"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Megaaksion në Vlorë, finalizohet operacioni "Camper". • Në pranga kanë përfunduar 4 rumunë, ndërsa në kërkim janë 5 persona të tjerë. • Brenda 2 kamperave, Policia e Vlorës ka sekuestruar 260 kg kanabis, ndërsa në pranga kanë përfunduar: Marius Cimpeanu, 21 vjeç, Mihaela Cimpeanu, 20 vjeçe, Florin Tucan, 24 vjeç dhe Andreea Pislaru, 21 vjeçe, të katërt me shtetësi rumune. • Në kërkim janë shpallur 5 persona të tjerë. • Dyshohet se rumunës, për llogari të disa bashkëpunëtorëve të tyre shqiptarë, tashmë të shpallur në kërkim, kamufloheshin si turistë, duke marrë me qera campera luksozë e duke u ndarë në çifte kryenin trafikimin e lëndës narkotike nga vendi ynë për në Greqi dhe më tej. • Hetimet ende vazhdojnë.
2 artikuj për këtë temë.
VLORË- Publikohen pamjet e aksionit "Kamperi" të Policisë së Vlorës, e cila sekuestroi 260 kg drogë, e cila ishte fshehura në dy kampera turistësh. Siç duket edhe nga pamjet e mëposhtme, droga ishte e fshehur në një prej raftet e kamperit. Sasia e lëndës narkotike ishte ndarë në pako dhe gati për treg.
Lidhur me rastin, Policia thotë se të arrestuarit janë 4 shtetas rumun: Marius Cimpeanu, Mihaela Cimpeanu, Florin Tucan dhe Andreea Pislaru, ndërsa në kërkim janë shpallur 5 persona të tjerë, por identiteti i tyre nuk është bërë me dije.
Ndërkohë që grupi hetimor ka nisur punën për zbardhjen e plotë të aktivitetit të këtyre personave, të cilët nën maskimin si turistë kryenin transport droge.
VLORË- Policia e Vlorë ka vendosur në pranga 4 rumunë po transportonin 260 kg kanabis, kamufloheshin si turistë me kamper dhe kalonin drogën nga Shqipëria në Greqi. Në pranga kanë përfunduar: M. C., 20 vjeç, M. C., 20 vjeçe, F. T., 24 vjeç dhe A. P., 21 vjeçe, të katërt me shtetësi rumune. Gjithashtu janë shpallur në kërkim 5 shtetas, si bashkëpunëtorë në këtë veprimtari kriminale, për trafikun e drogës nga Shqipëria në Greqi me qëllim shitjen në shtetin fqinjë.
NJOFTIMI I PLOTË:
DVP Vlorë/Drejtori i Drejtorisë Vendore të Policisë Vlorë Drejtues Ermal Muçaj, në konferencë për shtyp, për goditjen e tentativave për trafikimin e lëndëve narkotike. Finalizohet megaoperacioni policor antidrogë i koduar “CAMPER”. Arrestohen 4 shtetas. Sekuestrohen 260 kg lëndë narkotike kanabis dhe 2 automjetet kamper që ishin përshtatur për transportimin e lëndës narkotike. Përshëndetje, jam sot këtu, me zëvendësdrejtorin për hetimin e krimeve, të qarkut, dhe shefin e seksionit të narkotikëve, për të bërë prezente rezultatet e megaoperacionit policor të koduar “CAMPER”. Në vijim të operacioneve policore për goditjen e trafikimit të lëndëve narkotike, strukturat hetimore dhe Forca Operacionale e Drejtorisë Vendore të Policisë Vlorë, si dhe shërbimet e Komisariateve të Policisë Sarandë dhe Himarë, nën drejtimin e Prokurorisë pranë Gjykatës së Shkallës së Parë Vlorë, bazuar në inteligjencën policore, finalizuan me sukses operacionin policor të koduar “CAMPER”.
Në kuadër të këtij operacioni, sot, në orët e para të mëngjesit, u bë e mundur kapja dhe prangosja e 4 shtetasve rumunë që transportonin një sasi prej 260 kilogramë lëndë narkotike cannabis sativa, me 2 automjete luksoze të tipit “Camper”, me targa rumune, me qëllim trafikimin e kësaj lënde në shtetin grek e më tej. Konkretisht u arrestuan në flagrancë shtetasit: M. C., 20 vjeç, M. C., 20 vjeçe, F. T., 24 vjeç dhe A. P., 21 vjeçe, të katërt me shtetësi rumune. Gjithashtu janë shpallur në kërkim 5 shtetas, si bashkëpunëtorë në këtë veprimtari kriminale, por për arsye hetimi të dhënat e tyre nuk bëhen publike.
Gjatë kontrollit të automjeteve të tyre, në tentativë për të dalë nga territori shqiptar, u gjetën të fshehura në një ndarje të fshehtë dhe të përshtatur artificialisht, në automjet, një sasi prej 260 kilogramë lëndë narkotike.
Vendet e fshehta të përshtatura u zbuluan në të dy CAMPERAT e sekuestruar. Nga veprimet hetimore dyshohet se këta shtetas, për llogari të disa bashkëpunëtorëve të tyre shqiptarë, tashmë të shpallur në kërkim, kamufloheshin si turistë, duke marre me qera campera luksozë, dhe të ndarë në dy çifte kryenin trafikimin e lëndës narkotike nga vendi ynë për në Greqi dhe më tej. Nën drejtimin e Prokurorisë pranë Gjykatës së Shkallës së Parë Vlorë vijon puna për dokumentimin e plotë të këtij rasti, si dhe për kapjen dhe vënien përpara përgjegjësisë të bashkautorëve të tjerë shqiptarë tashmë të shpallur në kërkim nga Policia.
Policia e Vlorës është e angazhuar maksimalisht për parandalimin dhe goditjen e veprimtarisë kriminale të kultivimit dhe trafikimit të lëndëve narkotike. Vlen të theksohet se strukturat e DVP Vlorë, muajt e fundit, janë angazhuar maksimalisht, falë dhe bashkëpunimit dhe besimit të qyetarëve, për të parandaluar ngjarjet kriminale, për goditjen e kultivimit në ambiente të mbyllura dhe trafikimit të lëndëve narkotike, kapjen e personave në kërkim dhe të atyre që qarkullojnë me armë zjarri. Sigurojmë qytetaret se Policia e Shtetit është në shërbim të tyre dhe shumë e vendosur për të luftuar bashkërisht, me partnerët dhe agjencitë e tjera ligjzbatuese, krimin e organizuar dhe trafiqet e paligjshme.
