Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Sekretariati i Etikës ka shqyrtuar sot kërkesën e Partisë Socialiste për marrjen e masave ndaj deputetëve të opozitës, në mbledhjen e zhvilluar në orën 10:00, pas tensioneve dhe incidenteve që u regjistruan gjatë seancës plenare të 18 dhjetorit 2025. • Pas debatit dhe shqyrtimit të provave, sekretariati ka vendosur të marrë masa disiplinore për gjashtë deputetë, duke urdhëruar përjashtimin e tyre nga seancat plenare dhe komisionet parlamentare për një periudhë 30 ditore. • Deputetët e përfshirë janë: Belind Këlliçi, Fidel Kreka, Albana Vokshi, Klevis Balliu, Flamur Noka dhe Elda Hoti. • Për 23 deputetë të tjerë të opozitës, sekretariati vendosi të mos aplikojë përjashtim nga punimet e Kuvendit, por u bë një tërheqje vëmendjeje për sjelljen e tyre gjatë seancës.
9 artikuj për këtë temë.
TIRANA- Pas mbledhjes së Sekretariatit të Etikës, kryetari i këtij organi, Ulsi Manja, u shpreh për mediat se vendimi për përjashtimin e disa deputetëve të Partisë Demokratike u mor pas shqyrtimit të incidenteve dhe tensioneve që ndodhën gjatë seancës plenare të së enjtes.
Ai theksoi se mbledhjet e Sekretariatit zhvillohen zakonisht me dyer të mbyllura, duke respektuar rregulloren e Kuvendit, por deputetët e opozitës u ftuan të ishin të pranishëm, pasi ndaj tyre ishte propozuar masa disiplinore. Manja shtoi se gjatë mbledhjes u shfaqën pamjet e seancës ku u shfaqën veprime të dhunshme nga disa ligjvënës.
Manja: Në respekt të opinionit publik por edhe të mediave, duke qenë se Sekretariati për Etikën sipas Rregullores në mënyrë taksative i zhvillon me dyer të mbyllura mbledhjet, sepse është organ pune i Kuvendit, pavarësisht se nga deputetët e opozitës që unë kam kërkuar të jenë të pranishëm, sepse janë deputetë ndaj të cilëve kërkohet masë, si rregull duhet të dëgjohen. Sot pamë pamjet nga seanca jo normale, me veprime të dhunshme, ju ishit dëshmitarë dhe prezentë.
TIRANA- Mbledhja e Sekretariatit të Etikës, ku u shqyrtua kërkesa e Partisë Socialiste për përjashtimin e disa deputetëve të Partisë Demokratike pas incidenteve të seancës plenare të së enjtes, u shoqërua me debate të ashpra dhe tension në sallë.
Deputetët e opozitës reaguan me ironi dhe kundërshtim të hapur gjatë leximit të emrave të deputetëve të propozuar për përjashtim, duke shprehur revoltë dhe duke goditur tavolinat si shenjë pakënaqësie.
"Po internim ka? T’i varim!" thanë deputetët.
“Nuk munden përfaqësuesit e Suel Çelës të na përjashtojnë ne. O Ulsi ke ditën sot ti, momentin të distancoheshe nga krimi dhe korrupsioni. Mos kujto se do tërhiqemi deri në ikjen e Ramës dhe Ballukut. Më keq do ta bëjmë”, tha Vokshi.
TIRANË- Sekretariati i Etikës ka marrë vendimin ditën e sotme për përjashtimin e 6 deputetëve të PD-së për kaosin në seancën e fundit plenare. Mësohet se deputetët që janë përjashtuar janë Belind Këlliçi, Albana Vokshi, Klevis Balliu, Flamur Noka, Elda Hoti si dhe Fidel Kreta.
Këta deputetë janë përjashtuar me nga 30 ditë secili nga 60 që u kërkua nga socialistët. Ndërkohë që deputetët e tjerë të opozitës që ishin të pranishëm në seancën plenare nuk janë përjashtuar.
“Për deputetet; Kreka, Këllici, Vokshi, Allolli, Denisa Vata, Balliu, Noka u kërkua përjashtim nga 60 ditë Për Gazment Bardhin dhe Berishën u kërkua për 30 ditë përjashtim. Për deputetët e tjerë, Xhaferi, Mziu, Bledion Nallbabni, Korreshin dhe Boçi, është kërkuar 10 ditë. Pasi kemi marrë në tërësi në shqyrtim masat, propozoj që Këlliçi, Kreka, Vokshi, Balliu, Noka, Hoti, të përjashtohen me 30 ditë pune nga Komisionet dhe seancat plenare, për sjellje jo etike,” tha Manja./Dosja.al
TIRANA- Partia Socialiste ka vendosur të reduktojë kërkesën e saj për përjashtimin e deputetëve të Partisë Demokratike nga mbledhjet e Kuvendit. Nga 29 ligjvënës të përfshirë fillimisht, PS kërkon tani masa vetëm për 10 prej tyre.
Në mbledhjen e Sekretariatit të Etikës, ku u diskutua kjo çështje, mazhoranca pretendoi se deputetët e opozitës kanë ushtruar dhunë gjatë seancës plenare. Sipas propozimit të kryetarit të Sekretariatit, Ulsi Manja, nuk do të ketë përjashtime me 10 ditë, ndërsa për 10 deputetët e mbetur PS ka kërkuar që përjashtimi të variojë nga 30 deri në 60 ditë.
TIRANA- Mbledhja e Sekretariatit të Etikës në Kuvend është shoqëruar me debate të forta mes mazhorancës dhe opozitës. Deputetët e Partisë Demokratike, përfshirë kryetarin e grupit parlamentar Gazment Bardhi, kërkuan të njihen me provat mbi të cilat mbështetet kërkesa e mazhorancës për përjashtimin e 29 kolegëve të tyre.
Bardhi ngriti shqetësimin se procesi po zhvillohet pa transparencë dhe vuri në dukje se edhe zyrtarë të qeverisë mund të jenë të përfshirë në shkelje të ngjashme.
Nga ana e tij, kryetari i Sekretariatit të Etikës, Ulsi Manja, ndërpreu mbledhjen duke deklaruar se do të tërhiqen për të marrë vendimin përfundimtar, gjë që çoi në ironizim të situatës nga demokratët.
Noka: Shkoni te zyra e Gysit, atje bëni mbledhjen. Shkoni atje! Po ju pret Gysi, që të merrni vendimet atje. Do i merrni vendimet me Gysin!
Vokshi: Pini dhe verën e Gysit.
Noka: Atje shkoni!
Balliu: Atje do të shkoni që të merrni vendimin në parim?!
Vokshi: Ja ku janë provat tona!
Balliu: Deputeti i Troplinit, Balla ka ardhur që të pezullojë opozitën.
Noka: Në 35 vite po përjashtohen opozitarët me pozicione partiake.
TIRANA- Teksa ka nisur mbledhja e Sekretariatit të Etikës, deputetët e opozitës që rrezikojnë përjashtimin nga Kuvendi janë paraqitur në sallë me pankarta në duar. Pamjet tregojnë se opozitarët ironizojnë kryeministrin Edi Rama, zv.kryeministren Belinda Balluku dhe Ergys Agasin.
TIRANA- Sekretariati i Etikës ka nisur mbledhjen për të shqyrtuar kërkesën e Partisë Socialiste për përjashtimin e 29 deputetëve të opozitës, pas incidenteve të regjistruara gjatë seancës plenare të 18 dhjetorit.
Gjatë shqyrtimit u shfaq një video nga seanca, ku disa deputetë u përfshinë në përdorimin e flakadanëve. Deputetja Albana Vokshi pranoi pjesëmarrjen e saj në këtë akt, duke konfirmuar se ka ndezur flakadanë gjatë seancës dhe deklaroi se do të vazhdojë të veprojë deri në largimin e kryeministrit.
Vokshi: Unë ekam ndezur dhe e ndez 100 herë derisa të ikë Edi Rama. Po po unë jam aty. Sillni këtu Niko Peleshin të më tregojë pse kishte sjellë Gardën. Nuk jemi këtu si në gjyq në kohën e sigurimit të Shtetit. Kemi kërkuar mbledhje me praninë e mediave. Të erdhi mesazhi nga Rama Ulsi? Çfarë të tha të bësh?
TIRANA- Ka nisur mbledhja e Sekretariatit të Etikës për të shqyrtuar kërkesën e Partisë Socialiste për përjashtimin e 29 deputetëve të opozitës, të akuzuar nga mazhoranca për përfshirje në incidentet gjatë seancës plenare të Kuvendit.
Mbledhja e mëparshme ishte shtyrë pasi deputetët e përfshirë kërkuan kohë për të njohur provat e paraqitura. Ndërkohë, PS ka kërkuar nga Prokuroria të verifikojë mundësinë e nisjes së një hetimi penal ndaj deputetëve Flamur Noka dhe Klevis Balliu, pas përplasjes me punonjësit e Gardës.
Mazhoranca ka deklaruar se aktet e dhunës në Kuvend ishin të organizuara dhe të drejtuara nga udhëheqës të Partisë Demokratike, përfshirë Sali Berishën, Flamur Nokën dhe Gazment Bardhin.
TIRANA- Sekretariati i Etikës pritet të zhvillojë sot në orën 10:00 një tjetër mbledhje, ku do të shqyrtohet kërkesa e Partisë Socialiste për masa disiplinore ndaj 29 deputetëve të opozitës, të përfshirë në incidentet e ndodhura gjatë seancës plenare të 18 dhjetorit në Kuvend.
Seanca e mëparshme u ndërpre pasi deputetët kërkuan akses dhe njohje me materialet provuese mbi të cilat bazohet kërkesa e mazhorancës. PS ka depozituar gjithashtu një kërkesë drejtuar Prokurorisë për të vlerësuar nëse ka elementë për nisjen e një hetimi penal ndaj deputetëve Flamur Noka dhe Klevis Balliu, lidhur me përplasjet fizike me punonjësit e Gardës së Republikës.
Sipas qëndrimit të mazhorancës, aktet e dhunës nuk ishin spontane, por të organizuara nga drejtues të Partisë Demokratike, duke përfshirë Sali Berishën, Flamur Nokën dhe Gazmend Bardhin.
Në kërkesën e saj, PS propozon përjashtim 60-ditor nga punimet parlamentare për Flamur Nokën dhe Klevis Balliun për përplasjet fizike, si dhe për Sali Berishën dhe Gazmend Bardhin, të cilët cilësohen si organizatorë të ngjarjeve. Po ashtu, masa të njëjta kërkohen edhe për deputetët që hodhën lëndë tymuese në sallën e Kuvendit, mes tyre Belind Këlliçi, Fidel Kreka, Albana Vokshi, Ledina Alolli dhe Denisa Vata.
Ndërkohë, për 19 deputetë të tjerë të opozitës, të cilët akuzohen se rrethuan foltoren gjatë seancës, mazhoranca kërkon një masë disiplinore më të lehtë, konkretisht përjashtim 10-ditor nga aktivitetet parlamentare.
