Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Shpresat u shuan! Kërkimet për të gjetur gjallë ekuipazhin brenda nëndetëses së zhdukur në Atlantik kanë përfunduar me mbarimin e oksigjenit në nëndetësen Titan. •Roja Bregdetare e SHBA ka konfirmuar se ekuipazhi i nëndetëses Titan ka vdekur pas ngjarjes 'katastrofike' e pas gjetjes së rrënojave. •Nëndetësja u zhduk të dielën mbrëma dhe besohet ka ngecur në rrënojat e Titanikut. •Nëndetësja ishte nisur në një ekspeditë, e për shkak të një mosfunksionim ka humbur kontaktin me centralin e më pas u zhduk.• Nëndetësja zakonisht dërgon sinjale në anijen e saj mëmë çdo 15 minuta, por sinjalet nuk u morën për disa orë pas zhytjes. • Në bordin e nëndetëses ndodheshin: Hamish Harding, një eksplorues dhe biznesmen britanik 58-vjeçar, i cili është kryetar i firmës së avionëve “Action Aviation”; Biznesmeni miliarder pakistanez Shahzada Dawood dhe djali i tij Suleman. •Stockton Rush, CEO i OceanGate – kompania që organizoi misionin – ishte në bord gjithashtu. •Eksploruesi francez 73-vjeçar, Paul-Henry Nargeolet, ishte po ashtu në bord.
11 artikuj për këtë temë.
SHBA- Kompania që kishte në pronësi nëndetësen e humbur, i ka shpallur të vdekur pesë pjesëtarët e ekuipazhit të “Titan”. Pesë persona ndodheshin në anijen "Titan", e cila u zhduk të dielën, 700 kilometra larg brigjeve të Newfoundland, gjatë një eksplorimi për të parë rrënojat e Titanikut.
Roja Bregdetare e SHBA-së thotë se ata që ishin në bordin e "Titan" vdiqën në një shpërthim pas humbjes së dhomës së presionit, raporton "Sky News".
Ja kush janë pesë viktimat
Paul-Henri Nargeolet
Paul-Henri Nargeolet, 73-vjeç, ishte një ish-komandant që shërbeu në Marinën Franceze për 25 vite. Gjatë shërbimit të tij, ai u bë kapiten i grupit të zhytjes së thellë të marinës. Ai udhëhoqi disa ekspedita në vendin e Titanikut, dhe ka qenë i përfshirë në ekspedita të shumta shkencore dhe teknike në mbarë botën.
Hamish Harding
Miliarderi britanik, 58-vjeç, ishte kryetari i Action Aviation - një kompani shitjesh dhe operacionesh që ofron një sërë shërbimesh në industrinë e aviacionit të biznesit. Me qendër në Emiratet e Bashkuara Arabe - ku është selia e Action Aviation - Harding e përshkroi veten në mediat sociale si një eksplorues i botës.
Ai mban rekordin botëror Guinness për rrotullimin më të shpejtë të Tokës përmes Poleve të Veriut dhe Jugut me një avion - 46 orë, 40 minuta dhe 22 sekonda.
Shahzada Dawood
Biznesmeni me bazë në Mbretërinë e Bashkuar, Shahzada Dawood, 48-vjeç, ishte në bordin e "Titan" me djalin e tij, Suleman. Familja Dawood i përkasin një prej familjeve më të shquara të Pakistanit, firma me emër të së cilës investon në të gjithë vendin në bujqësi, industri dhe sektorin e shëndetësisë. Ai u cilësua nga miqtë si një "zotëri i madh".
Sulejman Davudi
Studenti 19-vjeçar i universitetit ishte pasagjeri më e ri në bordin e "Titan". Sulejman ishte një adhurues i letërsisë fantastiko-shkencore, sipas një deklarate nga Dawood Group.
Stockton Rush
Stockton Rush ishte shefi ekzekutiv dhe themeluesi i OceanGate Inc. Pasi u trajnua si pilot, ai u bë piloti më i ri i vlerësuar i transportit reaktiv në botë në moshën 19-vjeçare.
SHBA- Të pestë personat që ishin në bordin e nëndetëses së zhdukur 'Titan' besohet se kanë vdekur. Kjo u bë e ditur nga policia, por dhe nga kompania që dërgoi anijen, raporton 'Skynews'.
"Besojmë se CEO ynë Stockton Rush, Shahzada Daëood dhe djali i tij Suleman Daëood, Hamish Harding dhe Paul-Henri Nargeolet, fatkeqësisht kanë humbur jetën" thuhet në një deklaratë të 'OceanGate'.
“Këta njerëz ishin eksplorues që kishin një pasion të thellë për të eksploruar dhe mbrojtur oqeanet e botës. Zemrat tona janë me këta pesë shpirtra dhe çdo anëtar të familjeve të tyre gjatë kësaj kohe tragjike. Ne pikëllojmë humbjen e jetës dhe gëzimin që ata sollën për të gjithë ata që njihnin."
Në një konferencë shtypi, Admirali John Mauger konfirmoi se është gjetur koni i nëndetëses së zhdukur, afërsisht 487 m (1600 këmbë) nga harku i Titanikut.
Mauger shtoi: "Në emër të Rojës Bregdetare të SHBA dhe të gjithë komandës së unifikuar, unë u ofroj ngushëllimet më të thella familjeve. Unë vetëm mund ta imagjinoj se si ka qenë kjo për ta dhe shpresoj që ky zbulim të sigurojë pak ngushëllim gjatë kësaj kohe të vështirë."
Kompania që kishte në pronësi nëndetësen e humbur i ka shpallur të vdekur pesë pjesëtarët e ekuipazhit të “Titan”.
OceanGate në një deklaratë për mediat ka shprehur ngushëllimet për jetët e humbura në këtë tragjedi.
Deklarata e plotë e OceanGate
CEO ynë Stockton Rush, Shahzada Dawood dhe djali i tij Suleman Dawood, Hamish Harding dhe Paul-Henri Nargeolet, fatkeqësisht kanë humbur jetën. Këta njerëz ishin eksplorues të vërtetë që kishin një dëshirë një dhe një pasion të thellë për të eksploruar dhe mbrojtur oqeanet e botës. Zemrat tona janë me të ndjerët dhe çdo pjesëtar të familjeve të tyre gjatë kësaj kohe tragjike. Ne do të kujtojmë me pikëllim dhe gëzim atë çka ata sollën për të gjithë publikun.
Kjo është një kohë jashtëzakonisht e trishtuar për punonjësit tanë të përkushtuar, të cilët janë të rraskapitur dhe të pikëlluar thellë për këtë humbje. E gjithë familja OceanGate është thellësisht mirënjohëse për burrat dhe gratë e panumërta nga organizata të shumta të komunitetit ndërkombëtar që kanë punuar kaq shumë në këtë mision. Ne e vlerësojmë angazhimin e tyre të palodhur për ditë dhe netë me radhë për të gjetur këta pesë eksplorues. Kjo është një kohë shumë e trishtuar për të gjithë komunitetin e eksploruesve dhe për secilin nga anëtarët e familjes së atyre që humbën në det.
Viktimat janë: Paul-Henri Nargeolet, Hamish Harding, Shahzada Dawood, Sulejman Davudi, Stockton Rush./Dosja.al
BRITANI- Mbetjet e gjetura në kërkimin e nëndetëses “Titan” ishin pjesë të nëndetëses, zbulon eksperti i shpëtimit. Ai shtoi dyshimet se nëndetësja mund të jetë shkatërruar në ujërat e Oqeanit Atlantik.
David Mearns, tha se mbetjet që janë gjetur janë pjesët e poshtme dhe të sipërme të nëndetëses që u shpall e humbur me 5 persona në bord.
Mearns ka zbuluar për Sky News se ai njeh miliarderin britanik Hamish Harding dhe nën-pilotin francez Paul-Henri Nargeolet, të cilët janë pjesë e ekuipazhit që ka humbur gjurmët prej ditësh.
BRITANI E MADHE- Një vend rrënojash është zbuluar brenda zonës së vëzhgimit pranë Titanikut, njoftoi Roja Bregdetare e SHBA. Sipas tyre, ku vend u zbulua nga një automjet i drejtuar nga distanca pranë zonës së kërkimit dhe autoritetet po "vlerësojnë informacionin".
A debris field was discovered within the search area by an ROV near the Titanic. Experts within the unified command are evaluating the information. 1/2
— USCGNortheast (@USCGNortheast) June 22, 2023
Nuk është e qartë nëse mbetjet janë të lidhura me nëndetësen Titan.
Kërkimet për nëndetësen vazhdojnë, ndërsa oksigjeni brenda saj thuhet se ka mbaruar. Sipas informacioneve furnizimi me oksigjen do të ndalonte pak pas orës 14:00. Megjithatë, situata e saktë në bord nuk dihet, dhe ekspertët kanë thënë se parashikimet e furnizimit janë "të pasakta" në lidhje me ato në bordin e Titan.
Zhytësi 6.7 metra i gjatë, në pronësi të kompanisë me bazë në SHBA 'OceanGate Expeditions', filloi zbritjen drejt rrënojave të Titanikut në orën 08:00 të mëngjesit të së dielës. Ai humbi kontaktin me anijen mbështetëse nga e cila u shkëput pas rreth një orë e 45 minutash, minuta para se të arrinte në rrënojat e famshme në një zonë të largët të Atlantikut të Veriut.
Raportet për "tinguj nënujorë" në zonë janë ende duke u hetuar, por besohet se pjesa më e madhe e tyre mund të jetë zhurma e oqeanit./Dosja.al
Nëndetësja 'OceanGate' e cila prej më shumë se 4 ditësh ka humbur gjurmët së bashku me 5 turistë në thellësinë e Oqeanit Atlantik është kthyer në qendër të vëmendjes nga mediat kombëtare dhe jo vetëm. Ish- korrespondenti shkencor i ABC News Michael Gillen ka kujtuar aventurën e tij kur nëndetësja e vogël në të cilën ndodhej, humbi në rrënojat e Titanikut në vitin 2000, shkruan CNN.
Në shtator 2000, ekuipazhi i nëndetëses u përgatit të zhytej në rrënojat e Titanikut.
"Gjithçka ishte në rregull, moti na ndihmoi dhe deti nuk pati dallgë", tregoi ai.
Ndërsa nëndetësja i afrohet fundit, rrënojat e Titanikut bëhen më të dukshme. Askush nuk mund ta imagjinojë se çfarë do të ndodhë më pas.
“Mos harroni se ky nuk është vetëm një mbytje anijesh, por një vend i shenjtë ku njerëzit humbën jetën”, tha Michael Gillen.
Presionet nën të cilat është trupi i njeriut janë të paimagjinueshme, tha ai. "Kjo është ajo që ndodh kur jeni kaq thellë, 2.5 milje thellë, i gjithë ajri është i ngjeshur dhe ky është rezultati që të kuptoni se çfarë po ndodh në trupin e njeriut", tha ai,
Gillen ka treguar momentin kur nëndetësja pësoi një incident nga rrënojat e 'Titanic'.
“Copa të mëdha të Titanikut filluan të binin mbi ne dhe ne e dinim se ishim në telashe”, tha ai.
Aventura e Guillen ka shkaktuar interes në mbarë botën, por fatkeqësisht, nuk ka shkaktuar aq shqetësim sa duhet.
SHBA- Analiza fillestare nga Marina e SHBA-së rezulton se tingujt e zbuluar nga një avion kanadez në fillim të kësaj jave u gjeneruan nga “zhurma e oqeanit në sfond”.
Kundëradmirali John Mauger tha se oficerët e Sky News po vazhdojnë analizat e tyre, por ai tha se Roja Bregdetare e SHBA nuk po pret një raport të plotë për të ndërmarrë veprime.
SHBA- Zyrtarisht ka mbaruar oksigjeni që kanë pasur në anijen e tyre, 5 ekspluruesit që u futën në thellësi të oqeanit për të parë mbetjet e anijes Titanik. Gjithsesi ekziston një teori se pesë turistët mund të jenë gjallë, shkruan Blic.rs.
Ekuipazhi ka mbetur pa oksigjen
Megjithëse llogaritjet sugjerojnë se furnizimi 96-orësh i Titanit me ajër të frymëmarrjes është zhdukur, ekspertët theksojnë se ky është një vlerësim i pasaktë dhe mund të zgjatet nëse pasagjerët do të merrnin masa për të ruajtur ajrin e frymëmarrjes.
Për momentin nuk dihet nëse pasagjerët ishin gjallë pasi nëndetësja u zhduk mëngjesin e së dielës. Frank Owen, një ekspert për kërkimin dhe shpëtimin në nëndetëse, tha se shifra e furnizimit me oksigjen ishte një vlerësim i dobishëm, por bazohej vetëm në një "sasi nominale të konsumit".
Një nëndetëse Victor 6000, e dërguar nga Franca për të ndihmuar në operacionin e shpëtimit me kërkesë të Marinës amerikane, ka arritur në vendndodhjen e mbytjes së Titanikut dhe pritet të ndihmojë në operacionin e kërkimit, duke bërë të mundur ngritjen në sipërfaqe të nëndetëses Titan.
SHBA- Koha mbaroi! Edhe nëse kanë qenë gjallë, tashmë nuk janë më. Zyrtarisht ka mbaruar oksigjeni që kanë pasur në tankun e tyre, 5 ekspluruesit që u futën në thellësi të oqeanit për të parë mbetjet e anijes Titanik. Roja Bregdetare Amerikane vlerësoi se oksigjeni në nëndetëse do mbaronte sot në orën 13:08, ndërsa ende nuk ka asnjë shenjë jerë prej tyre.
Siç raporton BBC, kapiteni që po udhëheq operacionin e kërkim-shpëtimit tha se nuk e dinte se ku mund të jetë nëndetësja, por aktualisht automjete robotike me telekomandë (ROV) dhe të pajisura me kamera do të skanojnë thellësitë e shtratit të detit gjatë gjithë ditës.
SHBA- “The Simpsons” njihen për parashikimet e tyre historike, nga zgjedhja e Donald Trump si president i SHBA-së, shpërthimi i fuqishëm në Bejrut e deri tek pushtimi i Ukrainës nga Rusia. Së fundmi ata kanë parashikuar zhdukjen e nëndetëses "Titan" me pesë turistë në bord në Atlantik.
Në Tik-Tok po qarkullojnë pamje ku në një pjesë të The Simpsons, personazhi Homer Simpson niset me një nëndetëse drejt një anije të fundosur dhe shkëput kontaktet me qendrën kryesore. Një detaj tjetër është ai i oksigjenit, i cili në pjesën e The Simpsons, mbaron.
Pikërisht pamjet lidhen me nëndetësen "Titan", e cila u nis për të vizituar anijen e Titanikut, por në orët e para shkëputi kontaktet me kompaninë 'OceanGate'. Kërkimet vazhdojnë dhe nuk dihet nëse pesë pjesëtarrët e bordit do të kenë të njëjtin fund fatal si në The Simpsons.
SHBA- Teksa kërkimet vazhdojnë për nëndetësen e zhdukur Titan pranë rrënojave të Titanikut në Atlantik, detaje të reja zbulohen nga jeta e pesë turistëve që ndodhen në bordin e nëndetëses. Dailymail raporton se gruaja e shefit ekzekutiv të nëndetëses turistike të zhdukur ka lidhje me viktimat e katastrofës së anijes së Titanikut në 1912.
Rastësi kjo, por stërgjyshërit e Wendy Rush, Isidor dhe Ida Straus humbën jetën si pasojë e mbytjes së Titanikut, pikërisht anijes që bashkëshorti i saj Stockton Rush zgjodhi të vizitojë. Rush është një prej pesë turistëve në bordin e nëndetës së zhdukur.
Wendy Rush, e lindur Wendy Hollings Weil, u martua me inxhinierin dhe sipërmarrësin Stockton Rush në 1986. Rush ka vizituar rrënojat e Titanikut tre herë me kompaninë e burrit të saj në dy vitet e fundit dhe punon si drejtore e komunikimit në OceanGate.
Stockton Rush, 61 vjeç, themeloi OceanGate në 2009. Inxhinieri aeronautik i lindur në Seattle, i shkolluar në Princeton, punoi në avionë luftarakë dhe fillimisht shpresonte të shkonte në Mars përpara se të kalonte vëmendjen te deti.
SHBA- Ekipet e shpëtimit që po kërkojnë për nëndetësen e zhdukur Titan pranë rrënojave të Titanikut në Atlantik u kanë mbetur vetëm disa orë para se pesë personave në nëndetëse t'u mbarojë oksigjeni. Sipas parashikimeve të ekspertëve, kjo do të ndodhë sot dhe problemi kryesor është se si të shkohet në nëndetëse.
Nëndetësja Victor 6000 u dërgua për të ndihmuar në operacionin e shpëtimit pas një kërkese nga Marina e SHBA. Victor 6,000 mund të zhytet në një thellësi prej 6,000 metrash dhe mund ta ngrejë Titanin nëse ka ngecur në fundin e oqeanit. Nga ana tjetër nëndetësja Titan ka një furnizim 96-orësh me oksigjen në rast emergjence.
Në nëndetëse ndodhen pesë persona: një miliarder britanik, një pilot francez i nëndetëses, një biznesmen pakistanez dhe djali i tij 19-vjeçar, si dhe drejtori ekzekutiv i kompanisë që menaxhon Titan.
