Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Kryeministri Edi Rama ka hartuar 12 pyetje, për të cilat kërkon përgjigje nga qytetarët lidhur me qëndrimin që duhet mbajtur për çështje të caktuara. Sot ai ka nxjerrë pyetsorin, ku çdo person mbi moshën 18 vjeç ka të drejtën të zgjedhë një nga tre alternativat që po ashtu i ka vendosur Rama. Kreu i qeverisë kërkon që të dijë mendimin e qytetarëve lidhur me legalizimin e kanabisit mjekësor, ndërkohë që çështjen e nxehtë të “Ballkanit të Hapur” gjithashtu ka zgjedhur që t’ua ‘postojë’ qytetarëve. Edhe pse për këtë të fundit tanimë janë nënshkruar disa marrëveshje, Rama është kujtuar që të pyesë shqiptarët nëse mendojnë se kjo nismë sjell apo jo përfitime për Shqipërinë.
Për të shfokusuar vëmendjen nga skandali i publikimit të të dhënave, kryesocialisti ka zgjedhur që të vendosë gjithë fokusin tek çështja e mosdeklarimit të plotë të pagës, ndaj dhe kërkon nga qytetarët nëse denoncuesit e pagave fiktive duhet të mbrohen nga shteti. Po ashtu, kërkon të dije nëse a duhet të vijojnë të punojnë ata që kanë marrës statusin e pensionistit, por nuk pyet sesi ia dalin të mbijetojnë me shumën që u jep shteti, e që nuk rritet prej vitesh.
Përveç temave të forta, Rama vendos ndër to edhe çështje “soft” si për shembull; a duhet bërë diferencim për nënat që rrisin 3 ose më shumë fëmijë të mitur në përfitimin e mbrojtje të veçantë sociale nga shteti. Gjithashtu pyet edhe nëse Shqipëria duhet të ashpërsojë dënimin e autorëve përsëritës në kryerjen e krimeve të rënda kundër personit, pra ashpërsimin e Kodit Penal. Megjithatë është e paqartë sesi do të mblidhen të gjithë vendimet e qytetarëve, pasi duket se aksesin e vetëm për të kontrolluar rezultatet e ka vetëm qeveria. Por në sy bie edhe mungesa e privatësisë, pasi në fund çdokush do të duhet që të plotësojë të dhënat personale në mënyrë që votimi të quhet u vlefshëm.
MESAZHI I EDI RAMËS:
Unë besoj se ne shqiptarët kemi mundësinë të shkojmë shumë me shpejt përpara duke e dëgjuar njëri-tjetrin pa u ndarë më në llogoret e vjetra politike që nxisin përçarjen, kundër interesit të familjeve shqiptare. Me pyetësorin bashkëngjitur po i japim jetë një kuvendimi popullor, ku duam mendimin tuaj mbi çështje me rëndësi strategjike për vendin, ekonominë, shoqërinë dhe të ardhmen tonë. Eshtë koha t’i lemë pas llogoret e sherrit politik që të hedhim hapa të mëdheni përpara, duke u këshilluar së bashku për vendime me rëndësi. Qoftë Viti i Ri një vit i mbarë, plot shëndet e mundësi të reja për familjen tuaj.
PYETJET E ANKETËS:
1-Ka njerëz që thonë se nënat që rrisin 3 ose më shumë fëmijë të mitur, duhet të përfitojnë mbrojtje të veçantë sociale nga shteti. Të tjerët thonë se shteti nuk duhet të bëjë diferencime as në këtë rast.Si thoni ju?
2- Ka njerëz që thonë se Shqipëria duhet të ashpërsojë dënimin e autorëve përsëritës në kryerjen e krimeve të rënda kundër personit, duke e dyfishuar dënimin për ta dhe duke hequr të drejtën e gjykimit të shkurtuar për autorët që kryejnë dhunë në familje dhe krime ndaj fëmijëve.Të tjerë thonë se dënimet në fuqi janë të mjaftueshme për përsëritësit e dhunuesit ndaj familjes e fëmijëve. Cili është mendimi juaj?
3- Ka njerëz që thonë se të punësuarit, që denoncojnë metoda të pagave fiktive nga punëdhënësi duhet të mbrohen nga shteti me dëmshpërblim financiar me largim të padrejtë nga puna, kur denoncimi i tyre vërtetohet, ndërsa punëdhënia në fjalë duhet penalizuar me ashpërsim të masave në fuqi. Të tjerë thonë se masat në fuqi ndaj punëdhënësve që abuzojnë me pagat e punonjësve janë të mjaftueshme. Si mendoni ju?
4- Ka njerëz që thonë se ata që kanë fituar statusin e pensionistit, por që vazhdojnë ende të punojnë, nuk duhet të paguajnë kontributet shoqërore. Të tjerë mendojnë se nuk duhet bërë një diferencim i tillë. Si mendoni ju?
5- Ka njerëz që thonë se emigrantëve shqiptarë që duan të depozitojnë në Shqipëri kursimet e tyre, duhet t’u jepet amnisti e plotë. Të tjerë thonë se depozitimet në vendin tonë, të kursimeve të punës në emigracion, nuk duhen inkurajuar përmes amnistisë. Si mendoni ju?
6- Ka njerëz që thonë se Shqipëria duhet të lejojë kultivimin, përpunimin dhe eksportimin e kontrolluar nga shteti të kanabisit për qëllime mjekësore, pa e legalizuar për arsye përdorimi vetjak. Të tjerë thonë se kanabisi nuk duhet të lejohet as për qëllime mjekësore. Si mendoni ju?
7- Ka njerëz që thonë se ashtu si vendet e tjera të Europës, Shqipëria duhet të vendosë me detyrim që qytetarët të paraqesin certifikatën e vaksinimit në të gjitha hapësirat publike të mbyllura dhe në tubime të mëdha. Të tjerë thonë se kjo praktikë nuk duhet të jetë e detyrueshme pasi kufizon liritë dhe të drejtat e njeriut. Si mendoni ju?
8-Ka njerëz që thonë se qeveria duhet të ashpërsojë gjobat dhe masat kundër evazionit fiskal të shoqërive të biznesit të madh. Të tjerë thonë se rregullat në fuqi janë të mjaftueshme nëse zbatohet si duhen. Si mendoi ju?
9-Ka njerëz që thonë se qeveria duhet të tregohet më e ashpër, jo vetëm me subjektet, por edhe me individët që ndotin hapësirën publike. Të tjerë thonë se rregullat aktuale janë të mjaftueshme. Si mendoni ju?
10- Ka njerëz që thonë se gjyqtarët dhe prokurorët që nuk kanë kaluar ende vetingun, duhet të pezullohen automatikisht nga sistemi i drejtësisë nëse vendimmarrjet e tyre janë haptazi në kundërshtim me ligjin. Të tjerë thonë se pezullimi dhe përjashtimi nga sistemi duhet të kryhet sipas procedurave në fuqi. Si mendoni ju?
11- Anëtarësimi i Shqipërisë në Bashkimin Europian është i lidhur me anëtarësimin e Maqedonisë së Veriut. Ka njerëz që thonë se aplikimi i Shqipërisë për anëtarësim në BE duhet të ndahet nga ai i Maqedonisë së Veriut, që vendi ynë të vlerësohet për meritat e veta. Të tjerë thonë që duhet të vazhdojmë të presim Maqedoninë e Veriut. Si mendoni ju?
12- Ka njerëz që besojnë se krijimi i nismës “Ballkan i Hapur” midis Shqipërisë dhe vendeve të Ballkanin Perëndimor është në interes të Shqipërisë. Të tjerë thonë se kjo nismë nuk i sjell përfitime Shqipërisë. Si mendoni ju?
Pas fitores në zgjedhjet parlamentare të 25 prillit 2021, kryeministri Rama deklaroi se qeveria e re do të krijiojë institucionin e Këshillmit Kombëtar për Shqipërinë, i cili do të realizojë komunikimin me qytetarët lidhur me qëndrimet e tyre për çështje me rëndësi për vendin. E gjitha kjo është pjesë e platformës për “Bashkëqeverisjen”, të cilët Rama e ka shpalosur në disa qytete. Anketa me 12 pyetje do t’i dërgohet çdo qytetari. Rama ka thënë se plotësimi i tyre nuk është i detyrueshëm.
(k.m/d.v/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Një nga aksionerët e “Masabi Fruits”, Erion Peti është liruar nga qelia, edhe pse brenda konteinerit të kompanisë u gjetën 143 kg kokainë, e ...
LEZHË– Prokuroria e Lezhës ka dërguar për gjykim dosjen e vrasjes së efektivit të Forcave të Ndërhyrjes së Shpejtë të Shkodrës, Xhuliano Prela, i cil...
LEZHË – Një aksident u shënua mbrëmjen e sotme në kryqëzimin e Gocajve në aksin Lezhë-Shkodër. Sipas të dhënave paraprake, një automjet tip “Be...
TIRANË- Një aksident ka ndodhur pasditen e sotme pranë Thumanës, ku një person ka humbur jetën. Mësohet se aksidenti ka ndodhur në aksin Mamurras – Fushë K...
Gjyqtarja e Gjykatës Administrative të Shkodrës, Valbona Seknaj Durraj u shkarkua nga detyra prej Komisionit të Pavarur të Kualifikimit, KPK në korrik të vitit ...
TIRANË– 6 persona kanë ndërruar jetë nga pandemia e koronavirusit në Shqipëri. Ministria e Shëndetësisë ka bërë me dije se kanë ndërruar jetë: dy qyt...
DURRËS – Janë identifikuar autori dhe i plagosuri i ngjarjes së sotme në lagjen nr.1 të Durrësit. Agresori që goditi me thikë është Fatjon Vrioni, 36...
DURRËS – Detaje të reja kanë dalë nga plagosja e një personi në lagjen nr.1 të këtij qyteti. Raportohet dy persona, ende të paidentifikuar, në gjendj...
TIRANË – Banorët e Laprakës kanë bllokuar sërish rrugën “Josif Pashko” në kundërshtim ndaj shembjes së banesave të tyre për t’i hap...
TIRANË– Shërbimi Meteorologjik Ushtarak ka bërë parashikimin e motit për ditët e ardhshme në vendin tonë. Sipas parashikimi të SHMU-së, kjo javë do t...
