"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
SHBA– Presidenti i zgjedhur amerikan Joe Biden, pritet të ndërmarrë një goditje të fortë ndaj financave të paligjshme, si në Shtetet e Bashkuara ashtu edhe jashtë saj. Kjo do të jetë nga një prioritetet kryesore të administratës së tij, dhe ky operacion mund të ketë pasoja të mëdha në luftën kundër korrupsionit në mbarë globin.
Biden, që zëvendëspresident drejtoi luftën e administratës Obama kundër korrupsionit dhe kleptokracisë, është zotuar vazhdimisht që ta ketë në fokus këtë luftë edhe si president. Dy vjet më parë, Biden dhe ish-këshilltari i tij Michael Carpenter, paralajmëruan në një shkrim për portalin Politico.com mbi kërcënimin që paraqesin paratë e huaja me origjinë të panjohur,mbi integritetin e zgjedhjeve amerikane.
Biden u bëri sërish jehonë këtyre shqetësimeve në një ese të botuar në“Foreing Affairs” pranverën e këtij viti. “Unë do të drejtoj përpjekjet ndërkombëtare për të bërë transparencë në sistemin financiar global, për të hetuar parajsat e paligjshme fiskale, për të sekuestruar pasuritë e vjedhura, dhe për t’ua bërë më të vështirë jetën udhëheqësve që vjedhin paratë e popullit,për t’i fshehur më pas në kompanitë off-shore”- shkroi ndër të tjera ai.
Ndërkohë edhe emri i përzgjedhur prej tij për postin e këshilltarit të sigurisë kombëtare, Jake Sullivan, i tha Politico-s, se një nga synime e tij kryesore është të bëjë “bashkë aleatët tanë për të luftuar korrupsionin dhe kleptokracinë, dhe për t’i imponuar sistemeve të kapitalizmit autoritar të jenë më transparente dhe të marrin pjesë në një sistem të bazuar tek rregullat”.
Një zyrtar i tranzicionit presidencial, tha se “presidenti i zgjedhur Biden e ka luftën kundër korrupsionit në shtëpi dhe nëpër botë një element kryesor të axhendës së tij”.“Ajo do të jetë absolutisht thelbësore për administratën e ardhshme. Unë mendoj se ai ka një axhendë të gjerë për të luftuar korrupsionin dhe kleptokracinë”- thotë Carpenter, aktual menaxher i Qendrës Penn Biden për Diplomaci dhe Angazhim Global.
Dhe në fakt perspektivat duken premtuese, pasi goditja e korrupsionit dhe përmirësimi i transparencës financiare, gëzojnë mbështetje nga të dy partitë e mëdha. Një ligj që do të krijonte një regjistër të aseteve -dhe që do ta bënte shumë më të vështirë regjistrimin e kompanive off-shore në Shtetet e Bashkuara – është përfshirë në Aktin e Autorizimit të Mbrojtjes Kombëtare, së bashku me një listë ligjesh të tjera anti-korrupsion.
Shtetet e Bashkuara janë një nga ekonomitë e fundit të përparuara, që vazhdojnë të lejojnë krijimin e kompanive anonime off-shore, dhe kjo ka bërë të mundur trafikun e qenieve njerëzore, terrorizmin dhe shmangien e sanksioneve. Aktualisht, kërkohen kontrolle më të rrepta mbi identitetin për t’u anëtarësuar në një bibliotekë, sesa për të hapur një kompani guaskë në çdo shtet të SHBA-së.
Vlerësimet mbi koston e korrupsionit në ekonominë globale, variojnë nga 1 në 2.6 trilionë dollarë në vit, dhe shumica e tyre është në botën në zhvillim. Nëse qoftë edhe një pjesë të atyre parave do të sekuestroheshin dhe përdoreshin nga qeveritë në vendin e tyre të origjinës, kjo shumë do t’i tejkalonte gjithsesi shpenzimet e ndihmës për zhvillim, të cilat në vitin 2018 arritën gati 166 miliardë dollarë në të gjithë botën.
“Do të ndryshohej gjendja e varfërisë globale”- thotë Gary Kalman, drejtori i Transparency International për SHBA-në. Por kjo luftë lidhet direkt edhe me sigurinë kombëtare. Sipas një raporti të botuar në fillim të këtij viti nga Fondi Gjerman Marshall, gjatë dekadës së kaluar, regjimet autoritare, kryesisht Rusia dhe Kina, kanë shpenzuar 300 milion dollarë – duke shfrytëzuar kryesisht boshllëqet ligjore – për të ndikuar në politikën e dhjetëra vendeve në botë.
“Ky plan zbraps vende si Rusia dhe Kina, që e përdorin sistemin tonë shumë të përshkueshëm dhe të errët, për të fshehur paratë e tyre në SHBA, aty ku ato janë më të sigurta, por pastaj edhe herë pas here për t’i përdorur ato për ndikim brenda vendit tonë”-thotë Michael McFaul, ambasador i SHBA-së në Rusi gjatë administratës Obama.
Theksi i Sullivan tek bashkëpunimi me aleatët për këtë mision, ka të ngjarë që të gjejë një gatishmëri të madhe, sidomos në qendrat e tjera kryesore bankare dhe ekonomike. “Britania Madhe është absolutisht e dëshiruar që të fillojë të punojë më ngushtë me SHBA-në në këtë fushë”- thotë Nate Sibley, studiues në Nismën kundër Kleptokracisë në Institutin Hadson, SHBA.
“Këto dy vende janë qendrat kryesore globale financiare”- shton ai. Biden drejtoi politikën e SHBA-së ndaj Ukrainës, ndërsa vendi nisi një rrugë të guximshme por ambicioze të reformave, në prag të revolucionit të vitit 2014. Ai u mbështet shumë tek presidenti i atëhershëm i vendit Petro Poroshenko, për të luftuar korrupsionin.
Madje shkoi deri aty sa të kërcënonte pezullimin e ndihmës prej 1 miliard dollarësh nga SHBA, për t’i bindur ukrainasit të shkarkonin Prokurorin e Përgjithshëm të korruptuar të Ukrainës, Viktor Shokin. Kjo përpjekje, që kishte mbështetje të gjerë nga qeveria e SHBA-së, Bashkimi Evropian dhe Fondi Monetar Ndërkombëtar, u përdor më vonë kundër Biden nga republikanët gjatë fushatës presidenciale të vitit 2020.
Në Amerikën Qendrore, Biden drejtoi një paketë ndihme prej 750 milionë dollarësh, për të adresuar shkaqet kryesore të fluksit të refugjatëve dhe emigrantëve, duke bërë që shumica e fondeve të varen nga përpjekjet anti-korrupsion.
Ai u mbështet tek ish-presidenti i Guatemalës, për të zgjatur mandatin e një komisioni anti-korrupsion të mbështetur nga OKB.Mbështetja e SHBA-së për komisionin u zbeh gjatë administratës Trump, ndërsa ky i fundit kërkoi mbështetjen e Guatemalës për politikat e tij kryesore si ofertën e tij për rizgjedhje. Plani i ekipit të Biden për Amerikën Qendrore, premton ta vendosë “luftën kundër korrupsionit në zemër të politikës së SHBA-së në Amerikën Qendror.
Marrë nga: foreignpolicy
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
Gjykata Supreme e Iranit tha se do të rishikojë rastet e tre të rinjve, të cilët janë dënuar me vdekje në lidhje me protestat anti-qeveritare në nëntorin e viti...
Mijëra protestues u mblodhën në Jerevan të Armenisë, ku sërish kërkuan që kryeministri, Nikol Pashinian të japë dorëheqje lidhur me marrëveshjen kundërthënëse t...
SHBA-Vaksinat Pfizer dhe BioNtech kanë marrë aprovimin për përdorim emergjent në Britaninë e Madhe dhe Bahreinit. Ndërkohë zyrtarë nga vaksina Pfizer janë shpre...
ARGJENTINË-Argjentina ka vendosur një mënyrë të re për përballimin e Covid-19. Sipas mediave të huaja, në vend ka kaluar një ligj, për një taksë të re mbi ...
GREQI-Turqia ka lëshuar një NAVTEX, të ri për stërvitje ushtarake, javën e ardhshme. Sipas mediave të huaja, sipas direktivës detare 1509/20 të lëshuar nga Stac...
KOSOVË- Deputeti i Lëvizjes Vetëvendosje, Dimal Basha ka ofenduar tw dërguarin e presidentit Donald Trump, për dialogun Kosovës -Serbi, Richard Grenell.Sip...
Kur kanë mbetur më pak se shtatë javë nga përfundimi i mandatit të tij katër-vjeçar disa pyetje kanë mbetur ende pa përgjigje mbi Presidentit Donald Trum...
KOSOVË– Autoritetet Shëndetësore në Kosovë bëjnë me dije se 24 orët e fundit kanë humbur jetën 14 persona nga koronavirusi ndërsa janë infektuar 560...
TURQI–Një tërmet me madhësi 5.2 ka tronditur Turqinë. Sipas mediave të huaja, bëhet e ditur se tërmeti u ndje veçanërisht në Rodos. Epiqendra e tij u ra...
Bashkim Osmani, pronar i kompanisë “Laberion”, që merret me prodhimin e lëngjeve në Kosovë, thotë se miratimi i Projektligjit për rimëkëmbje ekonomike, edhe pse...
