Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Partia Socialiste është duke u përgatitur për seancën parlamentare të së enjtes, ku kryeministri Edi Rama do të paraqitet për herë të parë përballë opozitës për t'u përgjigjur pyetjeve në lidhje me çështjen McGonigal. • Në një dalje për mediat nga Kryesia e Kuvendit, kreu i grupit të PS, Taulant Balla tha se PS është gati dhe mezi pret të "thotë disa të vërteta" ndërsa i bëri thirrje opozitës të mos shmanget. • Seanca e të enjtes pritet të jetë një seancë maratonë dhe Balla tha se mocioni për debat ka në dispozicion 24 orë për të marrë kohën të gjithë deputetët në sallë. • Balla foli edhe për kandidimin e Fredi Belerit në bashkinë e Himarës dhe tha se ky është një turp për Partinë Demokratike. • Ndërkohë për deklaratat e ish-ministrit të Financave, Arben Ahmetaj në "Opinion" dhe për zërat se mes tij dhe kryeministrit ka një përplasje, Balla tha se "çfar ënuk kam dëgjuar këto kohë", duke refuzuar të përgjigjet. • Kreu i grupit të PS, ceku edhe çështjen e mandatit të ministres së Jashtme Olta Xhaçka dhe miratimin e kërkesës së PD për të shqyrtuar sa më parë vendimin e Gjykatës Kushtetuese dhe tha se ky vendim do të shqyrtohet nga Këshilli i Legjislacionit.
4 artikuj për këtë temë.
TIRANE- Kryetari i grupit parlamentar të Partisë Socialiste, ka përshëndetur kthimin e ligjit për "Dekoratat në Republikën e Shqipërisë", nga ana e presidentit të Republikës, Bajram Begaj. Në komunikimin e përjavshëm që pati me gazetarët nga kryesia e Kuvendit, Balla tha se Partia Socialiste do ti shohë me kujdes shqetësimet e ngritura nga kreu i shtetit.
“Presidenti i Republikës ka ngritur disa shqetësime që lidhem me atë ligj. Kuvendi i Shqipërisë ka detyrimin t’i shqyrtojë ato pika. Kemi të bëjmë me një President normal dhe më në fund kemi të bëjmë me një situatë normale të komunikimit mes dy institucioneve. Seanca do të vendosë nëse do të merren në konsideratë të gjitha shqetësimet e Presidenti. Unë mendoj se disa prej tyre duhen marrë dhe të bëjmë ndryshimet në ligj që reflektojnë shqetësimet e Presidenti”, tha Balla./Dosja.al
TIRANË- Kreu i Grupit Parlamentar Taulant Balla ka replikuar sërish me kandidatin e Partisë Demokratike Fredi Beleri, i cili e kërcënoi me gjyq për shpifje., Në një deklaratë pas mbledhjes së grupit të Partisë Socialiste, Balla tha se Bejleri është një njeri i dënuar nga Gjykata dhe nuk mund të kandidojë për bashkinë. Ai u shpreh se duhen krahasuar vetë deklaratat e bëra nga Berisha për Belerin, në vitin 1994, dhe fakti që sot e kandidon për kryetar bashkie.
Prononcimi i Ballws:
Që Sali Berisha do të vinte dita ku do të kandidonte dhe këtë soj kjo nuk ishte e rastësishme, por kjo është në fund të fundit, fundi i hidhur i një personi i cili tradhëtinë ndaj shqiptarëve e ka bërë që ditën e parë të ditës së tij në pushtet. I drejtohem çdo demokrati nga Konispoli deri në Koplik, është në turpin e asaj që ka mbetur nga Partia Demokratike që të ketë kandidat të tyre një person si Fredi Bejleri, i dënuar nga Gjykata për një çështje ku të gjithë biem dakord, është një ngjarje e rëndë dhe një shkelje e pastër e sovranitetit të Republikës së Shqipërisë. Merrni pak deklaratat e Sali Berishës në vitin 1994, dhe turpi i një njeriu dhe një politikani është viti 1994 çfarë ka thënë, dhe në vitin 2023 këtë personin e merr dhe e ve kandidatin e vet,”- tha Balla.
Beleri është kandidati i Partisë Demokratike për Bashkinë Himarë. Vetëm dy ditë më parë Taulant Balla e akuzoi si të përfshirë edhe në masakrën e Peshkëpisë, gjë të cilën Beleri e ka mohuar. Në një reagim të mëhershëm, kandidati i Berishës është shprehur se Ballën do ta çojë në gjyq për shpifje.
TIRANË- Kreu i grupit parlamentar të Partisë Socialiste Taulant Balla ka deklaruar se pas kundërpërgjigjes së deputetit Arben Ahmetaj ndaj kryeministrit Edi Rama, ka dëgjuar shumë gjëra. Në një prononcim për mediat, pas mbledhjes së grupit të PS-së, ai tha se selisa rozë e ka mbajtur qëndrimin zyrtar për çështjen e inceneratorëve në momentin që ka votuar raportin e Komisionit Hetimor në Kuvend. Ndër të tjera, ai tha se qytetarët presin drejtësi për dosjet e mëdha si 21 Janari, Gërdeci dhe atë të CEZ/DIA-s.
Pjesë nga prononcimi:
Pyetje: A ka luftë të brendshme mes Ahmetajt, Ramës e Veliajt, do mbani qëndrim si grup?
Taulant Balla: Çfarë s'kam dëgjuar. PS ka votuar një raport dhe ai qëndrim është qëndrimi ynë për këtë çështje. E vërteta është që PS-ja vazhdon t'i mbetet qëndrimit se jemi një republikë parlamentare, drejtësia bën punën e vet, Kuvendi bën punë ne vet dhe secili duhet të vazhdojë punën. Ne nuk jemi nga ata që pengon punën e drejtësisë. Ky ka qenë një nga rastet e pakta që ka pasur një raport të komisionit hetimor dhe është votuar. Kemi dhe një raport tjetër, për privatizimin e OSSH-së, ku shqiptarët humbën 418 mln euro. Unë e mbështes SPAK për hetimin, shqiptarët duan që të gjithë këto dosje, si Gërdeçi, 21 Janari, CEZ/DIA të hetohen me paanashmëri dhe të vendoset drejtësi.
Arben Ahmetaj iu përgjigj të enjtjen e kaluar kryeministrit Rama, pasi ky i fundit tha se nëse akuzat për cështjen e inceneratorëve rezultojnë të vërteta, nuk e 'dnihmonte' dot. Ahmetaj, i ftuar në "Opinion", tha se nuk kishte kërkuar asnjëherë ndihmë Rama, por shtoi se ai do të bënte më mirë të luante rolin e kryeministrit dhe jo atë të gjykatësit.
TIRANË- Kreu i grupit parlamentar të Partisë Socialiste Taulant Balla ka deklaruar se në seancën e 2 marsit, ku do të diskutohet për dosjen e ish-agjentit të FBI-së Charles McGonigal, do të thuhen të vërteta të mëdha. Në një deklaratë për mediat pas mbledhjes së grupit të PS-së, Balla tha se çdo deputet do të flasë 10 minuta. Ai shtoi ndër të tjera se ajo seancë do të sjellë bashkimin e disa kërkesave të depozituara nga Opozita.
Pjesë nga deklarata e Ballës:
Të gjitha grupet parlamentare presin që në Kuvendin e Shqipërisë të ketë një diskutim. Çdo deputet do të ketë 10 minuta kohë, sipas kërkesës së sjellë. Mos harroni që këtu kemi të bëjmë me bashkëim të këresave, pasi mos harroni që kërkesa për mocion-debat, interpelancë dhe seanca e pyetjeve janë bashkuar. Duhet t'ju them që grupi i PS-së do të komunikojë me publikun disa të vërteta të mëdha.
Më 2 mars është vendosur mbajtja e seancës plenare për takimet e kreut të qeverisë Edi Rama me ish-agjentin e FBI-së Charles McGonigal. Seanca do të jetë pa limit kohor dhe çdo deputet do të flasë 10 minuta. Kjo kërkesë e Opozitës u miratua pas një sërë seancash plenare të zhvilluara mes rrëmujës e kaosit. Deputetët kërkonin praninë e Ramës, ndërsa maxhoranca ijonte punimet. Debatet sollën dhe përjashtimin e shumë deputetëve të PD-së.
Ç’ka ndodhur me dosjen e Charles McGonigal?
Faqet e dosjes tregojnë shumë për zhvillimet politike të 5 viteve të fundit edhe në Shqipëri, ku protagonist është kryeministri Edi Rama dhe lufta e tij kundër opozitës. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Rama mohon të ketë lidhje me akuzat e ngritura nga McGonigal./Dosja.al
