Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kur gjithçka u duk se u "vu në vijë", sërish ka probleme lidhur me çështjen e emigrantëve shqiptarë në Angli. • Sot, kryeministri i Britanisë së Madhe , Rishi Sunak tha të hënën se plani i tij për të ndaluar migracionin e paligjshëm po jep rezultate. • Sunak tha se pas marrëveshjes me qeverinë shqiptare për të ndaluar emigracionin e paligjshëm, në gjashtë muajt e fundit, është bërë i mundur kthimi i 1800 migrantëve shqiptarë, ndërsa numri i atyre që përpiqen të hyjnë me anije në Britani ka rënë në mënyrë drastike. • Po ashtu, ai i bëri thirrje parlamentit britanik që të miratojë projekligjnin e ri për ndalimin e migracionit të paligjshëm. • Përgjigjia i erdhi nga kryeministri Edi Rama, në një prononcim për mediat britanike. • Edi Rama për prestigjiozen ‘Telegraph’, akuzoi qeverinë britanike për propagandë politike. Sipas tij, është e mjerueshme dhe të lë shije të keqe të shpikësh një dramë për përfitime politike, madje shtoi se përdorimi i shqiptarëve si "kokë turku", është diçka e ulët. • Megjithatë deri më tani nuk ka asnjë kundërpërgjigje nga Sunak. • Aktualisht një ekip prej 400 punonjësish është ngritur për të shqyrtuar në kohë 17,000 kërkesa për azil nga shqiptarët, shumica e të cilave pritet të refuzohen. • Ndërkohë që një projektligj pritet që të kalojë në Parlament. • Sipas projektligjit çdo emigranti që hyn në mënyrë të paligjshme në Britani i ndalohet të kërkojë azil dhe autoriteteve u jepet e drejta që t'i ndalojnë dhe t'i dëbojnë. Pasi të dëbohen atyre nuk do t’u lejohet më kurrë që të shkelin në Britani. • Qeveria britanike thotë se projektligji do të frenojë përpjekjet e dhjetra mijëra njerëzve për të kaluar kanalin e La Mashnit me varka të vogla me shpresën se do të hyjnë në Britani. • Por kriktikët nuk e kanë pritur mirë, madje e kanë cilësuar paketën ligjore të qeverisë britanike të pazbatueshme, ndërsa ka patur gjithashtu akuza se është në shkelje të ligjit ndërkombëtar.
4 artikuj për këtë temë.
BRITANI E MADHE- Deklaratat e kryeministrit Edi Rama për qëndrimin e Britanisë ndaj emigrantëve shqiptarë kanë ndryshuar pa kaluar 24 orë.
Këto deklarata, të bëra në mediat e huaja e tepër prestigjoze, janë bërë në një hark kohor shumë të shkurtër. Fillimisht, gazeta ‘Telegraph’ publikoi një shkrim ku Rama kritikonte kryeministrin britanik, për taktikat e tij me ‘shije të hidhur’ lidhur me goditjen që po u bën emigrantëve që vijnë me gomone.
“Qeveria britanike nuk mund të shkëputet nga propaganda. Është e mjerë dhe me shije të keqe përdorimi i një drame për përfitime politike. Më pak se 2 përqind e totalit të mbërritjeve në Mbretërinë e Bashkuar ishin nga Shqipëria. Të vazhdosh të flasësh për shqiptarët është diçka shumë e ulët."
E më pas, si për habi, pa kaluar as 6 orë, Rama shfaqet si protagonist në një shkrim tjetër duke lavdëruar Sunak. 'Rama e vlerëson për shmangien e politikave 'të çmendura' të migracionit'- shkruhet në artikullin e 'Financial Times'.
“Lideri shqiptar ka lavdëruar kryeministrin e Mbretërisë së Bashkuar Rishi Sunak për mënyrën se si e ka trajtuar emigrimin përmes kanalit me anë të një bashkëpunimi praktik në vend që të shpenzojë para për ‘gjera të çmendura që nuk funksionojnë kurrë’ si paraardhësit e tij"
Rama tha për 'FT' se rënia e numrit të emigrantëve që përdorin së fundmi gomonet për të hyrë në Mbretërinë e Bashkuar ishte e lidhur drejtpërdrejt me një grup pune të përbashkët policor, të cilin ai pa sukses ua kërkoi tre kryeministrave të mëparshëm britanikë.
Rama tha se ndryshimi në politikën britanike erdhi pasi ai vizitoi Londrën dhe u takua me Sunak në mars. “Sunak e bëri këtë gjë dhe e bëri në pak javë,” tha Rama për 'FT'.
Tani, cilës deklaratë të Ramës t'i besojmë? Asaj të mëngjesit apo të mbasdites?
BRITANI E MADHE- Kontrabandistët shqiptarë po tallen me qasjen e butë të Britanisë ndaj emigrantëve në reklamat që promovojnë "shërbimet" e tyre. Home Office javën e kaluar nisi një fushatë të re në Shqipëri, duke paralajmëruar emigrantët se do të kapeshin dhe do të ktheheshin në Shqipëri.
Por "gangsterët", të cilët kërkojnë deri në 3,500 £ për kalimet e rrezikshme të Kanalit, i janë kundërpërgjigjur me reklamat e tyre në TikTok, pretendimeve të qeverisë britanike. Siç duket edhe nga fotoja e mëposhtme, shqiptarët shkruajnë: Kalimi këtë fundjavë. 3000 £ nga Franca në Angli. Askush nuk do t'ju kthejë në Shqipëri.
Reklamat e tjera sugjerojnë se ata që bëjnë udhëtimin do të kalonin vetëm 'një ditë në paraburgim'.
Hulumtimi nga Observatori i Migracionit i Universitetit të Oksfordit zbuloi se shumica e të liruarve nga ambientet e paraburgimit u mbajtën për më pak se 29 ditë, me vetëm 13 për qind që qëndruan më gjatë.
Projektligji i Migracionit Ilegal, i cili është duke u shqyrtuar në Dhomën e ka për qëllim që të deportojë menjëherë emigrantët ilegalë pasi të mbërrijnë në Angli.
BRITANI E MADHE- Kryeministri shqiptar ka kritikuar Rishi Sunak për taktikat “e këqija” lidhur me goditjen e tij ndaj emigrantëve me varka të vogla. Sipas Telegraph, Edi Rama akuzoi qeverinë e Mbretërisë së Bashkuar se "shton dramën" mbi emigrantët shqiptarë, kur ata përbëjnë vetëm dy për qind të mbërritjeve të anijeve të vogla në Channel.
Komentet e tij vijnë pasi kryeministri pritet të pretendojë në një fjalim se plani i tij për të ndaluar anijet që kalojnë Kanalin ka nisur të funksionojë. Në një përditësim mbi ecurinë e premtimit të tij për të ndaluar anijet, Sunak përmendi një rënie të mprehtë të numrit të shqiptarëve që kalojnë Kanalin si dëshmi se një qëndrim i ashpër ndaj dëbimeve do të pengojë emigrantët e paligjshëm.
Shifrat janë ulur nga rreth 30 përqind e ardhjeve të Channel vitin e kaluar në një ose dy përqind në katër muajt e parë të këtij viti.
Megjithatë, Rama tha: Qeveria britanike nuk mund të shkëputet nga propaganda. Është e mjerë dhe shije e keqe të tjerr një dramë për përfitime politike. Më pak se dy për qind e totalit të mbërritjeve në Britaninë e Madhe ishin nga Shqipëria. Të vazhdosh të flasësh për shqiptarët është e ulët.
Kryeministri shqiptar nuk ka ngurruar të kritikojë ministrat kur ata flasin kundër shqiptarëve, duke akuzuar më parë Suella Braverman, Sekretaren e Brendshme, për komente “të turpshme” për veçimin dhe targetimin e shqiptarëve. Sipas Ramës, komentet e saj vitin e kaluar për të ashtuquajturit "kriminelët shqiptarë" që kalojnë Kanalin me varka të vogla, mund të konsiderohen gjithashtu krim.
Mijëra shqiptarë janë duke u gjurmuar dhe vënë në shënjestër nga oficerët e zbatimit të imigracionit të Home Office për dëbim nga Britania e Madhe. Një ekip prej 400 personash punonjësish të çështjeve është ngritur për të gjurmuar shpejt një numër të madh prej 17,000 kërkesash për azil nga shqiptarët, shumica e të cilave pritet të sjellë dëbimin e tyre.
Ministrat besojnë se qasja e re dhe marrëveshjet e reja të deportimit me Shqipërinë kanë depërtuar përsëri tek emigrantët e mundshëm nga vendi ynë./Telegraph
BRITANI E MADHE- Kryeministri britanik Rishi Sunak në një komunikim për mediat ka thënë se rreth 1800 shqiptarë janë dëbuar nga marrëveshja me Shqipërinë.
” Marrëveshja e kthimit me Shqipërinë ka çuar në kthimin e 1,800 personave dhe kishte një efekt parandalues, me numrin e njerëzve që mbërrinin nga ai vend me “pothuajse 90%. Para se të nisja planin tim në dhjetor, numri i hyrjeve të paligjshme në Mbretërinë e Bashkuar me gomone katërfishuar në dy vjet. Disa thanë se ky problem ishte i pazgjidhshëm. Ata kishin humbur besimin te politikanët për të bërë diçka për këtë. Dhe sigurisht, ne kemi ende një rrugë të gjatë për të bërë. Por në pesë muajt që kur nisa planin, kalimet tani janë ulur me 20%, krahasuar me vitin e kaluar. Kjo është hera e parë që nga fillimi i këtij problemi që mbërritjet midis janarit dhe majit kanë rënë në krahasim me një vit më parë.”-ka thënë ai.
