Ekzekutohet 50-vjeçari në Vorë/ U qëllua me armë zjarri teksa po hynte në shtepi, autori përdori armë me dylbi! Ja pista që po heton Policia

pamje nga vendngjarja

VORË-  Detaje të reja kanë dalë në dritë në lidhje me ekzekutimin e 50-vjeçarit Edmond (Ali) Sula, ngjarje e ndodhur në Bërxullë të Vorës. Mësohet se, grupi hetimor është rikthyer sërish në vendin ku ndodhi krimi, teksa vijojnë intensivisht hetimet për zbardhjen e plotë të rrethanave.

Sipas burimeve hetimore, 50-vjeçari dyshohet se është ekzekutuar me armë zjarri pas mesnatës, pikërisht në momentin kur po kthehej drejt banesës së tij. Plumbat kanë rezultuar fatal, duke i shkaktuar vdekjen e menjëhershme.

Hetuesit dyshojnë se autori i këtij krimi të rëndë ka vepruar i vetëm. Ndërkohë, nga këqyrja e kamerave të sigurisë të sekuestruara në zonë, ka rezultuar se personi i dyshuar është larguar nga vendi i ngjarjes me një automjet./Dosja.al

VORË-  Detaje tronditëse kanë dalë në dritë lidhur me ekzekutimin e 50-vjeçarit Edmond Sula, i cili gjeti vdekjen pak pas mesnatës teksa ndodhej në derën e banesës së tij. Sipas të dhënave paraprake të grupit hetimor, viktima është qëlluar për vdekje me një plumb të vetëm, i shkrepur me një armë me precizion të lartë, e pajisur me dylbi.

Një tjetër element që dëshmon planifikimin e detajuar të autorit është fakti se në vendin e ngjarjes nuk është gjetur asnjë gëzhojë, çka lë të kuptohet se qitësi ka vepruar nga një distancë e konsiderueshme dhe me mjete të sofistikuara.

Në fokus të hetimeve është vënë aktiviteti i viktimës, i cili merrej me shit-blerje pronash. Policia po verifikon me përparësi konfliktet e mundshme që mund të kenë lindur nga kjo veprimtari, duke e konsideruar këtë pistë si më kryesoren për zbardhjen e motivit të këtij krimi të rëndë.

Aktualisht, grupi hetimor vijon punën intensive për sigurimin e provave që mund të çojnë në identifikimin dhe kapjen e autorit, ndërsa po punohet për dokumentimin e plotë të dinamikës së ngjarjes që ka shkaktuar tronditje në zonë./Dosja.al

Foto ilustruese

VORË-  Është identifikuar viktima e ngjarjes së rëndë të ndodhur pak pas mesnate në fshatin Bërxullë të Vorës.

Bëhet fjalë për 50-vjeçarin Edmond Sula, i cili është qëlluar për vdekje me armë zjarri teksa po lëvizte në këmbë.

Policia ndodhet në vendngjarje për të zbardhur rrethanat e krimit dhe për të mbledhur provat e nevojshme. Aktualisht janë ngritur pika kontrolli dhe po punohet intensivisht për identifikimin dhe kapjen e autorëve./Dosja.al

VORË- Një person është vrarë me armë zjarri pak pas mesnatës në fshatin Bërxullë të Vorës. Sipas informacioneve paraprake, ngjarja ka ndodhur rreth orës 00:10, ku dyshohet se është qëlluar për vdekje E. (A.) S., i moshës 50-vjeçare.

Në vendngjarje ndodhet një grup i posaçëm hetimor, nën drejtimin e Prokurorisë, i cili po punon për sqarimin e plotë të rrethanave, administrimin e provave dhe identifikimin e autorit ose autorëve të dyshuar. Policia ka ngritur pika kontrolli dhe po ushtron kontrolle në zonë për kapjen e tyre.

Njoftimi i Policisë: 

Vorë/Informacion paraprak Më datë 12.07.2026, rreth orës 00:10, në fshatin Bërxullë, Vorë, dyshohet se është vrarë me armë zjarri shtetasi E(A). S., rreth 50 vjeç, i cili ka qenë në rrugë, duke lëvizur në këmbë.

Një grup i posaçëm hetimor, nën drejtimin e Prokurorisë, ndodhet në vendngjarje dhe vijon punën për sqarimin e rrethanave të ngjarjes, si dhe për fiksimin e çdo prove që do të ndihmojë në zbardhjen e saj, identifikimin dhe kapjen e autorit/ëve të dyshuar. Shërbimet e Policisë kanë ngritur pika kontrolli dhe po ushtrojnë kontrolle në zonë, me qëllim kapjen e autorit/ëve./Dosja.al