6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Ambasada e Shteteve të Bashkuara në Tiranë ka reaguar në lidhje meopinionin e publikuar nga Komisioni i Venecias, në lidhje me emërimet në Gjykatën Kushtetuese. Përmes një statusi në rrjetet sociale, duke bashkëngjitur edhe shkrimin e ambasadores Yuri Kim, ambasada e SHBA-ve shkruan se është dakort me Venecian, duke i dhënë të drejtë Presidentit Ilir Meta në lidhje me emërimet në Kushtetuese.
Ndër të tjera, në reagim, thuhet se udhëheqësit duhet të përgjigjen për detyrimin e tyre për të siguruar që Gjykata Kushtetuese të jetë funksionale, për t’i dhënë qytetarëve Reformën në Drejtësi që iu detyrohen, dhe për të siguruar të ardhmen e Shqipërisë.
REAGIMI I PLOTË
Këtë javë, pata mundësinë të vizitoja Krujën, kështjellën e heroit të Shqipërisë, Skënderbeut. Përballë sulmesh të njëpasnjëshme nga forca ushtarake më e madhe e kohës, Skënderbeu nuk u dorëzua. Përkundrazi, bashkoi vendin, refuzoi të hiqte dorë, dhe në fund doli fitimtar pavarësisht të gjitha gjasave. Katër vjet më parë, parlamenti – në përgjigje të kërkesave të popullit shqiptar – miratoi Reformën në Drejtësi. Pavarësisht gjithçkaje, zbatimi ka pasur përparim real: shumica e institucioneve të kërkuara janë ngritur, vetingu ka larguar gjyqtarë dhe prokurorë që nuk shpjegojnë dot pasurinë e tyre, dhe gjyqtarë dhe prokurorë të rinj po trajnohen dhe merren në punë. Reforma në Drejtësi ka qenë e dhimbshme, e ngadaltë dhe e papërsosur, por po ecën përpara dhe duhet të vazhdojë në mënyrë që Shqipëria të sigurojë të ardhmen e saj si një anëtar edhe më me vlerë i NATO-s dhe anëtare e plotë e e Bashkimit Evropian. Reforma në Drejtësi është në një fazë kritike. Ka bërë përparim të mjaftueshëm për të frikësuar ata që nuk e duan atë, por ende jo aq përparim sa të përmbushë kërkesat e popullit shqiptar për një sistem drejtësie që ka veçori integritetin dhe pavarënë. Prandaj, ata që kanë frikë nga Reforma në Drejtësi janë në sulm. Ata që e duan Reformën në Drejtësi duhet të gjejnë frymëzim tek fryma e Skënderbeut, tani më shumë se kurrë.
Katër vjet pas përballjes me pengesa të shumta, është e natyrshme të ndjesh lodhje dhe ndoshta shkurajim. Por nëse shohim atë që është përftuar pavarësisht pengesave – dhe se sa shumë mund të përftohet për brezin e ardhshëm – atëherë ky është pikërisht momenti kur duhet të dyfishojmë përpjekjet dhe të shtyjmë përpara drejt synimit tonë. Opinioni i fundit i Komisionit të Venecias mbi Emërimin në Shqipëri të Gjyqtarëve në Gjykatën Kushtetuese ofron një mundësi për të gjitha palët që të bëhen bashkë për të çuar përpara reformën në drejtësi. Nuk është rasti për akuza apo valle fitoreje. Asnjë institucion nuk ishte tërësisht fajtor. Asnjë institucion nuk e kishte tërësisht drejt apo tërësisht gabim. Komisioni i Venecias pranon se ekzistojnë interpretime të ndryshme, legjitime të dispozitave ligjore, të cilat “çuan në emërimin me pikëpyetje të dy gjyqtarëve’ për të njëjtin vend në Gjykatën Kushtetuese. Është me rëndësi që as presidenca dhe as parlamenti nuk është një gjykatë me autoritetin për të vendosur se si duhet ecur përpara kur në legjislacion ka një boshllëk. Komisioni i Venecias vë në dukje se “Varet nga Gjykata Kushtetuese që të vendosë për interpretimin e dispozitave të Kushtetutës në një situatë që nuk parashikohet në procesin e hartimit.” Kjo këshillë thekson urgjencën e ngritjes së një Gjykate Kushtetuese funksionale sa më shpejt që të jetë e mundur. Në vend që të ngecin në qëndrimet e tyre, tani është përgjegjësi e udhëheqësve të Shqipërisë që të ndjekin këshillën e qartë të Komisionit të Venecias: “Kultura dhe pjekuria demokratike kërkojnë përmbajtje institucionale, mirëbesim dhe respekt të ndërsjellë midis institucioneve të shtetit.”
Opinioni i Komisionit të Venecias hap një shteg përpara. Me qëndrimin në detyrë të gjyqtarëve të tanishëm, është e mundur që gjykata të arrijë kuorumin në vitin 2020. Presidenca dhe Parlamenti duhet të angazhohen në dialog përpara se të marrin listat e kandidatëve për emërimet. Edhe një herë, duhet të ekzistojë të kuptuarit e përbashkët të zbatimit për të harmonizuar ndonjë interpretim mosdakordësues të ligjit. Duke rikujtuar shembullin e Skënderbeut, Ambasada e SHBA është në një mendje me Komisionin e Venecias: përballë korrupsionit dhe padrejtësisë – armiku ynë i përbashkët tek dera – populli i Shqipërisë duhet të bashkohet dhe udhëheqësit duhet të përgjigjen për detyrimin e tyre për të siguruar që Gjykata Kushtetuese të jetë funksionale, për t’i dhënë qytetarëve Reformën në Drejtësi që iu detyrohen, dhe për të siguruar të ardhmen e Shqipërisë.
Pak ditë më parë Komisioni i Venesias publikoi opinionet për dy çështje, emërimet në Gjykatën Kushtetuese dhe paketën antishpifje. Sipas Komisionit të Venecias për emërimet e gjyqtarëve kishte të drejtë Presidenti Ilir Meta dhe kishte bërë gjënë e duhur me moslejimin e betimit të Arta Vorpsit. Ndërkohë për ligjin e medias që njihet si paketa antishpifje, Venecia kritikon qeverinë dhe shprehet se AMA duhet të jetë një ogran i pavarur dhe ligji cënon lirinë e medias.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Deputeti Ralf Gjoni ka sqaruar sherrin me Halit Valterin në Kuvend. Në një intervistë në News 24, Gjoni tha se ka qenë gjithçka një keqkupti...
TIRANË– Kryeministri Edi Rama tashmë ka hapur edhe kanalin e tij në Youtube. Për ta bërë “sefte”, Rama ka shpërndarë prapaskenat e intervistës me gaz...
TIRANË- Kuvendi i Shqipërisë ka mbyllur sot seancën e radhës penale, ku pas diskutimeve të shumta janë votuar dhe projektligjet dhe Aktet Normative që ishi...
TIRANË– Kryeministri Edi Rama në fjalën e tij në Kuvend tha se politika në Kosovë ka mbështetur Gjykatës Speciale, duke treguar se nuk kanë asgjë për të fs...
TIRANË- Deputetja e Rudina Hajdari, pas fjalës së Ramës për aktakuzën kundër Hashim Thaçit dhe Kadri Veselit dhe e quajti kryeministrin si Fidel Kas...
TIRANË- Kryeministri Edi Rama në fjalën e tij në Kuvend ka thën se aktakuza e djeshme nga Prokuroria Speciale nxirrte si UFO, Hashim Thaçi dhe Kadri...
KUSH ËSHTË PANDELI CARAPULI?Pandeli Carapuli është një prej oligarkëve më të mëdhenj shqiptarë, ndërtuesi i shtëpisë së Ramës në Surrel të Dajtit, i l...
TIRANË– Partia Demokratike ka nisur sot zyrtairsht fushatën elektrorale, duke nisur garën për përzgjedhjen e emrave si kandidatë për deputetë dhe për...
TIRANË– Kryeministri Edi Rama ka marrë sot në mbrotje, Hashim Thaçin dhe Kadri Veselin, të cilët janë akuzuar për krime lufte. Në fjalën e tij në Ku...
TIRANË- Kreu i qerverisë, Edi Rama, nga foltorja e Kuvend ka thënë se bombardimet në Serbi u bënë nga NATO dhe krimet e luftës janë hetuar nga 6 gjykata de...
