Babai plagos të birin me çifte në Pogradec/ 47-vjeçari transportohet me helikopter drejt Traumës, flet xhaxhai: Dëgjuam të qara, djali kishte qenë i pirë dhe kishte goditur të atin

Xhaxhai i të plagosurit

POGRADEC- Xhaxhai i 47-vjeçarit i cili mbeti i plagosur pasditen e sotme në Pogradec ka folur lidhur me ngjarjen e rëndë. Ai thotë se nuk ishte prezent kur ndodhi ngjarja por gruaja e tij kishte dëgjuar të qara.

“Gruaja më tha çfarë ndodhi, dëgjoi që qanin aty. Erdhi ambulanca, e mori. Kur vajta unë, aty kishte njerëz. Ne i kemi kushërinj, janë të mirë. Nuk është gjë e mirë kjo që ndodhi, që të arrijë deri aty. Konflikte edhe mund të kenë pasur me njëri-tjetrin por ne nuk e dimë, nuk hymë në shtëpinë e tyre që t’i pyesim si i keni hallet kështu që… Sikurse thonë, djali kishte qenë i pirë dhe e kishte goditur të atin.” u shpreh xhaxhai i të plagosurit.

Ngjarja e rëndë ndodhi pasditen e sotme (24 korrik), në fshatin Stropckë të Pogradecit. Pas një konflikti për motive banale 47-vjeçari Përparim Shkullaku në gjendje të dehur ka goditur fizikisht të atin 83-vjeçarin Agim Shkullaku ku ky i fundit ka marrë çiften duke e plagosur rëndë.

Agim Shkullaku është shoqëruar në Komisariat, ndërkohë që u sekuestrua edhe arma e gjahut. Ndërkohë i plagosuri është transportuar drejt Traumës me helikopter.

pamje nga ngjarja

POGRADEC- 47-vjeçari Përparim Shkullaku i cili mbeti pasditen e sotme i plagosur rëndë nga i ati me çifte, po transportohet drejt Traumës me helikopter. Ngjarja e rëndë ndodhi pasditen e sotme (24 korrik), në fshatin Stropckë të Pogradecit.

Mësohet se pas një konflikti për motive banale 47-vjeçari Përparim Shkullaku në gjendje të dehur ka goditur fizikisht të atin 83-vjeçarin Agim Shkullaku ku ky i fundit ka marrë çiften duke e plagosur rëndë.

Agim Shkullaku është shoqëruar në Komisariat, ndërkohë që u sekuestrua edhe arma e gjahut. 

pamje nga ngjarja

POGRADEC- Një ngjarje e rëndë ka ndodhur ditën e sotme në fshatin Stropckë të Pogradecit. Mësohet se pas një konflikti për motive banale 47-vjeçari Përparim Shkullaku në gjendje të dehur ka goditur fizikisht të atin 83-vjeçarin Agim Shkullaku ku ky i fundit ka marrë çiften duke e plagosur rëndë.

Burime nga spitali bëjnë të ditur se djali është në gjendje të rënduar shëndetësore, dhe pritet që të niset drejt Traumës në Tiranë. Policia ndodhet në vendngjarje për zbardhjen e rrethanave të ngjarjes. Bëhet me dije se 83-vjeçari Agim Shkullaku është shoqëruar në Komisariat, ndërkohë që u sekuestrua edhe arma e gjahut. 

pamje nga ngjarja

Njoftimi i Policisë: 

Pogradec/Informacion paraprak

Rreth orës 18:40, në fshatin Stropckë, Pogradec, ka ndodhur një konflikt familjar i çastit mes babait dhe djalit të tij.

Shtetasi P.Sh, 47 vjeç, në gjendje të dehur ka dhunuar babait e tij shtetasin A. Sh., 83 vjeç.

Më pas 83 vjeçari ka marrë armën e gjahut dhe ka plagosu djalin e tij shtetasin P. Sh, i cili është transportuar për në spital për ndihmë mjekësore.

Shërbimet e Komisariatit të Policisë Pogradec, kanë bërë shoqërimin e 83 vjeçarit në Komisariatin e Policisë për veprime të mëtejshme.

Gjithashtu shërbimet e Policisë kanë bllokuar e sekuestruar në cilësinë e provës materiale armën e gjahut me të cilën dyshohet se 83 vjeçari ka plagosur djalin e tij.

Grupi hetimor në drejtimin e Prokurorisë po punon për zbardhjen e plotë të rrethanave dhe dokumentimin ligjor të kësaj ngjarjeje.