Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Zhvillime nga lufta në Ukrainë. • Rusia ka vijuar sulmet me dronë të prodhuar nga Irani në kryeqytetin e Ukrainës. • Mbrojtja ajrore e Kievit ka shkatërruar të gjithë dronët, sipas drejtuesve të qytetit, por shumë shtëpi u dëmtuan. • Rusia ka fituar territor rreth në frontin lindor, ndërsa luftimet e ashpra vazhdojnë në jug. Moska ka larguar 700 mijë fëmijë nga Ukraina.
14 artikuj për këtë temë.
RUSI- Një tubacion nafte ka shpërthyer pranë qytetit Usinsk në Republikën e Komit. Lajmi u njoftua për mediat nga mbikëqyrësi mjedisor Rosprirodnadzor, i cili tha se rrezikohet katastrofë mjedisore.
"Sipas vlerësimeve tona, 1000 metër kub naftë mund të kishin rrjedhur në lumin Kolva. Kompania Nobel-Oil nuk na dha informacion dhe deklaroi se po kryente ushtrime stërvitore. Mësuam për derdhjen nga publiku dhe Ministria lokale e Burimeve Natyrore. Produktet e naftës hynë në tokë dhe ujë, duke shkaktuar shumë dëme në mjedis. Ne do të kërkojmë një kontroll në vend,"tha mbikëqyrësi.
Rosprirodnadzor, së bashku me Qendrën për Analizën Laboratorike të Matjeve Teknike, do të marrin mostra të ujit dhe tokës.
RUSI- Arabia Saudite do të zgjasë me një muaj uljen e njëanshme të prodhimit të naftës, duke e mbajtur të mbyllur furnizimin mes frikës së vazhdueshme për ekonominë globale. Aleati i saj Rusia gjithashtu njoftoi frenime të reja të eksporteve, raporton Protothema.
Vendi do të nxjerrë rreth 9 milionë fuçi në ditë, më i ulëti në disa vite, duke sakrifikuar vëllimet e shitjeve për atë që deri tani ka qenë një shpërblim minimal për sa i përket çmimeve më të larta. Menjëherë pas njoftimit saudit, zëvendëskryeministri rus Alexander Novak njoftoi se Moska do të shkurtojë eksportet e saj të naftës me 500,000 fuçi në ditë në gusht.
Masa të tilla synojnë uljen e ofertës së naftës në tregje për të mbështetur çmimet. Çmimi i naftës Brent u rrit me 1.6% në 76.60 dollarë për fuçi, pas njoftimeve nga Rusia dhe Arabia Saudite.
BRUKSEL- Presidentja e Komisionit Ursula von der Leyen përshëndeti Qendrën Ndërkombëtare për Ndjekjen e Krimit të Agresionit kundër Ukrainës (ICPA) me deklarata të ashpra kundër Rusisë. Zyra ndërkombëtare e hetimit e ngarkuar me hetimin e agresionit rus të Ukrainës, e cila u hap sot në Hagë është hapi i parë drejt krijimit përfundimtar të një gjykate për të gjykuar liderët rusë, me prokurorë nga Kievi, Bashkimi Evropian dhe SHBA dhe nga ndërkombëtarët, shkruajnë mediat e huaja.
“Pushtimi rus i Ukrainës vazhdon të sjellë tmerr të papërshkrueshëm çdo ditë. Lajmet thellësisht shqetësuese për sulmet e qëllimshme ndaj civilëve, duke përfshirë fëmijë, janë kthyer në një kujtesë të ashpër të përditshme të gjakderdhjes që Putini ka sjellë përsëri në kontinentin tonë. Po mblidhen prova për krime të panumërta ndërkombëtare të kryera nga Rusia. Qendra e re ndërkombëtare e ndjekjes penale do të luajë një rol kyç për të siguruar që autorët të sillen para drejtësisë, përfshirë krimin e sulmit. Ne nuk do të lëmë gur pa lëvizur për t'i bërë Putinin dhe pasardhësit e tij të përgjegjshëm", tha presidenti i Komisionit.
Qendra Ndërkombëtare për Ndjekjen e Krimit të Agresionit kundër Ukrainës (ICPA) organizohet nga Agjencia e Bashkimit Evropian për Bashkëpunim në Drejtësinë Penale (Eurojust).
RUSI- Ministri rus i Mbrojtjes, Sergei Shoigu deklaron se kryengritja jetëshkurtër e muajit të kaluar nga grupi mercenar Wagner, nuk pati asnjë efekt në operacionin special ushtarak të Rusisë në Ukrainë. Sipas tij,qëllimi i rebelimit ishte destabilizimi i Rusisë, por dështoi për shkak të besnikërisë së ushtarëve.
“Provokimi nuk u reflektua në veprimet e grupeve ushtarake pjesëmarrës në operacion”, u shpreh ai në mbledhjen e ministrisë.
Më 24 qershor, luftëtarët e Wagner-it pushtuan qytetin jugor rus të Rostovit dhe u drejtuan drejt Moskës dhe udhëheqësi i tyre Yevgeny Prigozhin kërkoi shkarkimin e Shoigut dhe shefit të Shtabit të Përgjithshëm, Valery Gerasimov, shkruajnë mediat e huaja.
Kriza u zgjidh nga presidenti bjellorus, Aleksandër Lukashenko, duke ndërmjetësuar një marrëveshje midis Kremlinit dhe Prigozhin.
UKRAINË- Autoritetet ukrainase kanë akuzuar një ish-zyrtar të lartë të sigurisë për tradhti. Oleh Kulinich, i cili drejtoi drejtorinë e Shërbimit të Sigurisë të Ukrainës (SBU) të Krimesë, u arrestua me akuzat për rekrutim të operativëve të tjerë miqësorë rusë me urdhër nga Moska.
Hetuesit thanë se Kulinich punonte për Shërbimin Federal të Sigurisë të Rusisë dhe mbikëqyrej nga ish-zyrtarë të tjerë ukrainas që kishin dezertuar në Moskë, e cila nisi agresionin në Ukrainë në shkurt 2022, shkruajnë mediat e huaja.
"Ky është një sinjal i qartë për të gjithë ata që punojnë për armikun: SBU patjetër do t'ju gjejë dhe do t'ju bëjë të përgjigjeni për atë që keni bërë," tha në një deklaratë shefi i SBU, Vasyl Malyuk, i cili mbikëqyri operacionin për ndalimin e Kulinich.
Nëse shpallet fajtor, ai përballet me 15 vjet burg.
RUSI- Rreth 500 policë të tjerë janë dërguar për sigurinë e kufirit polako-bjellorusi në përgjigje të situatës së tensionuar nga kriza e migracionit të shkaktuar nga qeveria e Aleksandër Lukashenkos. Lajmi u bë i ditur të dielën nga Ministri i Brendshëm polak Mariusz Kaminski.
Këta oficerë të rinj do t'i bashkohen 5000 oficerëve të Gardës Kufitare Polake dhe 2000 ushtarëve polakë të cilët aktualisht po sigurojnë kufirin.
Ekziston rreziku që presidenti i Bjellorusisë, Alexander Lukashenko, mund të rrisë numrin e përpjekjeve për të kontrabanduar emigrantë nga Bjellorusia në Poloni. Kanë dalë raporte për përfshirjen e mundshme të mercenarëve të Grupit ëagner, të cilët mbërritën në Bjellorusi si pjesë e një marrëveshjeje me Yevgeny Prigozhin pas përpjekjes së tij të dështuar për grusht shteti në Rusi, shkruajnë mediat e huaja.
Të mërkurën, zëvendëskryeministri Jaroslaë Kaczynski njoftoi se për shkak të pranisë së Grupit Wagner në Bjellorusi, u mor një vendim për të forcuar mbrojtjen polake në kufirin lindor.
RUSI- Shërbimi i Inteligjencës së Jashtme Ruse (SVR RF) pretendoi të hënën se Shtetet e Bashkuara po përgatisin një provokim kimik në Siri.
Sipas RIA, SVR RF deklaroi se qëllimi i provokimit është t'u tregojë vendeve të tjera të Lindjes së Mesme se përfshirja në dialog me presidentin sirian Bashar al-Assad dhe normalizimi i marrëdhënieve me Damaskun do të ishte një gabim strategjik, shkruajnë mediat e huaja.
Rusia deklaroi gjithashtu se CIA praktikoi sulmin në maj me militantët sirianë, gjatë të cilit u helmuan 100 civilë dhe pohoi se SHBA-ja u dorëzoi raketa me koka helmuese militantëve në Sirinë jugore.
RUSI- Zëvendëskryeministri Alexander Novak deklaron se Rusia po planifikon të shkurtojë flukset e eksportit të papërpunuar muajin e ardhshëm në një përpjekje për të mbajtur të balancuar tregun global. Deklarata erdhi menjëherë pasi Arabia Saudite, një aleate kyçe e Rusisë në grupin OPEC+, tha se do të zgjasë uljen e prodhimit prej 1 milion fuçi në ditë deri në gusht, shkruajnë mediat e huaja.
“Rusia do të reduktojë vullnetarisht furnizimin e saj me naftë në muajin gusht me 500,000 fuçi në ditë duke ulur eksportet e saj me atë sasi në tregjet globale”, tha Novak në komentet e publikuara nga shërbimi i tij për shtyp, duke mos dhënë detaje të mëtejshme.
Ndërsa deklarata e së hënës lidhej me eksportet, Rusia në fillim të këtij viti u zotua të zvogëlojë prodhimin e saj të naftës me 500,000 fuçi në ditë nga një bazë e shkurtit dhe të ruajë atë nivel deri në vitin 2024.
RUSI- Presidenti i Rusisë, Vladimir Putin pritet të martën të marrë pjesë në një samit virtual të Organizatës së Bashkëpunimit të Shangait (SCO), një grupim gjerësisht pro rus i sigurisë rajonale i udhëhequr nga Pekini dhe Moska, raporton CNN.
Të gjithë sytë do të jenë te Vladimir Putin këtë javë, me presidentin rus që pritet të bëjë paraqitjen e tij të parë në skenën botërore që kur kryengritja e Wagner kërcënoi kontrollin e tij të çelikut në pushtet.
vijon...
RUSI- Në Ditën e Pavarësisë së së Bjellorusisë, presidenti rus Vladimir Putin i dërgoi urime homologut të tij bjellorus, Aleksandër Lukashenko. Mediat e huaja shkruajnë se Putin në mesazhin e tij ka shprehur se dy vendet përballen së bashku me kërcënimet dhe sfidat e jashtme mjaft serioze.
“Lidhjet e miqësisë vëllazërore dhe të mbështetjes reciproke të zbutura në vitet e vështira të luftës mbeten një bazë e besueshme për marrëdhëniet aleate ruso-bjelloruse. Kjo konfirmohet plotësisht sot kur vendet tona përballen së bashku me kërcënimet dhe sfidat e jashtme mjaft serioze. Kjo festë ka rëndësinë e saj jo vetëm për bjellorusët, por edhe për rusët, sepse është e lidhur me një ngjarje mjaft të jashtëzakonshme në historinë e përbashkët të të dy shteteve: çlirimin e Minskut nga pushtuesit gjermano-fashistë”, tha Putin në mesazhin e tij.
Gjithashtu në mesazhin e tij, lideri rus tha se ishte i bindur se duke ndërtuar lidhje dypalëshe dhe duke forcuar institucionet e Shtetit të Unionit, Rusia dhe Bjellorusia do të jenë në gjendje të kapërcejnë çdo vështirësi dhe të mbrojnë interesat e tyre legjitime në skenën ndërkombëtare.
UKRAINË- Lufta në Ukrainë ka shkur në ditën e 495-të, raporton "TG COM24". Presidenti Volodymyr Zelenskyy ka paralajmëruar se ekziston një rrezik serioz, që Rusia mund të shkaktojë një shpërthim të kontrolluar në termocentralin bërthamor të Ukrainës Zaporizhzhia.
"Ekziston një rrezik serioz që Rusia mund të shkaktojë një shpërthim të kontrolluar në termocentralin bërthamor të Ukrainës Zaporizhzhia, potencialisht i aftë për të lëshuar rrezatim".
Sipas mediave ruse, grupi Wagner i udhëhequr nga Yevgeny Prigozhin mori më shumë se 17.5 miliardë nga shteti rus.
Senatori rus: 700.000 fëmijë të marrë nga Ukraina
Rusia "gjatë viteve të fundit" ka transferuar 700.000 fëmijë nga zonat e konfliktit në Ukrainë në territorin rus. Këtë e ka bërë të ditur kreu i komitetit ndërkombëtar të Këshillit të Federatës, dhoma e lartë e parlamentit rus, Grigory Karasin.
"Në vitet e fundit, 700.000 fëmijë kanë gjetur strehim tek ne, duke ikur nga granatimet e zonave të konfliktit në Ukrainë," tha Karasin në kanalin e tij Telegram.
Kiev: 100 punonjës janë larguar nga uzina e Zaporizhzhia
Rreth 100 punonjës të monopolit bërthamor rus Rosatom janë larguar nga centrali bërthamor ukrainas i Zaporizhzhia, në qytetin Energodar, aktualisht i pushtuar nga rusët. Kështu deklaroi kryetari i bashkisë së qytetit, Dmytro Orlov, në një koment për Radio Ukraine.
RUSI- Nënkryetari i Këshillit të Sigurimit të Rusisë, Dmitry Medvedev ka pohuar se qëllimi i Rusisë është të eleminojë antarësimin e mundshëm të Ukrainës në NATO.
“Ne (Rusia) gjithmonë kemi kërkuar vetëm një gjë, të marrim parasysh shqetësimet tona dhe të mos ftojmë pjesët e mëparshme të vendit tonë në NATO. Sidomos ata me të cilët kemi mosmarrëveshje territoriale. Prandaj, qëllimi ynë është i thjeshtë, të eliminojmë kërcënimin e anëtarësimit të Ukrainës në NATO,” shkroi Medvedev, një ish-president dhe kryeministër rus.
Medvedev tha se Moska është e gatshme që qëllimisht ta bëjë konfliktin aktual të përhershëm, sepse “kjo është një çështje e ekzistencës së Rusisë”.
Grupi famëkeq rus i mercenarëve Wagner, që kreu rebelimin më 23-24 qershor, ka ndaluar të gjithë procesin e rekrutimit. Ky grup njoftoi përmes kanalit në Telegram se “përkohësisht nuk po marrim pjesë në operacionin e posaçëm ushtarak dhe po zhvendosemi në Bjellorusi”.
Wagner përdori shprehjen që Rusia përdor për t’iu referuar pushtimit të paprovokuar të Ukrainës. Grupi Wagner kreu një rebelimin të shkurtër dhe mercenarët u nisën drejt Moskës. Por, më pas lideri autoritar bjellorus, Aleksandër Lukashenko, ndërmjetësoi një marrëveshje dhe rebelimi u ndërpre.
Sipas kësaj marrëveshjeje, shefi i Wagner-it, Yevgeny Prigozhin, u lejua që të shkonte në Bjellorusi.
Luftëtarëve të Wagner-it u është dhënë mundësia të zgjedhin nëse duan të ndjekin Prigozhinin apo të integrohen në ushtrinë e rregullt ruse.
Prigozhin nuk është parë në publik që nga përfundimi i rebelimit./REL
Një zyre ndërkombëtare që do të hetojë Rusinë për pushtimin e saj të Ukrainës është hapur më 3 korrik në Hagë. Ky është hapi i parë drejt një tribunali të mundshëm kundër udhëheqjes në Moskë. Qendra Ndërkombëtare për Ndjekjen e Krimit të Agresionit (ICPA) ka prokurorë nga Kievi, Bashkimi Evropian, Shtetet e Bashkuara dhe Gjykata Ndërkombëtare Penale (ICC).
Kjo zyrë do të hetojë dhe do të mbledhë dëshmi, në një lëvizje që po shihet si hap i përkohshëm para krijimit të një tribunali special, që mund të sjellë para drejtësisë zyrtarët e Kremlinit për nisjen e luftës në Ukrainë.
Disa zyrtarët të lartë të ICPA-së do të mbajnë një konferencë për media më vonë gjatë ditës. Në këtë konferencë pritet të flasin prokurori i përgjithshëm ukrainas, Andriy Kostin, prokurori i ICC-së, Karim Khan, ndihmësprokurori i përgjithshëm amerikan, Kenneth Polite, dhe Komisionari i BE-së për Drejtësi, Didier Reynders.
Thirrjet për krijimin e një tribunali special për Ukrainën janë shtuar sepse ICC-ja, gjykata për krime të luftës që po ashtu ka selinë në Hagë, nuk ka mandat për të hetuar krimin e gjerë të agresionit.
ICC-ja po heton krime më specifike të luftës dhe krime kundër njerëzimit në Ukrainë dhe në mars lëshoi një urdhërarrestim për presidentin rus, Vladimir Putin, lidhur me supozimet për dëbimin e fëmijëve.
Kievi po kërkon krijimin e një tribunali special që kur zbuloi qindra trupa pasi trupat ruse u tërhoqën nga qyteti Buça, afër kryeqytetit ukrainas, në prill të vitit 2022.
Mbështetja ndërkombëtare për këtë ide është rritur dhe Komisioni Evropian në shkurt ka njoftuar për krijimin e ICPA-së.
Brukseli ka thënë se kjo qendër ka “synimin kryesor të ndjekë penalisht përgjegjësit e pushtimit” të Ukrainës. Përfshirja e SHBA-së i ka dhënë më shumë fuqi përpjekjeve për krijimin e një trubunali special, pavarësisht faktit që Uashingtoni ende refuzon që të bëhet pjesë e ICC-së./REL
