Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Defender 2023. • Nis stërvitja më e madhe në Shqipëri e kryesuar nga SHBA-ja dhe NATO. • Në këtë stërvitje marrin pjesë 24 mijë ushtarë të SHBA-së, NATO-së, Shqipërisë dhe vendeve aleatë në Evropë. • Ambasadorja amerikane Yuri Kim gjatë fjalës së saj në ceremoninë e hapjes së stërvitjes u shpreh se kjo është histori, e cila tregon mbështetjen dhe forcën kundër paligjshmërisë. • Kryeministri Edi Rama në fjalën e tij theksoi se kjo stërvitje është treguese se sa lartë ka ecur Shqipëria dhe ka theksuar këtu kryesimin e Këshillit të Sigurimit.
7 artikuj për këtë temë.
TIRANË- Kështu u paraqit ditën e sotme kryeministri Edi Rama në pritjen e organizuar për trupat e NATO-s, në stërvitjen ushtarake ‘Defender 2023’ që do të zhvillohet në Shqipëri. Përveç veshjes, e cila binte shumë në sy pasi ishte ndryshe nga e të tjerëve, Rama u pa të bënte edhe sjellje të çuditshme.
Ai shihet teksa shikon në tokë, e më pas kafshon duart. Nuk mungojnë as momentet kur shikon si i hutuar sa majtas e sa djathtas.
Po ashtu, në ceremoni ishte e pranishme edhe ambasadorja në largim e SHBA-së, Yuri Kim, e cila nuk u përshëndet me Ramën./Dosja.al
TIRANË- Drejtusja e re e Shërbimit Informativ të Shtetit Vlora Hyseni ka marrë pjesë sot në ceremoninë e hapjes së stërvitjes Defender 2023. Kjo është paraqitja e parë e Hysenit në publik pasi ka marrë detyrën, rreth dy muaj më parë.
Në fotot e mëposhtme shihet Hyseni teksa diskuton me kryeministrin Edi Rama si dhe me Presidentin Bajram Begaj.
TIRANË- Fotot e mëposhtme janë nga nisja e stërvitjes Defender 23 në Shqipëri. Kjo është hera e dytë që në stërvitjen Defender përfshihet Shqipëria dhe trupat shqiptarë.
Në mbajtjen e ceremonisë, ka marrë pjesë Presidenti Bajram Begaj, kryeministri Edi Rama, Ministri i Mbrojtjes Niko Peleshi, Ambasadorja Yuri Kim si dhe komandatë të NATO-së. Në stërvitjen do të marrin pjesë gjithsej 24 mijë ushatarë, nga disa vende të ndryshme.
TIRANË- Kryeministri Edi Rama ka deklaruar se stërvitja e përbashkët Defender 23 ka treguar se sa lartë ka shkuar Shqipëria. Gjatë fjalës së tij në ceremoninë hapëse, Rama u shpreh se Shqipëria për herë të parë ka arritur që të ulet krah për krah me SHBA-në në Këshillin e Sigurimit dhe ka marrë vendime të rëndësishme. Rama më tej theksoi se kjo stërvitje tregon se Shqipëria mbetet një aleat i fortë dhe i besueshëm i SHBA dhe NATO.
“Kjo stërvitje na rikujton se pavarësisht gjuhës që flasim, pavarësisht flamurit jemi të lidhur pazgjidhshmërisht me ato vlera dhe parime të cilat janë të kërcënuara po njësoj për secilin prej nesh. Të gjithë së bashku jemi të imponuar nga historia dhe ardhmëria jonë që të funksionojë në unitet të plotë. Vitin e shkuar erdhi lajmi i mirë për ngritjen e shtabit të bazës së forcave operacionale, dëshmon se Shqipëria mbetet një aleat i fortë dhe i besueshëm i SHBA dhe NATO, por Shqipëria bëhet hap pas hapi një pikë e palëvizshme referimi në kontinentin tonë. Me aeroportin e Kuçovës, që do jetë në funksion si bazë e re operacionale e NATO-s dhe shpresojmë që edhe me portin, që do ketë të njëjtët komponentë, duke funksionuar si bazë operacionale e NATO-s për forcat detare, një faqe e re e historisë sonë po shkruhet dhe në këtë faqe të re ne jemi jo vetëm konsumatorë por edhe kontributorë në këtë aleancë të madhe. Me një falënderim për të gjithë ju që jeni angazhuar në këtë stërvitje dhe mirënjohje për aleatët tanë strategjikë, ju uroj çdo të mirë, mbarësi dhe vetëm sukses në këtë përpjekje të përbashkët, për diçka pa të cilën ne nuk do të ishim ata që kemi kërkuar gjithmonë të jemi”, tha Rama.
TIRANË- Ambasadorja amerikane Yuri Kim ka marrë pjesë në ceremoninë e hapjes së stërvitjes Defender 2023 në Shqipëri. Në fjalën e saj, Kim ka theksuar se me këtë stërvitje SHBA-ja bashkë me Shqipërinë po bëjnë histori. Po ashtu ajo ka cituar edhe heroin kombëtar Gjergj Kastriot Skërnderbeun, duke thënë se bashkimi bën fuqinë.
"Shqiptarëve iu tha se demokracitë ishin armiqtë e tyre, u detyruan të ndërtonin bunkierë, shikoni përreth një Shqipëri të ndryshuar dhe kjo është historike. Shqipëria dhe shumë partnerë duke nisur një stërvitje ushtarake ndërkombëtare, jemi këtu si aleatë, miq partnerë, dikur të ndarë veçmas tani aleatë të NATO-s, dhe partnerët. Shtetet e Bashkuara, Shqipëria dhe aletatët tanë të NATO-s janë më të bashkuar dhe më në formë se kurrë, s’mund të harroj fjalët e Skënderbeut, ‘bashkimi bën fuqinë’, që nga Defender 21 deri 23 Shqipëria dhe SHBA po bëjnë më shumë se kurrë më parë së bashku, kemi ndërmarrë hapa të mëdhenj, kemi ngritur dy pranitë e para, këto arritje po përshpejtojnë ritmin, është krijuar për të ndërtuar ndërveprueshmërinë tonë dhe është një mundësi për të vënë në veprimtari këtë partneritet, mund të kryejmë çdo mision, ju falënderoj për shërbimin tuaj që zgjodhët të mbroni vendin tuaj, ne, faleminderit që jeni gjithmonë këtu, jam krenar, ju nxis ta përdorni këtë mundësi, së bashku me Shqipërinë të ankoruar do vijojmë të bëjmë një histori të re, jemi krenarë që qëndrojmë krah për krah me popullin e Shqipërisë," tha Kim.
TIRANË- Stërvitja Defender 2023 ka nisur ditën e sotme në Tiranë. Kjo është hera e dytë që në stërvitjen Defender përfshihet Shqipëria dhe trupat shqiptarë. Në mbajtjen e ceremonisë, ka marrë pjesë Presidenti Bajram Begaj, kryeministri Edi Rama, Ministri i Mbrojtjes Niko Peleshi, Ambasadorja Yuri Kim si dhe komandatë të NATO-së.
Në stërvitjen do të marrin pjesë gjithsej 24 mijë ushatarë, nga disa vende të ndryshme. Në fjalën e tij Shefi i Shtabit, Arben Kingji ka falenderuar SHBA-në dhe NATO-në për organizimin e kësaj stërvitje në vendin tonë.
"Faleminderit SHBA për organizimin e kësaj stërvitje në vendin tonë," tha ai.
TIRANË- Stërvitja e përbashkët e SHBA-së, Shqipërisë dhe vendeve të tjera evropianë nis sot në vendin tonë. Kryeministri Edi Rama ka pulikuar një video gjatë stërvitjes, ndërkohë që shkuan se sot do të zbarkojnë trupat amerikanë në sheshin Nënë Tereza në Tiranë. Kjo është hera e dytë që trupat ushtarake shqiptare marrin pjesë në stërvitjen ushtarake Defender Europe.
Postimi i Plotë:
MIRËMËNGJES dhe me ftesën që të bashkoheni sot në ngjarjen më të rëndësishme ushtarake të vitit #DefenderEurope23 ku trupat dhe mjetet ushtarake amerikane, shqiptare dhe partnerë zbarkojnë në Tiranë në sheshin "Nënë Tereza", ju uroj një javë të mbarë
