U gjet brenda banesës së djegur në Pogradec/ Zbardhet dinamika e vrasjes së 52-vjeçares, arrestohet autori i dyshuar, motivi i krimit ende mister

Kozeta Teço dhe Ilirjan Selmani

POGRADEC- Prokuroria e Korçës ka lëshuar urdhër arresti për Ilirjan Selmanin, i cili u ndalua si autor i dyshuar i vrasjes së 52-vjeçares Kozeta Teço. Bëhet me dije se gjatë marrjes në pyetje, Selmani ka mbajtur qëndrim mohues. Nga ana tjetër mësohet se policia dhe prokuroria e Korçës kanë grumbulluar prova të mjaftueshme të cilat dokumentojnë të gjithë dinamikën.

Nga hetimet paraprake rezulton se autori, mbrëmjen e së djelës e kishte kaluar në shtëpinë e 52 vjeçares me të cilën kishte një lidhje. Gjithashtu dyshohet se mes tyre të ketë patur një konflikt të çastit, e cila ka përfunduar në ngjarjen e rëndë. Mësohet po ashtu se Selmani njihej nga policia si përdorues i lëndëve narkotike dhe thuhet se ai shpesh herë shfaqte simptoma depresioni. 

52-vjeçarja Kozeta Teço u gjet e pajetë mëngjesin e sotëm në apartamentin e saj në Pogradec të përfshirë nga flakët teksa dyshimet janë për një vrasje të kryer nga i dashuri i saj. Grupi hetimor ka dyshimet kryesore se zjarrvënia ka qenë e qëllimshme dhe se viktima mund të jetë vrarë.

Raportohet se ekspertët mjeko-ligjorë kanë konstatuar shenja të jashtme dhune duke rritu akoma më shumë dyshimet. Pista kryesore mbi të cilën po punohet është ajo e një konflikti. 

Kozeta Teço dhe Ilirjan Selmani

POGRADEC- Të tjera detaje vijojnë të dalin nga ngjarja e rëndë e raportuar sot ku 52-vjeçarja Kozeta Teço u gjet e pajetë në apartamentin e saj në Pogradec të përfshirë nga flakët teksa dyshimet janë për një vrasje të kryer nga i dashuri i saj. Grupi hetimor ka dyshimet kryesore se zjarrvënia ka qenë e qëllimshme dhe se viktima mund të jetë vrarë.

Sipas raportimeve në media, i dyshuar për kryerjen e krimit Ilirjan Selmani, dyshohet se kishte një lidhje intime prej 8 vitesh me viktimën. Ngjarja dyshohet të ketë ndodhur në orët e para të mëngjesit pas një konflikti mes tyre ndërsa gjatë debatit, Selmani dyshohet se e ka goditur me një mjet prerës në qafë dhe në krah Teçon, duke i shkaktuar plagë të rënda.

Gjatë arrestimit, Ilirjan Selmani, e ka mohuar vazhdimisht të jetë autori i vrasjes. Ishin kamerat e sigurisë që ndihmuan grupin hetimor të bien në gjurmët e një të dyshuari, i cili u pa pranë pallati në lagjen numër 1 në Pogradec, dhe që hidhte në koshin e mbeturinave disa sende.

Kozeta Teço

POGRADEC- Personi në foto është 52-vjeçarja Kozeta Teço e cila u gjet e pajetë mëngjesin e sotëm në apartamentin e saj në Pogradec të përfshirë nga flakët teksa dyshimet janë për një vrasje të kryer nga i dashuri i saj. Grupi hetimor ka dyshimet kryesore se zjarrvënia ka qenë e qëllimshme dhe se viktima mund të jetë vrarë.

Raportohet se ekspertët mjeko-ligjorë kanë konstatuar shenja të jashtme dhune duke rritu akoma më shumë dyshimet. Pista kryesore mbi të cilën po punohet është ajo e një konflikti për motive pronësie. Ndërkohë, një person i dyshuar si autor i vrasjes është arrestuar nga policia.

Gjatë arrestimit, Ilirjan Selmani, i cili dyshohet se kishte dhe lidhje intime me viktimën e ka mohuar vazhdimisht të jetë autori i vrasjes. Ishin kamerat e sigurisë që ndihmuan grupin hetimor të bien në gjurmët e një të dyshuari, i cili u pa pranë pallati në lagjen numër 1 në Pogradec, dhe që hidhte në koshin e mbeturinave disa sende.

autori

POGRADEC- Kozeta Teço nuk humbi jetën nga zjarri i rënë në banesën e saj, por u vra nga një person. Pas arrestimit të autorit të dyshuar të krimit është zbardhur edhe dinamika e ngjarjes. 

Paraditen e sotme rreth orës 06:00 u njoftuar se 52-vjeçarja ishte gjetur e pajetë në banesë dhe se kishte ndërruar jetë nga asfiksia. Më pas në trupin e viktimës u konstatuan shenja mbytjeje dhe dëmtimesh me mjet prerës. Kështu hetimet u drejtuan nga pista e vrasjes. 

Grupi hetimor mbërriti në vendin e ngjarjes pas këtyre dyshimeve dhe gjatë kontrolleve pranë pallatit ku jetonte viktima, u gjetën në një kosh mbeturinash peshqirë dhe kartopeceta me gjak. Sendet ka dyshime se janë përdorur nga autori i dyshuar, tashmë i vënë në pranga, Ilirjan Selmani. 

Ishin kamerat e sigurisë që ndihmuan grupin hetimor të bien në gjurmët e autorit, i cili u pa pranë pallatit teksa hidhte në koshin e mbeturinave sendet e sipërpërmendura. Më pas raportohet se autori i ka vënë zjarrin banesës për të zhdukur provat që e inkriminojnë në vrasje.

Për të sqaruar dyshimet ndaj tij, policia e ka shoqëruar nga komisariati drejt banesës ku ndodhi vrasja për të kryer eksperimentin hetimor. Pas daljes nga banesa, ai e ka mohuar vazhdimisht të jetë autori i vrasjes së 52-vjeçares me të cilën dyshohet se kishte lidhje intime. Ndërkohë vijojnë hetimet për të zbardhur motivin e vrasjes. 

arrestimi

POGRADEC- Autori i dyshuar i vrasjes së 52-vjeçares, Kozeta Teço në Pogradec është arrestuar pak më herët nga policia. Gjatë arrestimit, Ilirjan Selmani, i cili dyshohet se kishte dhe lidhje intime me viktimën e ka mohuar vazhdimisht të jetë autori i vrasjes. Teksa u pyet nga gazetarët “pse e bëre vrasjen” ai u përgjigj “çne unë mo?”.

Ishin kamerat e sigurisë që ndihmuan grupin hetimor të bien në gjurmët e një të dyshuari, i cili u pa pranë pallati në lagjen numër 1 në Pogradec, dhe që hidhte në koshin e mbeturinave disa sende.

52-vjeçarja u gjet e vdekur në banesën e saj të djegur nga zjarri. Fillimisht u raportua se Teço kishte humbur jetën nga asfiksia, ndërsa më vonë në trupin e saj u konstatuan shenja dhune. 

Viktima nuk kishte fëmijë dhe as nuk ishte e martuar, ndërsa jetonte në kushte shumë të vështira ekonomike. Bëhet me dije se ishte motra e saj që e ndihmonte financiarisht.

Foto

POGRADEC- Detaje të reja janë zbardhur në lidhje me vdekjen e 52-vjeçares Kozeta Teço në Pogradec. Ajo u gjet e pajetë në banesën e saj në Pogradec. Banesa u gjet e djegur ndërsa dyshimet e para ishin se shkak i vdekjes ishte asfiksia.

Ndërkohë tani është hapur një pistë e re hetimesh pasi ka dyshime se pas vdekjes së saj fshihet ndonjë rast kriminal. Grupi hetimor ka dyshimet kryesore se zjarrvënia ka qenë e qëllimshme dhe se viktima mund të jetë vrarë.

Raportohet se ekspertët mjeko-ligjorë kanë konstatuar shenja të jashtme dhune duke rritu akoma më shumë dyshimet. Pista kryesore mbi të cilën po punohet është ajo e një konflikti për motive pronësie. Policia ka sekuestruar pamjet e kamerave të sigurisë të dy objekteve pranë pallatit  ndërsa janë shoqëruar disa persona. Ata po merren në pyetje lidhur me ngjarjen.

banesa e djegur

POGRADEC- Një 52-vjeçare ka humbur jëtën në orët e para të mëngjesit pasi u asfiksua nga zjarri që përfshiu banesën e saj.  Viktima është identifikuar si Kozeta Teço, e cila jetonte e vetmë në banesën e saj në lagjen nr.1 të qytetit.

Sipas raportimeve, ajo nuk kishte fëmijë dhe as nuk ishte e martuar, ndërsa jetonte në kushte shumë të vështira ekonomike.  Bëhet me dije se ishte motra e saj që e ndihmonte financiarisht.

banesa e djegur

POGRADEC- Një banesë është përfshirë nga flakët ditën e sotme në lagjen nr.1 në qytetin e Pogradect. Si pasojë e asfiksimit ka ndërruar jetë pronarja e banesës, një 52-vjeçare me inicialet K.T.

Grupi hetimor dhe shërbimi zjarrfikës ndodhen në vendngjarje, ku kanë bërë të mundur shuarjen e zjarrit dhe po punojnë për sqarimin e plotë të rrethanave të rastit.

NJOFTIMI I POLICISË: 

Pogradec / Informacion paraprak

Rreth orës 06:00, në lagjen nr. 1, në banesën e shtetases K. T., rreth 52 vjeçe, ka rënë zjarr.

Si pasojë e asfiksimit nga tymi, ka ndërruar jetë 52-vjeçarja.

Grupi hetimor dhe shërbimi zjarrfikës ndodhen në vendngjarje, ku kanë bërë të mundur shuarjen e zjarrit dhe po punojnë për sqarimin e plotë të rrethanave të rastit.