"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
•Një atentat me armë zjarri ka tronditur mbrëmjen e sotme qytetin e Lezhës. • Persona të paidentifikuar kanë qëlluar me kallashnikov ndaj Eno Nikulajt, kusheririt të Ardian Nikulajt. • Ky i fundit u vra brenda lokalit të tij në Shëngjin më 19 prill të këtij viti. • Autorët e atentatit janë ende në kërkim. •Eno Nikulaj ndërroi jetë në spitalin rajonal të Lezhës. • Raportohet se autorët e atentatit janë larguar nga vendngjarja me një BMW me targa të cilat ishin vjedhur në Tiranë. • Një makinë e djegur është gjetur në Rinas, ku dyshohet se i përket autorëve të vrasjes së Eno Nikulajt. • Ende nuk dihen shkaqet e vrasjes, ndonëse dyshohet se motivi është gjakmarrja.
7 artikuj për këtë temë.
LEZHË- Është publikuar fotoja e 40-vjeçarit Eno Nikulaj, i cili u ekzekutua mbëmjen e sotme në Lezhë. Viktima ishte kushëririri i biznesmenit, Ardian Nikulaj që u vra me 19 prill të këtij viti.
Mësohet se Eno ishte në lëvizje me një makinë tip fuoristradë, kur është qëlluar me armë zjarri. Autorët ende të paidentifikuar janë larguar nga vendngjarja me një mjet tip “BMW” me targa të vjedhura në Tiranë.
Pas ngjarjes, një mjet është gjetur i djegur në afërsi të aeroportit të Rinasit, dhe paraprakisht dyshohet se u përket autorëve.
TIRANË- Një makinë është gjetur e djegur në Rinas menjëherë pas atentatit në Lezhë , ku u ekzekutua me armë zjarri Eno Nikulaj, kushëriri i biznesmenit Ardian Nikulaj, i cili u vra në muajin prill në lokalin e tij në Shëngjin.
Paraprakisht dyshohet e makina e djegur i përket autorëve, të cilët kanë marrë pjesë në atentatin e kësaj të shtune.
Ndërkohë policia ka ngritur pika kontrolli dhe po punon për identifikimin dhe kapjen e tyre. Kujtojmë se Eno Nikulaj ndërroi jetë në spitalin rajonal të Lezhës, për shkak të plagëve të marra.
LEZHË- Detaje të reja janë zbardhur nga atentati i ndodhur pak më parë në qytetin e Lezhës ku mbeti i plagosur Eno Nikulaj, kushëriri i biznesmenit Ardain Nikulaj, i cili u ekzekutua disa muaj më parë në lokalin e tij në Shëngjin.
Autorët kanë qenë me një makinë “BMW” me targa AB 138 HT. Targat janë vjedhur në 29 nëntor të 2023 te komisariati nr. 6 në Tiranë në Kombinat.
LEZHË- Një atentat me armë zjarr ka ndodhur mbrëmjen e sotme në Lezhë, ku i plagosur rëndë ka mbetur Eno Nikulaj, i cili është kushëririri i biznesmenit, Ardian Nikulaj që u vra me 19 prill të këtij viti.
Policia ka dalë më një komunikatë zyrtare për ngjarjen e rëndë ku bën me dije se i plagosur është transportuar në spital në një gjendje shumë të rëndë, ndërsa janë ngritur grupe kontrolli për lokalizimin e autorëve.
NJOFTIMI I POLICISË:
Rreth orës 21:30, në aksin rrugor “Lezhë-Shkodër”, në vendin e quajtur “Ura e trenit”, në rrethana ende të paqarta, është qëlluar me armë zjarri në drejtim të automjetit që drejtohej nga shtetasi E. N., 40 vjeç, banues në Shëngjin. Si pasojë është plagosur shtetasi E. N., i cili është transportuar në gjendje shumë të rëndë, në spitalin e Lezhës, për ndihmë mjekësore.Për këtë ngjarje është ngritur menjëherë një grup i posaçëm hetimor, si dhe janë ngritur pika kontrolli në të gjitha akset rrugore. Ndërkohë, vijon intensivisht kontrolli i zonës.
LEZHË- Mbrëmjen e sotme një atentat ka ndodhur në qytetin e Lezhës, ndaj kushëririt të Ardian Nikulajt, Eno Nikulajt.
Mësohet se Eno ishte në lëvizje me një makinë tip fuoristradë, kur është qëlluar me armë zjarri.
Raportohet se nikulaj është dërguar në spital dhe ende nuk dihet nëse ka ndërruar jetë.
LEZHË- Një atentat me armë zjarri ka ndodhur mbrëmjen e sotme në Lezhë para pak minutash.
I plagosur rëndë ka mbetur Eno Nikulaj, djali i xhaxhait të Ardjan Nikulajt, biznesmenit që u vra në lokalin e tij më 19 prill të këtij viti.
Mësohet se Eno Nikulaj u qëllua me kallashnikov te Porta e Ujësjellësit të Lezhës. Dyshohet se shkaku i atentatit të jetë hakmarrja.
Ardian Nikulaj u vra më 19 prill brenda lokalit të tij në Shëngjin. Porositës dhe organizator është Edmond Haxhia i cili ka rënë në pranga, së bashku me tre britanikë Thomas Mithan, Steve Hunt dhe Harriet Bridgeman. Të katër këta janë prangosur, pasi autoritetet britanike kanë pranuar si të ligjshme kërkesën e bërë nga Policia e Shtetit. Për këtë ngjarje mbetet në kërkim Harry Simpson, i akuzuar gjithashtu si bashkëpunëtor. Ruben Saravia iku nga Shqipëria përmes Doganës së Kapshticës, bashkë me britanikun Harry Simson, në drejtim të Greqisë. Nuk dihet se çfarë rruge ka ndjekur portugezi për të mbërritur deri në Marok. Britanikët dyshohet se kanë qenë informatorë, ata kanë qëndruar pikërisht në resortin në pronësi të biznesmenit Ardian Nikulaj dhe sipas hetuesve, ata kanë vëzhguar për ditë me radhë lëvizjet e tij dhe të stafit, të cilat më pas ia raportonin portugezit Ruben Saraiva.
LEZHË- Të shtëna me armë zjarri janë raportuar pak më herët në qytetin e Lezhës.
Sipas informacioneve i vrarë ka mbetur një person. Ende nuk dihen rrethanat e ngjarjes.
