Blerina Bala zgjidhet kryebashkiake e komanduar në Himarë/ Banorët shkaktojnë tensione në mbledhje, një prej tyre pështyn Tavon
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 ME 15 vota pro,...
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 ME 15 vota pro,...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
TIRANË– Oerd Bylykbashi, përfaqësuesi i Partisë Demokratike në Këshillin Politik, u shpreh se Opozita nuk ka se çfarë të draftojë pasi koalicionet që ata kërkojnë janë aktualisht funksionale. Bylykbashi u shpreh pas përfundimit të Këshillit Politik se Gjiknuri ka kohë të reflektojë dhe së duan që ODIHR, në bazë të marrëveshjes së 14 janarit, të ndërhyjë në lidhje me hapjen e listave.
“Opozita bëri të qartë qëndrimin e saj në lidhje me ruajtjen e koalicioneve zgjedhore, siç janë sot në Kodin Zgjedhor, një çështje që ka funksionuar prej 17 vjetësh pa asnjë problem dhe nuk ka asnjë rekomandim kundër koalicioneve, si dhe për hapjen 100 përqind të listave të kandidatëve në zgjedhjet e ardhshme. Ajo që kërkon opozita është që zgjedhësit të kenë të drejtë që të zgjedhin, pra të përcaktojnë ata deputetët në parlament dhe, po zgjedhësit, të kenë të drejtë të votojnë partinë që duan ata. Koalicionet me listë të përbërë e lejojnë këtë mundësi. Ajo që kërkon maxhoranca është që t’u heqë zgjedhësve mundësinë e listave 100 përqind të hapura për kandidatët dhe t’i ketë pjesërisht të mbyllura. T’u heqë mundësinë zgjedhësve të zgjedhin lirisht partinë politike që ata duan. Këto janë qëndrime diametralisht të kundërta me parimet që ka Kushtetuta për procesin zgjedhor mbi bazën e marrëveshjes së 14 Janarit, e cila është themeli i punës së Këshillit Politik. Ne, për çështje që nuk kemi dakordësi, sipas kësaj marrëveshje kemi të drejtën t’i drejtohemi OSBE/ODIHR për të dhënë opinion për çështjet, kur nuk gjendet konsensus. Bëmë këtë propozim që u refuzua nga përfaqësuesi i maxhorancës.
Ai shprehu qartë qëndrimin se nuk është dakord të marrë opinionin e OSBE/ODIHR. Ne i japim kohën që të reflektojnë dhe jemi gati që nesër të nënshkruhet kjo kërkesë e përbashkët dhe po nesër të vazhdojë puna për hapjen 100 përqind të listave dhe për gjithë çështjet e tjera,”- tha Bylykbashi.
Pyetje: Nëse maxhoranca vazhdon e vetme, cili do të jetë qendrim juaj?
Oerd Bylykbashi: Afatet që vendos maxhoranca për veten e vet, por jo në interesin e zgjedhësve, janë problemi i saj. Ky Këshill Politik nuk është këtu për të bërë fasadën e maxhorancës. Kemi një kushtetutë, e cila është ndryshuar brenda vetëm një jave dhe, po kështu, duan që sistemi zgjedhor të mbyllet pa asnjë diskutim, brenda dy javëve, ndërkohë që propozuesit e ndryshimeve, sot erdhën dhe thanë, për turpin e tyre, që nuk kanë një draft. Kjo ose është një gënjeshtër, ose është mungesë serioziteti absolut.
PD, Opozita e Bashkuar, e ka shumë të thjeshtë çështjen: koalicionet janë sot në Kodin Zgjedhor dhe nuk ka nevojë ç’të draftohet. Funksionojnë perfekt, me çdo lloj sistemi zgjedhor, janë pjesë e sistemit politik prej 17 vitesh dhe janë sot në Kushtetutë. Në nenin 96 të Kushtetutës, koalicionet paraqeveritare, pra, zgjedhore, ekzistojnë sot dhe nuk kemi ç’t’i shkruajmë. Në Kod Zgjedhor janë të mirëshkruara formula për shpërndarjen e mandateve, të cilën Komisioni i Venecias e bën fare të qartë qe nuk duhet ndryshuar më vonë se 1 vit para datës së zgjedhjeve, është dakortësuar në paketën e 5 Qershorit. Pra, për ne, kjo pjesë është e mbyllur.
Meqë nuk kemi dakordësi dhe meqë janë ata që duan të sjellin një sistem ndryshe nga ai që ekziston sot, ai sistem që u garanton sot shqiptarëve listë të hapur të partive politike, pra, të zgjedhin në mënyrë të veçantë cilën parti ata duan, për propozimin që bëjnë dhe mosdakordësinë që kemi, bashkë me ne, t’i drejtojmë një kërkesë OSBE/ODIHR-it.
Në lidhje me pyetjen përsa i përket listës së hapur 100%, për ne kjo është shumë e qartë, shumë e thjeshtë. Ata bëjnë propozimin dhe në momentin që sjellin listën e hapur 100%, nuk ka fare nevojë të zgjatemi, mund të mbyllet edhe brenda dy ditësh kjo si çështje, pa humbur kohë fare.
Kështu që, duke firmosur nesër bashkarisht këtë shkresë, gjithashtu, po nesër, fillon puna, pa humbur kohë për hapjen e listave 100%, që sistemi zgjedhor të jetë në interesin e zgjedhësve shqiptarë, jo në interesin e e një kryeministri që ka hallin si të humbasë sa më pak.
Pyetje: Po pragun elektoral dhe dy çështjet e tjera do të sillni ndonjë propozim?
Oerd Bykykbashi: Kjo është një çështje e diskutueshme brenda kornizës. Nuk ka asnjë pozicion të rëndësishëm, përsa na përket ne. As në të shkuarën, nuk ka qenë çështje e pazgjidhshme. Ajo që ne duhet, pa humbur kohë, është të biem dakord për çështjet themelore: të ruajmë koalicionet kështu siç janë, që zgjedhësit të kenë mundësi të zgjedhin partitë dhe hapim listat 100%, që zgjedhësit të kenë mundësi të zgjedhin kandidatin. Pas kësaj, çdo gjë tjetër është e thjeshtë dhe është vetëm teknike.
Të njëjtën gjë shtoi edhe Vasili. Përfaqësuesi i Lëvizjes Socialiste për Integrim, u shpreh përpara mediave, se ata kanë të drejtë t’i drejtohen ODIHR për çështje që nuk dakordësohen me maxhorancën.
“Është vërtet skandaloze, që një vend si Shqipëria, që ka marrë përsipër të drejtojë OSBE, është drejtuesja e radhës bllokon çdo komunikim me të. Së dyti, siç patët ta ndiqni nga Gjiknuri, mazhoranca erdhi në këshill me qëllime shumë të përcaktuara, dhe në Këshill erdhi pa pasur asnjë draft ligjor për këtë çështje, Së treti, situata është akoma më skandaloze pasi ndërkohë që demonstrojmë një preokupacion për të ecur shpejt, dhe akuzat se ne po e vonojmë, refuzuan që të vazhdojnë diskutimin e tyre që nesër. Lidhet me bllokimin që i bëjnë Këshillit Politik, zgjedhje të njëanshme, këta nismëtarë kaq të sigurt s’kanë bërë asnjë draf të vetëm. Dua të mbetet në rekordet, që Shqipëria që drejton OSBE bllokon komunikimin e OSBE. Standarte të njëanshme duke bërë precedentin më të turpshëm,”- tha Vasili.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Përfaqësuesi i maxhorancës, Damian Gjiknuri ka kërkuar që Opozita jashtëparlamentare të sjellë draftin e plotësuar. Gjiknuri, pas mbylljes së mbled...
TIRANË– Përfaqësuesit e palëve kanë dalë pa dakortësi nga mbledhja e Këshillit Politik, i cili u mboldh me kërkesën e Partisë Socialiste pasditen e sotme, ...
TIRANË– Kryeministri Edi Rama dhe Presidenti turk Rexhep Taip Erdogan nuk u takuan në asnjë rezidencë verore, ashtu sic deklaroi vetë kreu i Qeverisë shqip...
TIRANË– Dosja.al ka zbardhur detaje nga mbledhja e Këshillit Politik, që u zhillua për dy orë mbrëmjene sotme. Mësohet se Gjiknuri ka kërkuar që Opozita Pa...
TIRANË– Rudina Hajdari ka dalë e par nga mbledhja e Këshillit Politik. Me tone të ashpra, Hajdari ka braktisur tavolinën ku po diskutohet në lidhje me hapj...
TIRANË– Besa Shahini, ish-ministrja e Arsimit në Shqipëri, ka bërë reagimin e parë pasi u largua nga detyra e saj. Përmes një statusi në rrjetet soci...
TIRANË– Evis Kushi, personi që mori sot në duar çelësat e Ministrisë së Arsimit nuk është një emër i panjohur për publikun. Ajo ka lindur në Elbasan...
TIRANË– Presidenti Ilir Meta ka publikuar një video prekëse ku një vajzë e vogël, me emrin Denisa, shihet teksa qan pasi nuk ka mundësi të vazhdiojë shkoll...
TIRANË– Kryeministri Edi Rama i ka dhënë lamtumirën ministres së Arsimit, Besa Shahini. Në një takim të zhvilluar pasditen e sotme, Rama u paraqiten përpar...
SHKODËR– Ministri i Brendshëm Sandër Lleshaj ka konfirmuar se do të jetë në krye të Ministrisë së Brendshme edhe në zgjedhjet e ardhshme. Nga Shkodra, disa...