‘Edukimi’/ Kushi: Provimet në salla të mëdha me kamera, e kemi në vëmendje rastin e plagosjes pranë shkollës në Laç

Evis Kushi

TIRANË- Ministrja e Arsimit dhe Sportit Evis Kushi foli ditën e sotme për aksesin e shkollave në Sistemin e Menaxhimit të Informacionit Parauniversitar (SMIP). Ajo theksoi se në 1021 shkolla nga 1181, gjenden kompjuterë që janë në gjendje pune, ndërkohë që janë në përdorim edhe 981 laptopë ose tableta.

Ministrja shtoi se sot 100 shkolla janë të pajisura me 100 SmartLab-e, me laptopë të teknologjisë së përparuar që shërbejnë edhe si laboratorë për zhvillimin e lëndës së TIK që nga klasa e parë, por janë edhe në dispozicion të mësuesve për të zhvilluar veprimtarinë e tyre në sistemin SMIP.

Kushi tha se në projektet shumë të afërta janë 200 shkolla të tjera, me investime për SmartLabs me Bankën Botërore. Tashmë është nënshkruar marrëveshja me BB që në shtator të vitit 2023, të ketë në 200 shkolla të tjera SmarbLab-e.

“Në një hark kohor prej dy vitesh ne do t’i kemi të kompletuara me laboratorë të teknologjisë së përparuar të gjitha shkollat e sistemit parauniversitar”- tha ministrja. 

Evis Kushi

TIRANË- Ministrja e Arsimit, Evis Kushi komentoi ditën e sotme plagosjen me armë zjarri që ndodhi pak ditë më parë pranë një shkolle në Laç. Ministrja tha se ajo që ndodhi ishte një shqetësim i madh mirëpo ngjarja nuk ndodhi brenda shkollës. Sidoqoftë, ministrja shton se edhe pse nuk ka ndodhur brenda, ato i trajtojnë këto raste me specialistë. 

'Eshtë shqetësim shumë i madh për ne, nuk ka qënë brenda shkollës. Edhe pse ska qënë brenda, ne trajtojmë edhe raste kur fëmija dhunohet nga prindi për shembull. Ne ngrejmë grupe pune për ta ndjekur. Në rastin konkret cështja po ndiqet nga Policia, ndërkohë që ne po vazhdojmë punën tonë me punonjësit psikosocial, me prindërit, në mënyrë që nxënësi të kthehet në sjellje normale dhe ne te punojmë me te. E para në shkollat tona është mirëqënia'- tha Kushi. 

Evis Kushi

TIRANË- Matura Shtetërore 2023 do të ketë disa risi. Një prej tyre lidhet me fëmijët me aftësi ndryshe. Ministrja e Arsimit, Evis Kushi bëri të ditur ditën e sotme në Komisionin e Edukimit se nxënësit me aftësi ndryshe do të ketë provime të veçanta.

'Hartimi i provimeve të veçanta për nxënësit me aftësi ndryshe. Ata i nënshtroheshin të njëtave testeve, kjo e vështirësonte shumë. Testet e veçanta do ta bëjnë më të lehtë për ta dhe për prindërit e tyre.'- tha ministrja në komision. 

Ajo bëri të ditur se risi do të jetë vendi ku do zhvillohen provimet. Kushi tha se nxënësit do të ulen në mjedise të mëdha, do të ketë numër të lartë administratorësh madje deklaroi se do të ketë edhe kamera sigurie. 

"Ende ka diferenca në notë mes mesatares vjetore dhe notës në maturën shtetërore dhe kjo vjen për vlerësim të fiktivitetiti. Provimet e maturës duhet të zhvillohen në klasa sa më të mëdha, që mund të jenë pallat sporti, korridore të mëdha në universitete. E rëndësishme është të jenë mjedise sa më të mëdha, te këtë nr të lartë administratorësh por edhe kamera sigurie që të gjithë të jenë të qetë.

Kemi marrë vendimin për testin e informatizuar për mjekësinë. Ky do jetë shtesë, pos provimet të maturës vetëm për ata që zgjedhin mjekësinë. Ata janë më të mirët që kemi në sistem, por kjo mungesa e fiktivitetit që thamë pak më lart mund të penalizojë disa që janë të shkëlqyer. Në këtë mënyrë ne rrisim meritokracinë. Është pritur shumë mirë nga maturantët, janë njohur me metodikën e pyetjeve. Pritet të jenë rreth 3 mijë kandidatë. Kemi marrëveshjen me Universitetin e Mjekësisë së Tiranës, ne kemi dakordësim që ky provim të jetë kriter për renditjen e maturantëve me 30% të peshës. Risia është hartimi i testeve të veçanta për nxënësit me aftësi ndryshe.”- tha Kushi.