Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Në sallën e mbledhjeve të Grupeve Parlamentare në Kryesinë e Kuvendit, u zhvillua sot një takim mes deputetëve të Partisë Demokratike, mbështetës të grupimeve Berisha dhe Bardhi. •Deputetët opozitarë vendosën se do të firmosin ngritjen e tre komisioneve parlamentare, të cilat do të dorëzohen më pas në Kuvend.•Pas përfundimit të takimit, Berisha u shpreh se kryeministri do të marrë përgjigjet e merituara. •Nga ana tjetër, Bardhi tha se janë mbledhur të gjitha firmat për komisionet hetimore dhe nesër do të dërgohen në Kuvend. •Mbledhje të tilla pritet të kthehen në takime mes deputetëve të opozitës në prag të çdo seance plenare me qëllim që të koordinojnë aksionin opozitar.
3 artikuj për këtë temë.
TIRANË- Kryetari i PD, Sali Berisha pas përfundimit të mbledhjes së përbashkët me Gazment Bardhi dhe deputetët, u pyet se çfarë mendonte për pjesëmarrjen e Lulzim Bashës në mbledhjen e Këshillit të Europës për asetet e konfiskuara ruse.
“Eksperiencë me rusët ka ai”. ishte përgjigja e Berishës.
Basha është emëruar si reporter për konfiskimin e aseteve ruse dhe përdorimin e tyre për riparimin e dëmeve të shkaktuara nga agresioni i Rusisë kundër Ukrainës. Vendimi është marrë nga Komiteti për Çështje Politike dhe Demokracinë në Asamblenë Parlamentare të Këshillit të Europës, të cilët kanë votuar unanimisht pro Bashës.
TIRANË- Pas përfundimit të mbledhjes me grupin e PD-së së Bardhit, kryedemokrati Sali Berisha u shpreh se së bashku diskutuan mbi drejtimin disfunksionial në kundërshti me ligjin dhe me Kushtetutën e Parlamentit. Ai shtoi se opozita do t'i japë Qeverisë përgjigjet e merituara.
"Përfundoi mbledhja e grupit. U diskutua e gjithë agjenda e nesërme e parlamentit. Qendrimet që do mbajnë deputetët dhe z.Bardhi do t’ju informojë më me hollësi. U diskutua gjerësisht mbi drejtimin absolutisht disfunksionial në kundërshti me ligjin, me Kushtetutën të Parlamentit. Shkelmimin nga ana e institucioneve të vendit të të drejtave elementare të deputetëve për t’u informuar dhe informuar zgjedhësit e tyre. Braktisjen që i bën Edi Rama Parlamentit. Për të gjitha këto grupi parlamentar, deputetët e opozitës do të japin përgjigjet e merituara. Faleminderit!"- tha Berisha.
TIRANË- Këto janë pamjet nga takimi me dyer të mbyllura po zhvillohet sot ku marrin pjesë Gazment Bardhi dhe Sali Berisha si dhe deputetëve që i mbështesin. Ky është takimi i dytë i cili u paralajmërua në takimin e një jave më parë, ku morën pjesë 43 deputetë të PD.
Deputetët pritet të firmosin kërkesën që do t’i drejtohet Kuvendit për të ngritur komisionin për hetimin e koncensioneve në shëndetësi, për hetimin e vjedhjes së të dhënave të sistemit TIMS, dhe komisionin për hetimin e konfliktit të interesave për pushtetarët./Dosja.al
