Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ambasada amerikane në Beograd reagoi pasi ministri i Jashtëm i Serbisë, Ivica Daçiq, iu bashkua një fushate në internet, duke shkruar në bankënotën 100-dollarëshe me alfabet cirilik “Kosova është Serbi”.
“Në vend se të shkatërrojë bankënotën me imazhin e shkencëtarit të madh amerikan dhe burrështetasit, Benjamin Franklin, ministri Daçiq do të mund të mendonte ndoshta për thënien e tij: ‘Ji në luftë me veset tuaja, e në paqe me fqinjët”, thuhet në përgjigjen e Ambasadës së SHBA-së në Beograd dërguar Shërbimit të Ballkanit të Radios Evropa e Lirë.
Presidenti i Kosovës, Hashim Thaçi, tha se fushata, në të cilën ka marrë pjesë edhe zyrtari i lartë serb, është denigruese për vetë serbët.
Daçiq, në një deklaratë për gazetën serbe “Blic”, e arysetoi qasjen e tij, duke thënë: “Kjo është politika jonë shtetërore, këtë e them vazhdimisht dhe pse mos ta shkruaj”.
Ai po ashtu tha se paratë nuk ishin të tijat dhe se qasja e tij nuk ka lidhje me Shtetet e Bashkuara.
Sipas mediave serbe, Daçiq tha se fjalët “Kosova është Serbi” do t’i shkruante në bankënotën e secilit vend që e thotë të kundërtën.
Në mbrojtje të ministrit Daçiq u shpreh udhëheqja e Partisë Socialiste të Serbisë, e cila kryesohet nga Daçiq.
“Mbi shefin e diplomacisë serbe, Ivica Daçiq, bëhet presion i madh, me kërcënime të hapura për vdekje”, tha Vlladan Zagragjanin, zyrtar i Partisë Socialiste të Serbisë.
Sipas nënkryetarit të Qendrës joqeveritare për Politikë të Jashtme në Serbi, Dragan Gjukanoviq, fakti që Daçiq i është bashkuar fushatës në internet nuk ka asnjë efekt diplomatik.
“…ndërsa sa i përket nivelit simbolik, nuk shoh se cili është mesazhi dhe pse shkruhet në bankënota. Në anën tjetër, nuk mendoj se kjo do ta ndryshojë gjendjen në terren”, tha Gjukanoviq.
Si ka nisur kjo?
Në deklaratën e kryeministres së Serbisë, Ana Bërnabiq, e cila, duke folur për udhëheqësit e Kosovës, tha se ka punë me “njerëz që kanë dalë prej malit”, qytetarët e Kosovës reaguan me një fushatë në internet, duke postuar fotografi me hashtag-un #LiterallyJustEmergedFromTheWoods, që do të thotë “të sapodalë nga mali”.
Disa ditë më vonë, pronari i kafenesë në Beograd “Pavle Korçagin”, Vojin Cuciq, iu bëri thirrje ndjekësve në mediat sociale që në bankënotat e dollarit dhe euros të shkruajnë “Kosova është Serbi” dhe fotografitë e tyre t’i shpërndajnë online.
“Sikur secili serb të shkruante vetëm një bankënotë, kjo do të ishte fushatë e mrekullueshme”, thuhet në një nga postimet në Instagram të kësaj kafeneje.
Aksioni u zhvillua me mbishkrime edhe në bankënotat e Australisë, Danimarkës, Arabisë Saudite, Britanisë së Madhe dhe disa vendeve të tjera.
Fushata mori vëmendje më të madhe pasi asaj iu bashkua ministri serb, Daçiq.
Disa qytetarë të Kosovës u kundërpërgjigjën, duke postuar në mediat sociale bankënota me mbishkrimin “Kosova është Kosovë”. Në mesin e këtyre bankënotave u vërejt edhe dinari serb.
A është shkelje shkrimi në bankënota?
Dëmtimi i një monedhe, sipas ligjit në Shtetet e Bashkuara, është shkelje që dënohet me gjobë financiare ose burgim deri në gjashtë muaj, por vetëm në se dëmtimi “bëhet me qëllim që letrat me vlerë të bëhen të papërshtatshme për përdorim”.
Nga kjo rrjedh se rregulloret amerikane nuk e ndalojnë shkruarjen e mesazheve në bankënota, përveç nëse ato dëmtohen aq shumë saqë nuk mund të përdoren.
Në Serbi, shkruarja në bankënota nuk është kundërvajtje, por bankënotat e dëmtuara konsiderohen të papërshtatshme për qarkullim.
Marrë nga BLIC
Tirana është boshatisur për ditët e pushimit. Cilën nga ritet e shenjta po ndiqni:
SHBA- Katër adoleshentë të Oklahomës kishin planifikuar të kalonin mbrëmjen që të dilnin së bashku. Ata nuk kishin idenë se deri në kohën kur do të mbaronin mbr...
Presidenti i Kosovës Hashim Thaçi, i cili po merr pjesë në Forumin “GloboSec”, në të njëjtin panel me homologun e tij serb Aleksandar Vuçiq dhe at...
Në fjalimin e saj drejtuar studentëve të diplomuar në Teatrin Tercentenar, kancelarja gjermane, Angela Merkel kujtoi jetën në Gjermaninë Lindore nën sundimin so...
LONDËR- Melania Geymonat, 28-vjeçe dhe Chris ndodhi në një autobus në qytet, teksa udhëtonin për në Camden Town në orët e para të mëngjesit më 30 ma...
Dy djemtë e presidentit Donald Trump, Eric dhe Donald J. Trump e kanë shijuar shumë turin e vizitave në Irlandë.Duke pirë dhe kërcyer në një lokal në Irlandë, a...
E gjitha bota e fubollit i kishte sot sytë nga Madridi aty ku u luajt finalja e shumëpritur e Champions League. Liverpool u shpall kampion i Evropës. Skuadra an...
SHBA- Në një qeli të një burgu në Cleveland, Ohio ka ndodhur një ngjarje e rëndë pasi dy gardianë kanë rrahur brutalisht një të burgosur me probleme mendore.Sip...
KORE E VERIUT– Ngjarja më e rëndësishme e propagandës së Koresë së Veriut, “Lojrat Olimpike”, është ndalur pas kritikave nga udhëheqësi i vend...
Futbollisti italian, Marko Verrati ka pranuar publikisht lidhjen e tij me kamarieren seski, Xhesika Aidi.Ky i fundit i mahnitur nga bukuroshja super seksi brakt...
SHBA- Një 54-vjeçar, i cili është i lidhur me një modele 26 vjeçare, thotë se tashmë janë mësuar se të jenë në qendër të vëmendjes kur ata dalin n...
