"Delirantë, injorantë dhe dështakë-zemërakë"/ Rama nga Thethi: Sistemi nuk përmbyset! "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
• Ish-deputeti i Partisë Demokratike, Ervin Salianji pas lirimit nga burgu ka mbajtur një konferencë për mediat nga selia blu, ku tha se u rikthye pas gati 10 muajsh në sallën ku bëri një nga denoncimet më të bujshme. • Gjatë fjalës para gazetarëve, Salianji tha se me dënimin e tij, Shqipëria nuk pati benefit por regres për demokracinë e vendit. • Ai shtoi se burgosja e tij erdhi për shkak se preku një nga kartelet më të fuqishme, të lidhura sipas tij me qeverinë. • Ish-ligjvënësi e ka cilësuar burgimin e tij si një sakrificë në fobi të interesit publik, ndërsa tha se u dënua me burg për të shmangur betejën zgjedhore të 11 majit. • Ish-deputeti u shpreh se i gjithë gjykimi i tij është bërë nga të afërm të zyrtarëve të Partisë Socialiste. • I pyetur nëse do të kandidojë si deputet në zgjedhjet e ardhshme, Salianji ka deklaruar se do të jetë aktiv politikisht.• Ai është shprehur më tej se një pengesë për angazhimin e tij politik është mos zbardhja e vendimit nga Gjykata e Lartë për rekursin e tij. • Ai tha së ka bërë kërkesë për hetim në SPAK për arsyet se përse u ndryshua trupa gjykuese e zgjedhur nga shorti elektronik për çështjen e tij. • Pas zbardhjes së vendimit nga Gjykata e Lartë, ish-deputeti tha se do t'i drejtohet Gjykatës Kushtetuese dhe më pas edhe Strasburgut. • Salianji tha se demokratët dhe ai vetë duhet të fokusohen te gjetja e zgjidhjes për largimin e kryeministrit Edi Rama nga qeveria. • Ai shtoi se nuk mendon se ka qytetarë në Shqipëri që mendojne se ka zgjedhje të lira dhe të ndershme në vendin tonë. • Trupa gjykuese vendosi ditën e sotme që Salianji të lirohet, pasi raporti i shërbimit të provës për Salianjin ka dal pozitiv. • Pas publikimit të raportit, prokurori i çështjes ka dhënë dakordësinë që ish-deputeti të dalë nga burgu.
4 artikuj për këtë temë.
TIRANË- Ish-deputeti Ervin Salianji është shprehur sot në konferencën për mediat se Partia Demokratike duhet të gjejë zgjidhje se si të largojë "regjimin" nga pushteti.
Salianji tha se demokratët dhe ai vetë duhet të fokusohen te gjetja e zgjidhjes për largimin e kryeministrit Edi Rama nga qeveria. Ai shtoi se nuk mendon se ka qytetarë në Shqipëri që mendojne se ka zgjedhje të lira dhe të ndershme në vendin tonë.
"Nuk është sekret dhe e paditur, PD duhet të ishte më e vendosur në denoncim për parregullsitë. Nuk ka sekret që në Shqipëri nuk ka zgjedhje. Nuk është sekret që PD duhej të gjejë zgjidhje të largojë regjimin. Të thuash farsë është pak. Nga zgjedhjet e pjesshme deri në të fundit, përballemi me një situatë të njëjtë. Nuk duhet të presim që të reflektojë Edi Rama.
Drejtuesit dhe simpatizantët që sakrifikojnë duhet të gjejmë zgjidhje me cilën formë do largojmë Ramën dhe qeverinë e korruptuar. Do jemi këtu për të komunikuar. Do jap mendimin tim se si. Faza e parë që PD ka bërë mirë që të mos e zhvendos vëmendjen, është denoncimi i gjithçkaje për mospasjen e zgjedhjeve të lira dhe të ndershme.
Ne na lind detyra të gjejmë zgjidhje të largojmë regjimin. Unë mendoj, që duhet të fokusohemi pasi PD, nuk ka qytetarë shqiptarë që mendon se në Shqipëri ka zgjedhje të lira dhe të ndershme. Besoj se tani është koha të gjejmë zgjidhje. Ka edhe paratë që vijnë nga veprimtaritë kriminal, nga korrupsioni, lejet e ndërtimit, përdorimi i bandave dhe karteleve për të intimiduar votues.", tha Salianji.
TIRANË- Ish-deputeti demokrat, Ervin Salianji ka deklaruar sot pas pyetjeve të gazetarëve në konferencë, se do të jetë aktiv politikisht. Salianji është shprehur më tej se një pengesë për angazhimin e tij politik është mos zbardhja e vendimit nga Gjykata e Lartë për rekursin e tij.
Ai tha se ka bërë kërkesë për hetim në SPAK për arsyet se përse u ndryshua trupa gjykuese e zgjedhur nga shorti elektronik për çështjen e tij. Pas zbardhjes së vendimit nga Gjykata e Lartë, ish-deputeti tha se do t'i drejtohet Gjykatës Kushtetuese dhe më pas edhe Strasburgut.
"Do të jem aktiv politikisht, kam qenë dhe nga burgu përmes letrave. Ka një pengesë me urdhër politik, moszbardhja e vendimit mbi rekursin tim, nga ana e Gjykatës së Lartë. Kjo gjykatë ka bërë një falsifikim të shortit për të bërë gjykimin tim. I kam bërë kërkesë SPAK për hetimin e arsyes se përse u hoq trupa e gjykimit e zgjedhur nga shorti elektronik dhe u caktua një tjetër. Vendimet e Gjykatës së Lartë ende nuk është zbardhur që tmë japë mundësi të shkoj në Gjykatë Kushtetuese dhe më pas në Strasburg. Me zor e pres një përballje në Gjykatën Europiane për të përcaktuar nëse kam pasur unë të drejtë apo qeveria. Tani do të kem më shumë kohë për të qenë më pranë problemeve të qytetarëve. Tani i ndjej në lëkurë padrejtësitë.", u shpreh Salianji.
TIRANË- Ish-deputeti i Partisë Demokratike, Ervin Salianji tha sot në konferencën për mediat se dënimi i tij u bë për të shmangur betejën zgjedhore në 11 maj. Salianji u shpreh se sot vullneti i një përsoni vendos dhe përcakton mvi çdo institucion dhe ligj.
Ai e ka cilësuar burgimin e tij si një sakrificë në fobi të interesit publik. Ish-deputeti u shpreh se i gjithë gjykimi i tij është bërë nga të afërm të zyrtarëve të Partisë Socialiste.
"U dënova për të shmangur betejën zgjedhore. Jemi në një situatë ku vullneti i një individi vendos dhe percakton mbi çdo institucion dhe ligj. Pasojat që solli denoncimi im, ishte që një i dënuar për trafik drogë u dorëzua në Itali. Pavarësisht periudhës së kaluar padrejtësisht, burgu nuk i urohet as hasmit, por ju e keni parë se e kam marrë si një kosto të mosdorëzimit të të vërtetës apo moralit që ka individi. I gjithë gjykimi është bërë me familjarë të afërm të zyrtarëve të Partisë Socialiste. Kemi një sistem gjyqësor që përdoret për të goditur një kundërshtar politik, për të intimiduar persona që kanë probleme me ligjin.", tha Salianji.
TIRANË- Ish-deputeti i Partisë Demokratike, Ervin Salianji pas lirimit nga burgu ka mbajtur një konferencë për mediat nga selia blu. Salianji shprehet se u rikthye pas gati 10 muajsh në sallën ku bëri një nga denoncimet më të bujshme.
Ish-deputeti shtoi se me dënimin e tij, Shqipëria nuk pati benefit por regres për demokracinë e vendit. Ai tha se burgosja e tij erdhi për shkak se preku një nga kartelet më të fuqishme, të lidhura sipas tij me qeverinë.
"U riktheva në të njëjtën sallë ku bëra denoncimin më të bujshëm. Tani rikthehem pas 10 muajsh, sot ja ku jemi fatkeqësisht më të njëjta sëmundje që ka Shqipëria. Që edhe më dënimin tim Shqipëria nuk pati benefit por regres të demokracisë. Burgosja ime politike u bë për shkak të prekjes së një prej karteleve më të fuqishme të drogës dhe të lidhura më pushtetin.", u shpreh Salianji.
