6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Ditën e sotme po zhvillohet mbledhja e Komisionit Hetimor për ndërhyrjet në sistemin TIMS. • Mbledhja është shoqëruar me debate për planin hetimor, ku nënkryetari Tonin Gogu iu drejtua kryetarit Ervin Salianji duke thënë se në mbledhjen e sotme duhen lejuar ekspertët që të flasin. • Ndërsa këta të fundit kanë kërkuar kohë për të dalë me një raport për planin e hetimit, kjo nuk është pranuar nga Salianji. • Ai tha se nuk shkojnë në komision për t’u tallur dhe për të bërë "sikur", ndërsa shtoi se nuk bën sens që të vihet në çdo seancë me kërkesë për shtyrje. • Ndër të tjera, Salianji tha se kryeministri Edi Rama është jashtë juridiksionit të shtetit, pasi prej tre javësh nuk kthen përgjigje. • Ai më tej shtoi se Prokuroria e Tiranës nuk është përgjigjur ndërsa ironizoi se kjo prokurori ka shumë punë duke iu përgjigjur kryeministrit brenda gjysmë ore.
4 artikuj për këtë temë.
TIRANË- Një tjetër debat është zhvilluar mes kryetari i Komisionit hetimor parlamentar për TIMS, Ervin Salianji, është “përplasur” me deputeten socialiste, Blerina Gjylameti.
Gjylameti i kërkoi që gjatë fjalës së saj, ai të fikte mikrofonin e tij, pasi sipas saj, nuk regjistrohej fjala. Salianji i është përgjigjur duke i thënë se bëjnë si ekspertë IT se “janë mësuar të fusin duart në buxhetin e shtetit”.
DEBATI:
Salianji -Ju doni t’i fusni duart gjithandej ndaj përfundoni kështu, ju mblodhi dje dy orë ai ju vuri dru….
Gjylameti -Duhet ta fikni ju mikrofonin se nuk regjistrohet fjala ime
Salianji -Ju vërtetë mund të bëni si ekspertë IT se keni futur duart, por jo te këto
Gjylameti -Unë nuk e di ku i fusni duart ju, por unë nuk i fus duart në tims
Salianji -Mirë bëni, në buxhet i fusni
Gjylameti -Fikeni mikrofonin se nuk zbardhet fjala kur janë dy mikrofona ndezur
TIRANË- Ekspertët në Komsionin për TIMS kanë kërkuar kohë për të dalë me një raport për planin e hetimit. Kjo nuk është pranuar nga kryetari i Komisionit Hetimor për sistemin tims, Ervin Salianji.
Ai tha se nuk shkojnë në komision për t’u tallur dhe për të bërë "sikur". Salianji tha se nuk bën sens që të vihet në çdo seancë me kërkesë për shtyrje.
“Nuk jemi këtu për t’u tallur as për të bërë sikur. Ta shtyjmë siç e kanë shturë këta? E patë shkresat e policisë që e shtynë 1 vit. Këtu jemi para një supozimi se ka ndërhyrje në të dhëna sensitive. Vijmë këtu çdo herë me kërkesë për shtyrje. S’ka sens fare kjo gjë! Do të thirren dëshmitarë të gjithë personat e përfshirë.”, tha ai.
TIRANË- Komisioni Hetimor për të dhënat e sistemit TIMS ka nisur me debate mes mazhorancës dhe opozitës. Kryetari i Komisionit, Ervin Salianji gjatë fjalës së tij tha se kryeministri Edi Rama është jashtë juridiksionit të shtetit, pasi prej tre javësh nuk kthen përgjigje.
Ai më tej shtoi se Prokuroria e Tiranës nuk është përgjigjur ndërsa ironizoi se kjo prokurori ka shumë punë duke iu përgjigjur kryeministrit brenda gjysmë ore.
"Janë depozituar në sekretari dy shkresa, një me titull propozimi i strategjisë së hetimit dhe një plani i hetimit për TIMS. Besoj se nuk kemi strategji, por kemi direkt plan hetimi dhe do ta arrijmë që ta kapërcejmë këtë. Nuk ka ndonjë diferencë të madhe mes dy propozimeve," tha Salianji.
"Këtu jashtë juridiksionit të këtij shteti është kryeministri që nuk kthen përgjigje, është java e tretë. Duhet të ktheje përgjigje edhe për të treguar që në raport me ligjin është i barabartë me të tjerët. Prokuroria e Tiranës nuk sjell ende përgjigje. E ktheu SPAK brenda dy ditësh! Kaq punë ka kjo prokurori?! Sepse kur reagon kryeministri kthejnë përgjigje brenda gjysmë ore. Meqe i ndjekin të kthejnë përgjigje," shtoi ai.
TIRANË- Ka nisur me replika mes kryetarit Ervin Salianji dhe nënkryetarit Tonin Gogut, mbledhja e sotme e Komisionit Hetimor për ndërhyrjet në sistemin TIMS. Gogu iu drejtua Salianjit duke thënë se në mbledhjen e sotme duhen lejuar ekspertët që të flasin.
"Këtë moment të përgatitjes së draftit e drejtojnë ekspertët. Propozoj të dëgjohen ekspertët deri në fund dhe pasi ata s'kanë gjë për të thënë të hapet një seancë pyetjesh. Kjo është dita e ekspertëve, jo e jona që të vazhdojmë me gjyqin e radhës. Menjëherë t'i kthehemi normalitetit dhe t'i shmangim komentet pezhorative të tipit që "sot nuk është dita e teorisë", deklaroi Gogu.
