Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Partia Demokratike ka zhvilluar sot protestën e parë qytetare kundër rritjes së çmimit të naftës. Revolta e qytetarëve nisi nga Elbasani, në sheshin kryesor të qytetit. Ata u grumbulluan rreth orës 11:00 e për rreth 60 minuta fikën makinat në rrugë në shenjë rebelimi ndaj rritjes së çmimit të hidrokarbureve. • I pranishëm në protestë ishte dhe nënkryetari i Partisë Demokratike, Luçiano Boçi dhe drejtues lokal të kësaj partie. Boçi u shpreh se gjithë kjo që po ndodh në vend me rritjen e çmimit të naftës është një "mekanizëm" vjedhjeje që qeveria përdor për të mbledhur sa më shumë para nga qytetarët që të blejë votat në zgjedhjet e ardhshme. • Numri dy i Partisë Demokratike akuzoi dhe Policinë e Shtetit për të cilën tha se është munduar të pengojë protestën e qytetarëve duke bllokuar rrugën kryesore. Kreu i PD në Elbasan, Bledi Himçi u shpreh se kjo nuk do të jetë protesta e vetme teksa paralajmëroi dhe protesta kombëtare. • Një i moshuar u bëri thirrje të rinjve që të marrin pjesë në protesta pasi sipas tij nuk protestohet për politikanët por për të ardhmen e brezave që do të vijnë. Qytetarë të tjerë u prononcuan për mediat dhe u shprehën se gjendja në qytet është e rëndë, se kanë vështirësi për t’ja dalë në kulmin e krizës për shkak të rritjes së çmimeve.
8 artikuj për këtë temë.
ELBASAN- Një qytetare nga Elbasani e pranishme në protestën e opozitës u shpreh se jetesa është bërë shumë e vështirë. Ajo nuk la pa "thumbuar" dhe ministret për të cilat tha se vishen me rroba nga 3000 euro.
"Po kur thotë ajo zonja: lani rrobat me 30 gradë. Po zonja i hedh se nuk blen rroba, i blen të shtrenjta 3000 euro një xhaketë kurse ne nuk blejmë dot një pale mbathje. Është bërë shumë e vështirë. Nuk mban më ujë pilafi. Boll më me këtë! Nuk e durojmë dot më!" tha qytetarja.
ELBASAN- Një pensionist nga Elbasani u bëri thirrje të gjithë të rinjve që të dalin në protestë. Ai tha se nuk proteston as për Sali Berishën, as për Edi Ramën por për brezat e ardhshëm.
Shqetësimi që ngriti i moshuari ishte se me pensionin 220 mijë lekë që merr bashkë me gruan nuk ia dalin dot. I mnoshuari kishte dhe një kërkesë për kryetarin e PD, Sali Berisha. Ai i kërkoi kryedemokratit që të organizojë një protestë pasi të gjithë do i ketë me vete.
“Klima është e vështirë, këtu zotëron krimi. Ca të mira ka kjo qeveri, kjo bën rrugë me 25 mln euro km. Ku ikin paratë e qytetarëve? Fukarallëku në kulm. Unë jam burrë e grua dhe jetoj me 220 mijë lekë pension. Edhe kur ishte pandemia nuk morëm asnjë ndihmë Unë i bëj thirrje popullit, duhet të ngrihemi. Të mos ngrihen as për Salën as për Ramën për asnjë politikan. Por të ngrihen për ata fëmijë që sapo lindin. Në mënyrë urgjente, i bëj thirrje edhe doktori të bëjë një organizim për protestë”, tha i moshuari.
ELBASAN- Kreu i Partisë Demokratike Elbasan, Bledi Himçi tha se qytetarët ndihen të pa mbështetur dhe të vjedhur nga qeveria.
Duke folur për mediat në protestën e mbajtur nga qytetarët në këtë qytet për rritjen e çmimit të karburanteve Himçi u shpreh se Bordi i Transparencës duhet shkrirë pasi sipas tij i shërben vetëm oligarkëve. Ai ndër të tjera tha se qytetarët kanë dalë në protestë pasi janë të revoltuar nga rritja e papërballueshme e çmimeve.
Kryetari i PD Elbasan Bledi Himçi: Duhet shkrirë bordi. Në bursë çmimi i naftës bie në Shqipëri rritet duke i shërbyer vetëm oligarkëve. Situata ekonomike ka bërë që të thirret kjo protestë. Situata po degradon nga dita në ditë, dhe në mënyrë masive të rinjtë janë larguar. Elbasani sot ndërllogaritet me largimet më të mëdha. Rritja e çmimeve është e papërballueshme për qytetarët. Situata është në kolaps. Tek njerëzit shihet një depresion që ka shkaktuar largimin dhe ka sjellë një shkallë pakënaqësie të lartë tek qytetarët në Elbasan.
ELBASAN- Nënkryetari i Partisë Demokratike, Luçiano Boçi i pranishëm në protestën e mbajtur në Elbasan kundër rritjes së çmimit të naftës bëri të ditur se ky është vetëm fillimi i aksionit opozitar që do të shtrihet në gjithë vendin.
Gjatë një prononcimi për mediat, Boçi u shpreh se bordi i emëruar nga qeveria është në kundërshtim me ligjin dhe se ajo që po ndodh me rritjën e çmimeve është një abuzim dhe vjedhje nga ana e qeverisë. Numri 2 i Partisë Demokratike u bëri thirrje qytetarëve që të bashkohen në protestë ndërkohë që u shpreh se Policia ishte munduar ta bllokonte protestën duke bllokuar rrugën kryesore.
Luçiano Boçi: Arsyet janë të ditura, nuk është vetëm rritja e naftës, është rritur pasiguria e shpopullimi.Të parët sot janë qytetarët e Elbasanit, janë të revoltuar ndaj padrejtësisë. Nuk është vetëm abuzim, por është vjedhje e hapur rritja e çmimit të naftës. Shihet qartë që qeveria ka nevojë për para abuzive, ua rrëmben qytetarëve përmes këtyre formave siç është rritja e karburanteve që depoziton miliona euro në arkën e shtetit nëpërmjet TVSH-së. Nuk ka ndihma për pensionistët e studentët dhe ka çmimet më të larta të karburanteve. Jo vetëm në raport me pagën, por çmimi është më i larti në rajon. Kur shikon që çmimet në bursë bien ,dhe në vend ngrihen rritet revolta. Ka një fushatë zgjedhore përpara dhe i duhen miliona euro për të blerë vota dhe për të organizuar fushatat. I bëj thirrje qytetarëve të na bashkohen pasi nuk ka më kohë për të humbur, kjo revoltë është e domosdoshme. Jemi të gatshëm si PD të jemi pranë qytetarëve, t’i mbrojmë ndaj abuzimeve jo vetëm ekonomike por edhe policore. Sot ishim dëshmitarë të bllokimit të aksit kryesor nga policia që të duket sikur protesta të mos kishte funksionuar.
Ish-Trajneri i Elbasanit: Kam 7 vjet pa punë, pa asnjë ndihmë ekonomike. Nuk marr asnjë 100 lekësh nga Edi Rama, paguaj ujë, drita dhe të gjitha, jam pas asnjë shpresë, shpresa e fundit është vdekja dhe largimi i Edi Ramës nga ky pushtet. Edhe Enver Hoxha nuk e ka bërë këtë vend në këtë mënyrë, bota e krimit po na sundon, sidomos Elbasanin që është qyteti i luleve. E ka bërë Shqipërinë një paçavure.
ELBASAN- Qytetarët kanë dalë në protestë në Elbasan, pas thirrjes së Partisë Demokratike. Në orën 11:00, ata janë mbledhur në sheshin kryesor të qytetit. Në shenjë rebelimi ndaj qeverisë, qytetarët kanë fikur makinat dhe i kanë rreshtuar në shesh.
Protesta nisi në orën 11:00 dhe do të mbahet në sheshin ‘Gensher’ në qendër të Elbasanit, për 60 minuta. Njoftimi për protestën u bë nga selia blu e Partisë Demokratike, e cila deklaronte se ky 11 tetor do të shënojë dhe nisjen e protestave kundër qeverisë.
Protesta e sotme ka moton 'boll heshtëm' dhe kërkesa kryesore është ulja e çmimit të naftës që ka kapur çmimin rekord, 245 lekë për litër.
ELBASAN- Një grua ka kërkuar largimin e qeverisë dhe kryeministrit Edi Rama. E pranishme në sheshin kryesor në qytetin e Elbasanit, gruaja tha se për të mbijetuar u kërkojnë para fëmijëve që kanë jashtë shtetit si emigrantë. Përpara kamerave, ajo tha se rrogat janë shumë të ulëta në vendin tonë, ndërsa çmimet kanë shkuar në stratosferë.
"Kjo qeveri nuk duhet të ekzistojë, rrogat janë shumë të ulëta, ndërsa çmimet kanë shkuar në stratosferë. U biem në qafë fëmijëve që kemi jashtë, u kërkojmë para atyre se ndyrshe nuk ia dalim dot,"- tha gruaja ndër të tjera.
Protesta nisi në orën 11:00 dhe po mbahet në sheshin ‘Gensher’ në qendër të Elbasanit, për 60 minuta. Njoftimi për protestën u bë nga selia blu e Partisë Demokratike, e cila deklaronte se ky 11 tetor do të shënojë dhe nisjen e protestave kundër qeverisë. Protesta e sotme ka moton 'boll heshtëm' dhe kërkesa kryesore është ulja e çmimit të naftës që ka kapur çmimin rekord, 245 lekë për litër.
ELBASAN- Sot nis aksioni i Partisë Demokratike. Opozita do të ngrihet në protestë nga Elbasani, kundër rritjes abuzive të çmimit të naftës. Përmes një njoftimi për shtyp, selia blu bëri me dije se ky 11 tetor do të shënojë dhe nisjen e protestave kundër qeverisë. Protesta do të nisë në orën 11:00 dhe do të mbahet në sheshin ‘Gensher’ në qendër të Elbasanit, për 60 minuta.
“Partia Demokratike, dega Elbasan, do të nisë nga kjo e martë protestat kundër qeverisë. Pas rritjes abuzive të çmimit të karburanteve nga Bordi i Transparencës, PD-ja, dega Elbasan, do të organizojë një protestë për 60 minuta ditën e martë 11/10/2022, në ora 11:00, në sheshin ‘Gensher’ në qendër të Elbasanit”, thuhet në njoftimin e PD-së.
Thirrja e PD-së është shpërndarë masivisht në rrjet me mbishkrimin “Boll heshtëm”. Vetë kryedemokrati Sali Berisha ka ftuar të gjithë qytetarët shqiptarë që të reagojnë kundër çdo padrejtësie të qeverisë e të ngrihen në protesta. Berisha është koordinuar me kreun e Partisë së Lirisë Ilir Meta, por nuk dihet nëse dy drejtuesit e opozitës do të shfaqen bashkë sot në Elbasan.
Nafta ndërkohë ka kapur çmime rekord! Sipas vendimit më të fundit të Bordit të Transparencës, nafta është rritur me 22 lekë për litër dhe çmimi me pakicë do të jetë 245 lekëve për litër. Ndërsa benzina po shitet për më shumë se 200 lekë për litër. Çmimi i gazit natyror është 78 lekë/litri me pakicë dhe i shitjes me shumicë 66 lekë/litër për automjetet. Ajo që po rëndon xhepat e qytetarëve është edhe shporta e ushqimeve. INSTAT raportoi sot se inflacioni ka kapur vlerat 8.1%, më të lartin në 24 vite.
