e varfra shqiptare të viteve ‘90 u nisën drejt ëndrrash në dukje të pamundura dhe i bënë ato të mundura. Me forcën e madhe të ambicies, me vullnetin e fortë të njeriut në një betejë për të ardhmen… I shkëlqyer në studime, i pandalur në punë, i papërtuar… ai la studion e tij të avokatisë në kryeqytetin italian për t’iu përgjigjur pozitivisht ftesës sime që të jetë Sekretari i ri i Përgjithshëm i Kryeministrisë”.
(Marrë nga Gazeta Dita)
1 vit nga zgjedhjet e 25 prillit si e shikoni gjendjen e vendit:
Shkodër- Dy rastet e fundit me COVID-19 në qytetin e Shkodrës janë gra. Burime për Dosja.al bëjnë me dije se njëra prej tyre është gruaja e një pacienti që ka r...
TIRANË- Kryetari i Partisë Demokratike, Lulzim Basha nuk do të gjykohet nga gjyqtarja Fatmira Hajdari. E ëma e Rudina Hajdarit, bashkëshortja e deputetit t...
BERAT- Një shofer 45-vjeçar me inicialet P.S., është arrestuar nga Policia e Beratit pasi është kapur duke i dhënë makinës në gjendje të dehur. Policia n...
KLOS- Një ngjarje e rëndë është shënuar mbrëmjen e djeshme në një fshat të Klosit ku si pasojë e djegies së banesës ka humbur jetën një 80-vjeçare. Gazet...
Korçë- 50 punonjës të një fasonerie në Korçë janë ngritur në protestë para Drejtorisë së Tatimeve, pasi kërkojnë pagën e luftës. Punonjësit shpreh...
DURRËS- Policia e Durrësit ka arrestuar sot dy persona, pas hetimeve të vijuar ditë më parë. Në një njoftim për mediat, blutë e Durrësit bëjnë me dije se n...
Tiranë- Një kryeinfermiere e pediatrisë në QSUT rezulton e infektuar me COVID-19. Dyshohet se virusin ajo e ka marrë gjatë një ceremonie mortore në qytetin e Bu...
Tiranë-Ambasada amerikane në vendin tonë ka njoftuar së fundmi se ka anuluar të takimet rutinë të vizave dhe shërbimet për qytetarët amerikanë, vendim ky i marr...
Vlorë- Policia e Vlorës ka arrestuar një 44-vjeçar me inciale A.B pasi është kapur me 23 kilogramë hashash, e përpunuar në formë pluhuri dhe çokol...
